Nabi Ibraahim (CS) waxa uu ka mid yahay shanta Nabi ee la yidhaa (uulul Casmi) ee illaahay (SW) balanka adag la galay oo kala ah, Nabi Nuux, Nabi Ibraahim, Nabi Muuse, Nabi Ciise (CS) iyo Nabi Maxamed (CSW) oo sida ay u qoran yihiin u kala horeyay.

Nabi Ibraahim (CS) waa nabigii illaahay (SW) ku ibtileeyay ibtixaanka weyn, Nabi Ibraahim (CS) waxa uu ahaa adoonkii illaahay (SW) uu yidhi "Kii wanaaga oofiyay" Illaahay (SW) waxa uu ku kareemeyay Nabi Ibraahim xushmad gaar ah waxa laga dhigay aftirsiintiisi tawxiid saafi ah, waxana lagu tilmaamay kuwii diintiisa raacay in ay yihiin ehlu caqli.

Illaahay (SW) waxa uu ku tilmaamay Nabi Ibraahim (CS) in uu yahay mid tooban keen badan oo ka mid ahayn mushrikiinta, fadliga illaahay (SW) siiyay ibraahim waxa ka mid ahaa in looga dhigay dadka Imaam tafiir-tiisina laga dhigay Nabiyo, anbiyada ka denbaysay oo dhami waa awlaadiisi waxana xaqiiqobay balankii uu illaahay la galay oo ah in anbiyada isaga ka denbeeya ay noqdaan tafiir-tiisa, ilaa Nabigii ugu denbeeyay Anbiyada Nabi Maxamed (CSW), isla markaana ay xaqiiqowday aqbalaada ducadii nabi ibraahim (CS) uu illaahay beryay ee ahayd:- in umadan umuyiinta ah laga soo dhex saaro rasuul iyaga ka mid ah.

Hadii aynu wadno oo aynu baadhno fadliga Nabi Ibraahim (CS) iyo sida uu illaahay (SW) u karaameyay waxa inaga buuxsamaya layaab, waxaynu arkaynaa shaqsi rabigiisa la hortagay qalbi saafi ah, illaahay (SW) waxa uu ku yidhi nabi ibraahim islaam ilaa uu yidhi waxa aan isku diibay rabiga caalimiinta, waa nabi waana kii ugu horeyay ee yeesha maqaca muslimiinta, waa nabi midhiihii ducadiisu ay noqdeen soo saaridii Nabi Maxamed (CSW).

Nabi Ibraahim (CS) waxa uu ahaa awoowga iyo aabaha Anbiyadii ka denbaysay oo dhan waxa uu ahaa mid hanuunsan oo dulqaad badan, illaahay (SW) waxa uu inana xasuusiyay fadli ka balaadhan waxaa hore oo dhan oo ah illaahay waxa uu khaliil ka dhigtay ibraahim, kuma jirto kitaabka quranka ah Nabi illaahay (SW) ka dhigtay khaliil oo aan ahayn Nabi Ibraahim (CS).

Culumadu waxay yidhaahdeen waxa Khaliil loo yidhi jecel uu illaahay (SW) u qabo dartii, darajada aadka u saraysa ee ibraahim oo ah ku dhowaansha illaahay (SW), dhinaca kale hadii aynu ka eegno darajadani waa dhamaadka rajada masaakiinta, ujeedaha iyo hadafka dadka ehlu xaqiiqada ah iyo kuwa illaahay yaqaana in ay jeclaadan illaahay (SW) ee doonana in iyagana illaahay jeclaado.

Ibraahim waxa uu ahaa adoon rabaani ah oo xaq u yeeshay in uu illaahay ka dhigto khaliil.

Quraanku inagamuu warami dhalashadiisi iyo caruurnimadiisi kumanuu hakani wakhtigiisi si cadaan ah laakiin waxa la inoo tilmaamay muqaal jawigii nolosha ee maalmihisi, waxa aad arkaysaa dadku in ay u qayb sameen sadex qaybood, Qayb caabuda Sanamyo laga qoray dhagaxaan iyo looxyo, Qayb caabuda xidiga iyo dayaxa iyo cad-ceeda iyo Qayb caabuda boqorada iyo kuwa xukuma.

Jawiga sidaas ah ayuu ku dhashay Nabi Ibraahim (CS) waxa uu ka dhashay qoys ka mid ah kuwaa noola wakhtiga fog, odayga qoys koogu dhinaca qolada sanamka caabuda waxa uu ahaa nin aan ka fogayn waxana gacantiisa ugu samayn jiray sanamyada ay caabudaan. Qoyskani waxay ahaayeen qoys balaadhan oo sameeya sanamyada, sidaa darteed qoyskoogu waxa uu ahaa qoys aad loo qiimeeyo oo ku dhow dhow dadka degaanka maamula.

Hadaba qoyskaa muqadiska ah waxa u dhashay inan awood u leh in uu ka hor yimaado qoyskooga iyo nidaamka mushtamaca kana hor yimaado kuwa sanamyada caabuda iyo kuwa xidiga iyo dayaca caabudaba dhamaan shirkiga oo dhan waana wax iska dabiici ah, qofka talaabadan oo kele qaada ee umadi wixii ay aaminsan tahay ka hor yimaada in dhib uu la kulmayo isagana (nabi ibraahim) dab ayaa lagu dhex tuuray.

Ma doonayo in aan dhacdooyinka qaar aan soo qadimo aanu ka bilowno caruurnimadiisi, Nabi ibraahim Caqligiisu waxa uu ahaa mid iftiimaya illaahaybaana (SW) u iftiimiyay waxana uu illaahay siiyay xigmad, ibraahim waxa uu gartay isagoo yar aabihii in uu sameeyo sanamyo la yaab leh waxa uu weydiiyay maalin wixii uu samaynayay waxa uu ugu jawaabay waa sanamkii aynu caabudeynay waana uu la yaabay ibraahim waxana uu caqligiisu gartay in uu ku ciyaaro waxa uu ka fuulfuulayay dusha sida ay dadku u fuulan fardaha iyo dameeraha aabihii ayaa maalin arkay isagoo fuushan sanamkii odaygii wuu ku cadhooday waxana uu amar ku siiyay in aanu ku ciyaarin mar denbena aanu u dhowaan.

Ibraahim waxa uu weydiiyay aabihii aabo sanamku dego waaweyna inaga wuu inaga dego waaweyn yahayee waxa uu ugu jawaabay waa kuwa soo qabta fahankiisa xeesha dheer ibraahim wuu ku qoslay xiligaana ibraahim waxa uu ahaa lix jir.

Ibraahim waxa uu aabihii weydiyay yaa dadka sameeyay waxana uu ugu jawaabay adiga aniga ayaa ku sameeyay anigana aabahay ayaa I sameeyay ibraahim waxa uu yidhi arintu sidaa maaha ee maalin ayaan maqlay oday weyn oo leh illaahay maxaad ubad ii siin weyday aabihii waxa uu ku yidhi waa runtaa illaahay dadka waxa uu ka caawiyaa sida ay dadka u samayn lahaayen laakiin illaahay dadka gacantiisa kuma sameeyo, halkana waxanau ka fahmaynaa ibraahim isagoo yar sida uu ula yaaban yahay aabihi iyo arinka uu sheegayo.

Waxa kale oo uu weydiiyay ibraahim aabihi illaahayadu waa imisa waxa uu ugu jawaabay tiro malaha, ibraahim waxa uu yidhi aabo maxaan sameeya hadaan mid u shaqeeyo oo kii kalena aan u shaqayn waayo xumaan ila doono hadii ay mashaqo dhacdo iyo dood dhex marta labadan sanam hadii la dilo kii aniga u shaqaynayay miyayna runtu ahayn in anigana I dilayo maxaan sameeya? Odaygii intuu qoslay ayuu yidhi ha baqan inankaygiyow illaahyadu ma murmaane waxay wada hoos yimaadaan illaah kale oo weynee anigu waxa aan jiray totobaantan (70) sanno welina ma arag laba illaah oo is haysta, iska dhaaf hadaa heshiish ayaa ka dhexeeye, aabihii waxa uu yidhi waa runtaa, ibraahim waxa uu yidhi maxaa laga sameeya illaah yadan waxa uu yidhi waxa laga sameeya geed timireed iyo saytuun bal kuwan yar yar ee saaga ah eeg maxaa ka qurux badan runti waxa ka maqan uun naftii.

Waxa uu ku yidhi ibraahim illaah yadani hadii ayna nafba lahayn sidee cid naf u gelinayaan hadii ay iyaguba nolol lahayn sidee cid ay u noolaynayaan anigu wax aan ku adkaysanayaa aabo kuwani illaah maaha, odaygii u aabaha ahaa ibraahim aad ayuu uga gubtay hadalkan wuxuna yidhi hadii aad qaan-gaadh ahaan lahayn madaxaaga ayaan faash ku kala jeesi lahaa, ibraahim waxa uu yidhi hadii illaah yadu dadka ay ka gargaaran samaynta dadka maxaa dadka ku kalifay in ay illaahyo sameeyan, hadii illaahyadu ka samaysan yihiin geedo in dhirta la gubaa waa khalad weyn laakiin aabo waxa aad I tidhaahdaa sidee u saacidaysaa illaah oo u samaynaysaa hadana kuwa kele oo tiro badan illaah-yadanba kaama caawinayaa sida aad caruur badan u yeelan lahayd dadkana ugu awood badnaan lahayn. Halkaas ayayna ku dhamaatay doodi u dhexeysay ibraahim iyo aabihii.

Maalmo ayaa ka soo wereegay ibraahimna wuu weynaaday qalbigiisana waxa ka buuxay caruurnimadiisi in uu si dhab ah u karaahisnaa sanamyadan ay samaynayaan walidkii dadkuna ay caabudayaan manuu fahan sanayn sida qof caqli lihi uu gacantiisa sanam ugu samaysanayo ka dibna ugu sijuudayo wixii uu gacantiisa ku samaystay, ibraahim waxa uu arkay in aanay sanamyadani waxba cabin waxba cunin oo ayna hadal oo ayna karayna in xitaa hadii qof isisoo dhinac istaago ogaanayn, sidee ayay dadku ugu qaateen waxani dhib iyo dheef toona lahayn.

Figradan in badan ayay dhibtay ibraahim in qoomkiisa oo dhamina khaldan yahay oo uu kaligii xaqa ku sugan yahay miyayna ahayn wax lala yaabo?

Qoomka ibraahim waxay lahaayeen macwad weyn oo ay ka buuxan sanamyo bartankana waxa uu ku lahaa mixraab la dhigo ka ugu weyn, sanamyadu waxay ahaayeen noocyo leh muuqalo kala duwan, ibraahim isagoo yar ayuu aabihii u raaci jiray, waxana uu aad u beenin jiray looxantan iyo dhagaxanta ee ay caabudayaan waa arin la yaab leh isagoo dhex jooga qoomkiisi, marka ay soo galaan madaxa ayay hoos u foorarinayeen waxayna bilaabayeen in ay ooyaan oo baryaan sida wax maqlaya waxna fahmaya, bilowgii ibraahim waxay la ahayd wax lagu qoslo ka dibna waxa uu bilaabay in uu dareemo cadho miyayna wax lala yaabo ahayn? In waxaas oo dad ihi ay khiyaamaynayaan, mushkiladuna way sii koradhay.

Ibraahim aabihii waxa uu doonayay marka uu weynaado in uu noqdo kuhaan waxana uu ka doonayay uun in uu ixtiraamo sanamyadan, ibraahimna si cadaan ah umuu soo bandhigi karaahidiisi, maalin ayuu ibraahim soo galay macbadkoogi isagoo la socda aabihii waxana bilaabmatay xafladii sanamyada, xaflada bartankeedi ibraahim waxa uu raacay kuhaan la hadlaya sanam, ibraahim waa uu dhagaystay ninkan uu dhagaysanayaana waxa uu weydiisanaya sanamka in uu naxariisto arsaaqona, codkii ibraahim ayaa laga maqlay mar qudha macbadka oo dhan isagoo la hadlaya kuhaankii waxa uu yidhi kuma maqlayo kuhaan-yahow miyaanad ogayn in aanu sanamkani waxba maqal dadkii oo dhan ayaa soo eegay inanka yar waxa ay arkeen in uu yahay ibraahim kuhaankiina waxa uu dareemay cadho, aabihii ayaa cudur-daar sameeyay oo yidhi waa inan yar oo buka oo waxa uu leeyahay aan is ogayn.

Macbudkii ayay ka soo noqdeen waxana soo raacay laba qof isaga iyo aabihii waxa uu jiifsaday ibraahim furaashkiisi wayna ka tageen, ibraahim inta uu ka soo hingaday furaashkiisi ayuu u jeestay dhinaca buur weyn isagoo rumaysan in aynan sanamyadan qoomkiisu sameeyeen aanay koobka abuurin kuna tasarufin abuurtiisa waxa uu eegay samada waxa uu ku arkay xidigihii dhulka lagu caabudayay, ibraahim waxa ka buuxsamay qalbigiisa murugo, intaa ka dib waxa uu eegay waxa ka denbeeya dayaxa iyo xidigaha waxa uu la yaabay in ay dad caabudaan waxan kii abuuray caabudaya ee idinkiisa ku soo baxaya kuna dhacaya.

Dood ayaa dhex martay ibraahim iyo neftiisa doodina way socotay ilaa ay gaadhay qoomkiisi caabudayay xidigaha, illaahay (SW) arinkan waxa uu inooga cadeeyay quraanka "Markuu ku yidhi ibraahim aabihii sanamyo ayaad ka dhigateen illaahyo waxa aan u arkaa adiga iyo qoomkaaguba in aad baadi cad ku sugan tihiin, (74) sidaas ayaanu u tusnay ibraahim malakuudka samada iyo dhulka si uu u ahaado kuwa muuqiniinta ah, (75) mar kuu gabalku dhacay ayuu arkay xidig waxa uu yidhi kaasi waa rabigay" [suuratul-ancaam]

Quraanku kamuu waramin jawiga ibraahi ku dhaaway arinkan laakiin inagu waxaynu dareemaynaa socodka aayadka ku dhawaaqidan in ay ahayd qoomkiisa dhexdiisa in ay ku xasilaan wayna xidheen mar ki uu diiday in uu caabudo sanamyada kuna hamiyay in uu caabudo xidigyada, sadexdan qolo ee aynu soo sheegnayna qolol kastaba xor ayay u ahayn wixii ay caabudayso isla waabirigi ibraahim wuu badalay mawqifkiisi hore waana uu ka beenayay xidigihii uu caabudayay waayo xidigihii way dhaceen ibraahimna xidig kolba soo baxaysa kolna dhacaysa illaah uma noqonayso.

"Markii ay dhaceen waxa uu yidhi ma jecli kuwan qarsoomaya (76) markii uu arkay dayaxa oo soo baxay waxa uu yidhi rabigay waa kaa" ibraahim habeenkii labaad waxa uu ku noqday in uu yidhaahdo dayaxa waa rabigay laakiin qoomkiisu darajo ku filan iyo may lahayn garasho ay ku gartaan in uu isagu yahay mid loo sikhiray iyo khaladka ay tahay caabudida shay kalna soo baxaya marna qarsoonaya, nidaaminta cibaada illaahay manay fahmin qoomkiisu markii hore waxay ka fikireen dayaxa dayaxu waa sida ubaxa sida falagyada kale ayuu kola soo baxa kolna dhacaa.

waxaynu halkan ka arkaynaa in uu u soo bandhigay qoomkiisa sidii u diidan yahay waxyaabahan ay caabudayan, dadku sidee ayay u caabudaan rabi qarsoomaya waa dayaxee, markuu leeyahay hadii aan illaahay isoo hanuunin iyaga waxa uu fahansiinayaa in uu jiro illaah kale oo ahayn waxan ay caabudayaan.

Hadalkiisa hore ee caqiidada cadceeda waxa uu soo gaba gabeeyay doodi kuwa caabuda xidigaha waxana uu kaga gar helay maadama ay cadceedu ka weyntahay xidigaha in ay cadceedu ka mudan tahay si sahlana waxa uu u soo mariyay dhaqihii qoomkiisa kuwii cadceeda caabudayna may fahmin ay caabudayeen waxyaabo illaahay abuuray, markii uu ibraahim ku dhawaaqay isagu in uu caabudayo cadceeda markii ay dhacdayna illaahnimadii loo nusmaynayay waxay noqotay waxba kama jiraan sida xidigaha oo kale.

Waxa uu awood u yaashay xujadii nabi ibraahim in uu xaqa uu cadeeyo soona bandhigo waxana bilaabmay is fahan la’aantii isaga iyo qoomkiisa, may aamusin kuwii caabudayay xidiguhu waxay bilaabeen in ay la doodan cabsina ay geliyaan una hanjabaan.

Ma garan karno weerarka lagu soo qaaday ibrahim iyo heerka ay taagnayd dooda kuwa isaga ka soo horjeeday asluubta qoomkiisi isaga raacay iyo cabsiga la geliyay illaahay quraanka inoogumuu sheegin, dood-doodu waxay ahayd mid baadil ah sidaa darteed quraanka laguma soo darin, laakiin waxa lagu xusay hadalkii ibraahim ee caqli galka ahaa sida ay isaga u cabsi gelinayeen iyo sida ayna illaahay uga cabsanayn labadooda midkeeba in uu nabadgelyo helo xaq u leh illaahay (SW) ayaana kala shaagay.

"Markuu ku yidhi aabihii iyo goomkiisi waa maxay sanamyadan aad caabudaysaan (52) waxay yidhaadeen waxanu ka soo gaadhnay aabayaashayo oo caabudi jiray (53 wuu ku yidhi xaqiiqdii idinka iyo aabayaashiinba waxa aad ku sugantii baadi cadaan ah (54) waxay yidhaahdeen ma xaq ayaad noola timid mise waad nagu dheel-dheelaysaa (55) waxa uu yidhi rabigiinu waa rabiga samooyinka iyo dhulka waana ka abuuray anigana sidaa idinka markhaati ah (56)" Suuratul Al-anbiyaa.

Waxa dhamaatay arintii waxana bilaabmay iska hor imaadkii ibraahim iyo qoomkiisa ka ugu darnaana waxa uu ahaa aabihii, waxa isku dhacay inan iyo aabihii iska hor imaadkaa waxana kala gaxeeyay mabdayo kala duwan inankuna waxa uu raacay dhinaca illaahay (SW) aabuhuna waxa uu raacay dhinacii baadilka, aabihii waxa uu ku yidhi aabo masiibo ayaa iga kaa haysta ibraahimow waad I khiyaamaysay waanad I xumaysay ibraahi isagoo ka jawaabaya arinta ayuu yidhi sida quraanku tilmaamay "Aabo maxaad u caabudaysa mid aan ku maqlay oo aan ku arkayn waxbana ku tarayn (42) aabo aniga waxa iigu yimi cilmi ahaan wax aan adiga kuu iman isoo raac aan kugu hanuuniyee dariiqa toosane (43) aabo shaydaan ha caabudin shaydaanku raxmaanka wuu caasiyayee (44) aabo waxa aan kaaga baqayaa in uu ku asiibo cadaab dhinaca raxmaanka oo aad shaydaanka xidhiidh la yeelato (45)" Suuratul Maryan.

Aabihii ayaa soo kacay isagoo aad u cadhaysan waxana uu ku yidhi ibraahim isagoo canaanaya waxan aad wado hadii aad joojin weydo dhagax ayaan kugu dili doona, taasina waa baal-marino kuwa illaahayaga ka hor yimaada iigana bax gurigayga mana doonayo in aan ku arko iga bax.

Nabi Ibaraahim (CS) waxa uu u soo baxay si taxadri leh isagoo u socda dhinaca macbadka dariiqyaduna waxay kuwa lagu dhibtoonayo macbadukuna wuu madhnaa dadkuna waxay tageen xaflado, ibraahim waxa uu soo galay macbadkii isagoo sita faash waxa uu eegay sanamyadii laga sameeyay dhagaxa iyo geeda, wuxuu eegay cuntadii la agdhigay sanamyada, wuxuuna ku soo dhowaaday sanamyadii waxana uu weydiiyay miyaanad cunayn isagoo ku dheel-dheelaya garanayana in aanay waxba cunayn, wuxuu mar labaad weydiiyay maxaad u hadli la dihiin intaa ka dibna waxa uu bilaabay in uu sanamyadii ku burburiyo faashkii uu sitay, illaahyadii goobtaa lagu caabudi jirayna waxay isku rogayn qurubyo yar yar oo dhagaxaan ah iyo foliidho yar yar oo looxan ah.

Ku dayashada ayaa waydaarisay wixii ay fikir iyo garasho la haayeen manay waydiin nafahooga hadii ay waxani illaahyo yihiin sidee ayay u dhaceen waxan ku dhaca kuwa kale ee waxba iskaga celin wayeen, waa kaa kii weynaayee sidee ayuu kuwa kale waxba uga celin wayay, waxay yidhaadeen yaa sedan u galay illaahyadii? Kaasi waxa uu ka mid yahay kuwa daalimiinta ahee, waxana la sheegay in ay dadku maqlayeen ibraahim in uu diiday aabihii iyo sanamyadan la caabudayaba oo uu balan ku qaaday in uu baabin doono marka ay ka tagaan!

Waxay u yimaadeen Ibraahim (CS) dadkiina way ku soo aruureen waxayna weydiiyeen:- ibraahimow ma adiga ayaa sidan u galay illaahyadii, ibraahim waxa uu ugu jawaabay waxa sidaa u galay ka ugu weyn bal weydiiya hadii ay hadlayaan, waana ku takrifal cadaan ah jawaabtan ku dheel-dheelka ah, mana aha in la yidhaado ibraahim been ayuu sheegay, jawaabta ku dheel-dheelkuna waxay ku noqotay mid gelisa ka fikir iyo dib u noqosho "Waxay dib ugu noqdeen nafahoogi waxayna yidhaadeen idinku waxaad tihiin dalimiin (64)" Suratul anbiyaa.

Fikirkan iyo dib u noqoshadani waxay keentay in ay dareeman in ay ku sugnaayeen marxalad liidata sanamyadan ay caabudayeena ay ahayn dulmi, markii ugu horeysana waxa u furantay garashada arintiina way rog rogeen laakiin waxay ahayd talaabo kaliya "Waxay hoos u rogeen madaxoogi waxana ay ogaadeen waxanu in uuna ahayn wax hadalaya (65)" Anbiyaa.

Runtiina markii ugu horaysa nafahooga ayay dib ugu noqdeen markii labaadna madaxa ayay foorariyeen sida ka muuqata macnaha quraanka, marka hore naftoodu waxay samaysay in ay waxyaabahan u fiirsadan mar labaadkiina waxa uu inqilaab ku dhacay kuwii aan caqliga iyo fikirta toona lahayn oo waxay yidhaadeen ibraahim waaka ina xujeeyay wixiina hadli waayeen ee maxaynu naguna ibraahim ku xujaynaa, waxa uu ku yidhi ibraahim "Ma waxa aad caabudaysan inta illaahay ka so kaysa wax aan waxna idiintarayn waxna idin yeelayn (66) waxna la soo dhowaysta toona maaha idinka iyo waxan aad caabudaysaan" Anbiyaa.

Dhacdadan… waxa bilaabmatay in ay u diyaar garoobaan in ay gubaan nabi ibraahim (CS) warkaasina waxa uu ku fuday boqortooyada oo dhan, dadku waxay isaga yimaadan miyi iyo magaalo, buur iyo banaan, si ay goob-joog uga ahaadaan ciqaabta ninkan burburiyay illaahyadoodi sanamyada ahaa kunan dheel-dheelaya Kuhaanadoodi.

Waxay qodeen god-weyn waxayna ka buuxiyeen xaabo iyo xansan iyo dhagaxaan waxayna ku huriyeen dab waxayna soo qaateen Mijiniiq oo ah aalad awood u leh in ay ibraahim ku dhex tuurto dabka, ibraahim ayay ku xidheen Mijiniiqi, godkii ay dabeeyeen ololkii ayaa kirka isku shareeray, dadkuna way ka fogaayeen godka kuleelka dartii, Kuhaankii ugu weynaa ayaan amar ku bixiyay in ibraahim lagu tuuro dabka.

Waxa u yimi Malaku Jibriil oo madaxa iska soo taagay ibraahim waxana uu weydiiyay ibraahinow wax miyaad iiga baahan tahay, ibraahim waxa uu ku yidhi adiga miyaa maya, Mijiniiqi ayaa lagu sii daayay si uu ibraahim ugu dhex tuuro dabka, dabku wuu ka holcayay halkiisi, laakiin dabkii muu qaban dantii laga lahaa oo ay ahay in uu gubo naba ibraahim, illaahay (SW) ayaana dabkii amar ku siiyay in uu ahaado "Qabow iyo nabadgelyo ibraahim u sugnaatay" ibraahim waxa uu fadhiistay bartankeeda si wixii u dhex fadhiyo beer waxana uu ku tasbiixsanayay mahadnaqa rabigii qalbigiisana kamay banaaneen meel ay ka gasho cabsi iyo argagax kale, qalbigiisa waxa ka buuxay jacalka illaahay oo kaliya.

Waxa soo fadhiisatay kuhaankii amarka bixiyay dadkoo meel fog ka soo eegaya, dabka kuleelka dabkuna waxa uu gaadhay heer ay gaaladii u maleeyeen in ayna weligay bakhtiyeen, markii denbe uu bakhtiyay ayay arkeen ibraahim oo caafimaad qaba kana soo baxaya wajigiisana nuur ka widh-widhayo maryihiisuna ayana guban, manuu lahayn raadkii qiiqa iyo gubashada, ibraahim waxa uu uga soo baxay sidii wax uu beer ka soo baxay, waxa kale oo gargaaray baroortii u qaadan waagi kufaarta waana ay ku qasaareen, "Waxay la dooneen khiyaamo waxana aanu ka yeelnay kuwa khasaaray (70)" Suuratul Anbiyaa.

Quraanku inagamuu waramin ibraahim markii u burburiyay sanamyada da’diisu inta ay ahayd kamanuu warami sannadkii lagu amray in uu risaalad fuliyo, laakiin waxa quraanka ku cad ibraahim in uu ahaa nin shabaab ah markii uu arintaa sameeyay.

Wakhtigii uu illaahay (SW) uu doortay nabi ibraahim quraanku muu-xadidin ta labaad ma karno in aynu ka bixino jawaab sugan laakiin ibraahim waxa uu watay xujooyin uu ku gaciyay kuwii caabudayay sanamyada iyo kuwii caabudayay xidigaha si dhamays-tiran waxa soo hadhay kuwii caabudayay boqorada taasina waxay noqoto in ay xuju ku noqoto gaalada.

Ibraahim waxa uu u tagay boqor ka mid ah kuwii wakhtigiisi noola quraanka illaahay (SW) nagumuu sheegi magaciisi qiimo la’aantiisa dartee, laakiin waxa lagu tilmaamay in uu ahaa Namruud waa boqorkii araamiinta ee reer iraq, boqorka iyo ibraahim waxa dhex martay dood dheer quraankuna waxa uu inooga waramay xujadii ugu horeysay ee nabi ibraahim uu hor dhigay boqorka xadgudubsan in ay ahayd "Rabigay waa ka I nooleyay waana ka nafta iga qaadi doona" boqorkii waxa uu yidhi anigu waxna waan noolayn karaa waxna waan dili karaa, waxana karaa in aan u yeedho nin wadada iska maraya oo aan dilo waxana karaa in aan iska cafiyo nin lagu xukumay dil oo natiijadiisu ahayd dhimasho, sidaa dartee waxa aan awood u leeyahay in aan waxna dilo waxna nooleyo.

Ibraahim waxa uu kula dooday boqorkii mar hadii boqorkii isku tuhmay in uu karo in uu waxna dilo waxna nooleeyo, ibraahim waxa uu ku yidhi mid aanu isku dayi karayn oo ah "Illaahay waa ka cadceeda ka keena beri ee galbeed ka soo saara" markii uu maqlay boqorkii wuu aamusay waxana ay ku dhamaatay in uu dareemo boqorki in uu ka jawaabo waxan uu isku dayay in uu nabi ibraahim ku sheego beenale, ibraahim waxa u sugnaatay in uu boqorku beenale yahay aduunyaduna waxay leedahay nidaam iyo qowaamiin ay ku socoto, qawaamiinta illaahay (SW) u sameeyay aduunkana qof illaahay abuuray ma karo in uu xukumo, hadii ay dhab tahay sheegashada boqorka ee illaahnimadu waxa uu badali lahaa nidaamka koomka iyo qawaamiintiisa laakiin waxa uu dareemay in uuna karayn waana uu garan wayay wax alle wuxuu yidhaa.

Hijradii Nabi Ibraahim (CS)

Waxa meel kasta ka dhacday caan-nimadii ibraahim boqortooyada oo dhan dadka ayaana ku sheekaysta mucjisooyinkiisi iyo sidii uu uga badbaaday dabkii waxa kale oo ay ku sheegayteen mawqifkii uu iska taagay boqorkii sida uu u baabiyay boqorkaa garan wayay waxa alle wuxuu yidhaa, ibraahim wuu sii wada dacwadii waxana uu sameeyay dadaal badan si ay qoomkiisi u hanuunaan waxan uu isku dayay in uu ku qanciyo dariiqa kasta, markii uu yaraaday jacalkii uu u qabay iyaga (qoomkiisa) ayuu ka cadhooday kana hijiraaday, nabi ibraahim (CS) waxa rumeeyay oo kaliya nin iyo gabadh qoomkiisa ka mid ah, gabadhu waxay ahayd Saara oo markii denbena noqotay xaaskiisi iyo Luud oo isaguna noqday nabi ka denbeeyay.

Hadaba markii uu gartay in aanu qofna rumaynay ayuu go’aansaday in uu ka haajiro ka hore intaanu haajirin ayuu waalidkii ugu yeedhay imaanka ka dibna waxa u cadaatay waalidkii in uu yahay cadow illaahay oo aanu lahayn iimaan, waxana uu yidhi beri ayaan ka ahayn cilaaqaadkiisina wuu jaray.

Mar labaad qisaska anbiyadu waxa uu leeyahay lama filaan qisadii Nabi Nuux (CS) aabuhu nabi ayuu ahaa inankuna gaal, Qisadan Nabi Ibraahim (CS) aabuhu waa gaal inankuna waa nabi, hadaba labadan qiso waxaynu ka aragnaa sida muuminku ugu dhawaaqay in uu bari ka yahay cadowga illaahay in kastuu inankiisi yahay ama aabihiiba, illaahayna (SW) waxa uu ina fahansiinayaa inta aynu ku jirno qisadan cilaaqadka kaliya ee waajibka tahay in ay ku taagnaato isku xidhnaanta dadku in ay tahay cilaaqadka iimaanka ee ayna ahayn ta dhiiga iyo wada dhalashada.

Ibraahim waxa uu ka soo baxay dulkiisi waxana uu bilaabay hijradii waxana uu u safray magaalo la yidhaa Arwa iyo Xaaran waxana uu u socdaal ilaa iyo Falastiin waxana la socotay gabadhiisi, Falastiin ka dib waxa uu tagay Masar, wakhtiga uu ku jiray socdaaladan oo dhan dadka waxa uu ugu yeedhayay jidka illaahay (SW) waxana uu u dagaalamayay dartii waxana u adeegayay dadka taagta daran iyo faqarada waxana uu dhex-dhaxaadinayay dadka, waxana uu ku hadeynayay xaqa.

Boqorka masar waxa soo gaadhay warar odhanaya masar waxa yimi nin ay la socoto gabadhii aduunyada ugu quruxda badnayn waana uu damaaciyay, waxana uu u diray ciidankisii si ay ugu keenaan waxana uu ku amray in ay waydiiyaan ninka la socda hadii uu ninkeedi uu noqdo ay dilaan, Nabi ibraahim (CS) ayuu illaahay (SW) u soo waxyooday waxana uu ku yidhi nabi ibraahim gabadhiisi hadii ay aniga I kaa waydiiya waxa aad ku tidhaahdaa waa walaalkay, macnaha in ay ku walaaloobeen illaahay dartii.

Hadaba aynu ku noqoto kalmadii ahayd waxa sidan yeelay kooga u weyn ee waydiiya iyo tan ah waa walaashay mid waliba waxay wadataa tafsiir gaar ah iyadoo taasi jirto illaahay waxa uu aad ugu cabsanayay xisaabtiisa kalmadahan maalinta qiyaamaha, marka dadka qiyaamaha la soo saaro lana xisaabinayo nabi ibraahim (CS) waxa uu odhanayaa anigu rabigay sadex jeer ayaan been u sheegay, imikana waxanu arkaynaa in ay dadku umada hortooda been ka sheegan iyagoo ka xishoonay kana cabsanayn illaahi abuuray.

Markii ay u soo galeen ayuu boqorkii gacantiisa ku fidiyay si uu u taabto wuu fashilmay gacantiina waxay ku engegtay halkeedi, waxa uu bilaabay boqorkii in uu aad u qayliyo markii ay gacantii dhaqdhaqaa yeelan wayday waxana u yimi kuwo noocisa ah laakiin way kari waayeen in ay wax u taraan, Saara waxay ka cabsatay in ay nafteeda u dilaan waayna tidhi "Rabiyow iga gaxee yaanay I dilinee" illaahayna (SW) waa uu ka caqbalay.

Boqorkii muu tooban keenin waxna kumuu qaadan waxana uu u malayeeyay dhacdo laga soo gudbay wuu tagay waxana uu soo weeraray mar labaad mar labadkiiina wuu ku fashilmay waxana uu ku yidhi ii ducee illaahay (SW) ayay u bariday waana laga caqbalay, mar sadexaad ayuu hadana sidii yeelay markaa denbena wuu ku fashilmay waxana uu ku yidh hanada ii ducee waan iska kaa siidaynayaaye, hadana illaahay (SW) ayay u bariday illaahayna wuu ka caqbalay.

boqorkii wuu sii dayay waxana uu siiyay shay dahab ah waxa kale oo uu siiyay adoomada magaceeda la yidhaado Haajira, qisadani waa caan markii Nabi Ibraahim (CS) soo galay masar qisadanina ku dhacday ee boqorku ka damaciyay gabadhiisi Saara, qisadununa ay dhex martay boqorkii iyo Saara.

Gabadha Nabi ibraahim ee Saara waxay ahayd mid aan wax ubad ah u dhalin, boqorka masarna waxa uu siiyay dahab iyo gabadh reer masar ah si ay ugu adeegto, Ibraahimna waxa uu noqday nin da'ay madaxuna cadaaday wakhtigaa dheerna waxa uu ku jiray dacwada illaahay (SW), Saari waxa ay ka fikirtay in iyada iyo ibraahim ay yihiin kali wax ubad ahna ayna lahayn waxayna jeclaaday gabadha reer masar ee loo soo siiyay in ay u shaqayso uu guursado, gabadhu waa Haajira, ibraahimna wuu guursaday waxayna u dhashay ilmihii ugu horeyay waxana loo bixiyay Ismacil.

Nabi Ibraahim (CS) waxa uu ahaa markii uu dhalay ismaacil nin da'ah, mana garanayno masaafada uu u maray dacwada illaahay (SW) waxana uu ahaa inta badan mid ku jira safar illaahay dartii ah, hadii uu degan yahay maqaamka gurigiisa iyo hadii uu qaado talaabo kale oo socdaal ahba.

Nabi Ibraahim waxa uu u socdaalay illaahay dartii waxana uu ogaa aduunyada inta lagu nool yahay in ay tahay ayaamo ka dibna ay xaqu imanayo suurna al afuufayo qiyaamuna dhacayo dadka qubuurahana la soo saari doono.

Nabad iyo Jacayl uu u qabo maalinta Qiyaamaha ayaa buuxusay qalbiga ibraahim, waxana uu doonay in uu arko sida uu illaahay (SW) u soo nooleeyo dadka dhintay sida ku sugan quraanka "Markii uu yidhi ibraahim rabiyow I tus sida aad u noolayso dadka dhinta waxa lagu yidhi miyaanad I rumayn waxa uu yidhi haa laakiin si qalbigaygu ugu dego"

Ahaan maayo kalgacalka deganaashaha qalbiga ee iimaanka wata wax aan ahayn darajo jacalyka illaahay (SW) "Waxa illaahay ku yidhi soo qobo afar shinbirood qurub qurubna u goo qayb kastana buur ka tuur ka dibna u yeedh way ku iman iyagoo ordaya, waxa aad ogaata in illaahay yahay mid cisi iyo xigmad leh"

Nabi Ibraahim (CS) waxa uu fuliyay amarkaa illaahay (SW) waxana uu soo qabtay afar shinbirood qurub qurubna ayuu u jaray, qurub kastana waxa uu ka tuuray buur intaa ka bacdina wuu u yeedhay baalashii waxa ay doonteen garbahoodi, madaxiina waxa uu doontay laabtiisi qurub kastana halkiisi ayuu doontay ilaa ay shinbirihii nooladeen una yimadeen.

Ibraahim ayaa toosay maalin waxa uu amray xaaskiisi haajira in ay soo qaadato inankeena ismacil una diyaar garowdo safar dheer maalmo ka dib ayuu bilaabmay safarkii, gabadhiisa haajira oo wadata inankeedi ismaaciil, inanka yarina uu naaska jaqayay ka dibna naaskii lama jaqsiin, ibraahim waxa uu marayay dhul beero ah ka dibna waxa uu soo galay saxare hadana waxa uu galay buuralay ilaa uu soo galay saxaraha jasiirada carabta waxana uu ku soo hagaagay waadi aan lahayn beero iyo timir geedho iyo cunto iyo biyo midna aan lahayn, halkaas oo ahayd meel aan lagu noolan Karin ibraahim waxa uu soo gaadhay waadigi waxana uu ka soo tagay daabadiisi waxana uu soo dejiyay gabadhii iyo inankiisi halkaas ayuuna kaga tagay, waxana uu uga tagay in yar oo cunta ah iyo in yar oo biyo ah ka dibna wuu ka tagay.

Way ka daba carartay gabadhii ibraahim iyadoo leh ibraahimow halkee ayaad tagaysaa ma waxa aad nagaga tagaysaa meeshan aan waxba oolin, ibraahim waxa uu jawaabay hadhku wuu soconayaa waxay ka ku celisay hadlakii markii hore mar labaadkii waxay fahantay in aanu go'aankani ahayn mid naftiisa ah laakiin uu yahay amar illaahay (SW) waxayna waydisay ibraahim in illaahay (SW) sidaa amray ibraahim waxa uu yidhi haa, waxay tidhi gabadhaa muuminada ah dayacmi mayno mar hadii illaahay sidaa ku amray.

Intaa ka dib ibraahim wuu socodkiisi ilaa ay buuri kala qarisay labadiisi gacmood ee karamaysnaa ayuu samada u taagay waxana uu baryay illaahay (SW) "Rabiyow anigu waxa aan ku suganahay iyo duruyadayduba tog aan lahayn beer beedkaaga muxaramka ah agtiisa"

Wakhtigaa muu jirin beedka illaahay (SW) waxana la dhisay mar denbe manay jirin kabcadu iyana waa la dhisay halkan waxa taalay xigmad wayn oo ah tasarufaad xeel dheer, Ismaaciil waxa uu ahaa wiil kan yare ee hooyadii lagaga tagay isla goobtan inankaa yari waa ka noqon doona masuulka waalidkiina la dhisi doona kabcada, xigmada illaahay (SW) waxa ay fulisay in meesha ay ku sugnaato deganaasho lagana taago beedka illaahay (SW) ee dhamaanteen salaada xagiisa aanu ula jeesano.

Nabi Ibraahim (CS) waxa uu kaga tagay gabadhiisi iyo wiilkiisi yaraa ee naaska jaqayay saxaraha waana uu soo noqday gabadhiisi iyadoo wiilkii yaraa naaska nuujinaysa ayay dareentay haraad cadceeduna waxay ahayd mid kulul biyihii yaraa ee ay haysatayna laba maalmood ka dib ayay ka dhamaadeen canihiina ka engageen, haajira waxay dareentay in wiilkeeda yari ooman yahay iyadoo wakhtiga cuntadiina ay ka dhamaatay, waxa bilaabmatay xaalad qalafsan.

Ismaacil waxa uu bilaabay in uu haraad la ooyo hooyadiina way ka tagtay iyadoo biyo u soo deydayaysa wayna soo noqotay iyadoo deg degsan waxayna soo gaadhay buurta Safa way ka noqotay iyadoo baadhaysa ceel biyo ah ama dad socota ah halkaan waxba may jirin si deg deg ah ayay uga soo degtay safa ilaa ay soo gaadhay waadigi wayna socotay socod qof aad u dadaalaya waxay ka gudubtay waadigi waxay gaadhay buurta Marwa wayna istaagtay waxayna eegtay hareera si ay cid u aragto laakiin cid may arag waxayna hadana ku soo noqotay inankeedi ismaacil waxayna hadana aragtay isagoo ooyaya oonkiina ku sii adkaaday waxayna u carartay dhinaca safa waana ay istaagtay hadana waxay u carartay dhinaca marwa wayna ay istaagtay wayna carartay totoba jeer iyadoo marna tagaysa marna soo socotan una dhexaysa labada buurod ee Safa iyo Marwa totoba goor ayay marna tagtay marna soo noqotay, sidaas ayayna xujaastu totoba goor marna u tagaan marna u soo noqdaan inta u dhaxaysa Safa iyo Marwa si loo nooleeyo xusuusta hooyadii koowad iyo Nabigii waynaa ee ismaaciil.

Way noqotay haajiri totoba jeer ka dib iyadoo daalan waxa ay agfadhiisatay wiilkeedi ismaacil oo haraad la ooyaya hadaba daqiiqadahan quusta ah ayay haleeshay raxmadii illaahay (SW) ismaacil ayaa ku garaacay lugihiisa dhulka isagoo ooyaya waxana ka soo booday lugihiisa hoostiisa ceelka Samsam waxana kor u soo kacay noloshii ismacil iyo hooyadii, intaa ka dib illaahay (SW) ayay u mahadnaqday ilmihiina way waraabisay, waxana bilaabmatay nolol lagu degay goobtaa, waxana rumoobay hadalkeedi markii ay lahayd dayacmi mayno mar hadii illaahay lanaga tagay.

Waxa bilaabmatay in ay safaradu degaan halkaa oo ay ka dhaansadaan biyaha, waxa kale oo bilaabmatay in goobtii la dego deegaankuna balaadho.

Waxay waynaadya ismaaciil waxana ku xidhmay qalbiga ibraahim ismaacil, waxa uu dhashay mar uu waynaaday wanaa uu jeclaaday illaahay (SW) waa uu ibtixaamay jacalkaa dartii waxana uu riyo ibraahim ku arkay isagoo gowracaya inankiisa kaliya ee ismaacil, ibraahimna waxa uu ogaa riyada anbiyadu in ay tahay wax yi.

Eeg sida uu u dooranayo Illaahay (SW) adoomadiisa, rajee nooc kasta oo ka mid ah noocyada doorashada inagu waxaynu horjoogna nabi qalbigiisu ugu raxmad badan yahay qalbiyada dhulka ku sugan oo ay ka balaadhisay qalbigiisa jacaylka illaahay (SW) iyo jacaylka waxa la abuuray, waxa uu dhalay inankiisa ismaacil isagoo waynaaday waxana uu damcay isagoo da'ah oo rajo qabin in uu ubad dhalo, waxana uu riyo ku arkay isagoo qowracaya inankiisi kaliya ee uu lahaa, nooc kasta oo ka mid ah hirdanka waxa uu la galay naftiisa, waana uu khaldan yahay ka u malaynaya hirdanku in aanu korin waligii oo aanu noqon balaayo wayn.

Hadaba mawqifkan ka madhan hirdanka ee dexmaray Nabi Ibraahim (CS) iyo naftiisa kagana tagay raadka iyo caadifada, ibraahim muu is waydiin sababta ka denbaysa qawricida inankiisa ismaacil, ibraahimna illaahay ma waydiiyo amarkiisa, ibraahim waxa uu ka fikiray inankiisa ismaacil muxuu odhan doona marka aad dhulka jiifiso ee aad gawracayso? Ma waxa ka wanaagsan in aad ku tidhaado sidan ayaa ka wanaagsan qalbigiisa una fududaynaysa in uu inta uu soo qabto xoog ku qawraco sidaas ayaana ka fiicanatay arintiina ay ku dhamaatay.

Nabi Ibraahim (CS) waxa uu u tagay inankiisi ismaacil waxana uu ku yidhi "Inankaygiyow manaan ayaan ku arkay aniga oo ku gowracaya" eeg maxaad aragtay waxa uu eegay aabihii sida uu u gaarsiyay inankiisa wuu ka tagay amarkii si uu inanku u fahmo cadeecid, amarku waxa uu ahaa aragtida ibraahim oo ahaa waxyi kaga yimi dhinaca rabi sidee ayuu hadaba u arkayaa inan wanaagsani arinkaa?

Waxa uu ku jawaabay ismaacil aabo arinkaa hore u fuli "Abaabo fal waxa lagu amray waxa aad iga heli doontaa hadii alle yidhaado in aanu noqdo kuwa samra" waxa uu rajaynayay jawaabta inanka qofka garanaya in la gowracayo oo u muuqato amar illaahay oo doonistiisa soo hor dhigaya si uu walidkii u dejiyo waa samir xaalku nooc kasta ha ahaadee, lagana yaaba in uu jeclaystay inanku isagoo lagu gowracay amar xaga illaahay ah waxana kala cadanaysa jacaylka ibraahim ee illaahay iyo inankiisa mana garanayno dareenka nafta ibraahim markii uu isku dhiibay inankiisi saabirka ahaa.

Waa ismacil oo dhulka jiifa wajigana dhulka ku haya si aanu u arag naftiisu in uu gowracayo isla markaana ibraahim waxa uu dul hayay mididii uu ku gowricilahaa oo uu gacanta ku hayo isagoo marka illaahay (SW) fulinaya, quraanku waxa uu ku tilmaamay tacbiirtan islaanimo dhab ah isla markaa ay mididina ku socotay fulinta amarka illaahay (SW).

Illaahay (SW) waxa uu u dhawaaqay ibraahim illaahay baana furtay ismacil, imtixaankina wuu ka dhamaaday ibraahim, maalintaasi waxay noqotay ciida islaamka ciid lagu xusayo islaanimada dhabta ah ee ibraahim iyo ismacil, ibraahim illaahay (SW).

Wayna socota qisadii Nabi ibraahim waxana uu ka tagay inankiisi ismacil waxana uu soo maray dhul badan kaligii maalmo ayaana ka soo wareegay ibraahim waxa uu ka tagay dhulka Al Kaldaaniyiin waxana uu ka gudbay Urdun waxana uu dagay dhulka Kancaan, ibraahim wuu ilaabin intii uu dhacwada ku jiray in uu waraysto Nabi Luud iyo qoomkiisi oo ahaa qofkii ugu horeyay ee rumeeyay, illaahay (SW) ayaana doortay qoom casiyiin ah oo xun in uu nabi ka soo saaro.

Ibraahim oo fadhiya kaligii daqiiqad kaliya waxa dhulka u soo degay sadex malag Jibriil, Israafil iyo Mikaa'il iyagoo u eeg dadka aadna u qurux badan, way soo socdeen iyagoo aamusan waxayna u yimadeen ibraahim waana ay u bishaareeyeen, ibraahim waxa uu u tagay qoomkii luud waxana u sameeyay sharci lagu qaado cidii denbi gasha, malaa'igtii way socdeen mid ka mid ah ayaan ibraahim u dhiibay shay, ibraahim markii uu wajigoogi eegay wuu garan wayay iyagoo ku bilaabay salaan isna uu salaamay, ibraahim wuu soo kacay wuuna soo dhoweeyay waxana uu geeyay gurigiisa isagoo moodaya in ay yihiin marti qariib ah wayna fadhiisteen, ibraahim wuu baxay waxa toostay iyana gabadhiisi Saara oo ahayd gabadh aad u da-wayntaaday oo madaxeedu cadaaday ibraahim waxa uu ku yidhi gabadhiisi waxa ina soo booqday sadex nin oo socota ah waxayna waydiisay sida ay yihiin waxa uu yidhi midna kama garanayo cid kalena ma garanayso shakina kuma jiro in ay meel fog ka yimaadeen laakiin dharkooga kama muuqato in ay safar soo galeen ee wax la cuno maxaad inoo haysay?

Waxay tidhi waxa aan ahaa neef adhi ah badhkii waxana uu yidhi iska dhaaf oo dibi gowrac una shiil waa marti waxay rartaana ma haystaan waxana laga yaaba in ay fagoro ahaayeen.

Ibraahim waxa uu doortay dibi waxana uu amray in la gowraco waxana uu ku bilaabay magaca illaahay waana uu gowracay waxana la bilaabay sidii dibiga loo shiili lahaa waxana la soo diyaariyay cuntadii ibraahim waxa uu u geeyay martidii ibraahim ayaa inta uu hor dhigay gacanta geliyay isagoo ku dhiiri gelinaya in ay cunaan, ibraahim waxa uu ahaa nin aad u karaamo badan waxana uu haystay dibigaa oo kaliya sadexdan martida ahna waxaba ku filnaa ama ka badnaa neefkii adhiga ahaa badhkii, ibraahim wuu dhaqaaqay waxana uu arkay in aanu midkoodna waxba cunayn waxana uu u soo dhoweeyay cuntadii isagoo leh waar maxaad u cuni waydeen ka dib hadana wuu eegay waxa uu arkay iyagoo waxba cunayn.

Dhaqanka dadka reer baadiyaha ah wakhtigaa waxa uu ahaa in aan martidu waxba la cunin qofka guriga leh iyagoo ka baqaya sharka qofka guriga leh.

Ibraahim iyo naftiisiba waxa la yaab ku noqotay nimankaan waxba cuni la waxayna ugu soo galeen si lama filaan ah waxana uu arkay iyagoo madaxiisa taagan manay wadanin wax gaadiid ah wajigooguna waxa uu ahaa mid la yaab leh waxayna ahaayeen socoto manay lahayn boodh iyo calaamadihii safarka ka dibna waxa uu ugu yeedhay cunto si ay ula cunaan waxana ku korodhay cabsi.

Malaa'igtu waxay akhriyaysay afkaarta ku dhex wareegaysa nafta ibraahim mid ka mid ah malaa'igta ayaa ku yidhi ha cabsanin ibraahim waxa uu ugu jawaabay si dhab ah isagoo leh gartay in aan cabsanayo waxana idin keenay cunto waana idin soo dhoweeyay laakiin gacantiina maydaan gelin ma sharbaa iga fisheen? Waxa dhoolo cadeeyay mid ka mid ah mala'igtii isagoo leh anagu ibraahimow waxba ma cuno anagu waxanu nahay malaa'ig illaahay (SW) waxana naloo soo diray qoomka luud waxa kacday gabadhii ibraahim oo goorahaba la socotay doodan ninkeeda iyo malaa'igta dhex martay wayna qoshoshay waxayna eegtay mid ka mid ah malaa'igta waxana ugu bishaareeyay Isaxaaq way aamustay iyadoo la yaaban waxay tidhi "Waxay tidhi hoogaygee ma waxan dhalayaa aniga oo gaboobay ninkayguna gaboobay taasi waa arin la yaab leh" [Suuratul Huud-12]

Waxa soo noqday mid malaa'igta ka mid ah oo ku yidhi "Waxa ka denbaynaya isaxaaq iyo yacquub" waxa galay dareen layaab leh qalbiga ibraahim iyo gabadhiisaba, ibraahim waxa ka bacay cabsidii waxana galay qalbiga ibraahim farxad iyo layaab isku jira, ibraahim gabadhiisu waxay ahayd gabadh gaboowday oo tukubaysa laakiin waxa gelgelishay ruuxdeena bishaaradii malaa'igta waxana ay is waydiiyeen wadaadan gaboowday iyo odaygan ibraahim sidee ayay ubad u dhalayaan "Ma waxaad igu bishaaraynaysaan aniga oo gabow I taabtay" [Suuratul al Xajar-54] ma waxa uu doonayaa in uu maqlo bishaarada mar labaad? Mise waxa u doonayaa in uu qalbigiisu ku nagaado bixinta illaahay ku manaystay? Mise naftiisa waxa ku jiray dareen bila'aadam si uu ugu helo kalsooni?

Waxa uu la gariiray laba jeer farxad malaa'igta ayaa ku adkaysay in ay si dhab ah ugu bishaareeyeen "Waxay yidhaadeen waxanu kugu bishaaraynay xaq ee haka mid noqon kuwa quusta" [Suuratul al xajar 55] "Ma jiro qof ka quusta raxmada illaahay kuwa halowsan mooyane" [Suuratul al xajar 56]

Malaa'igtu may fahansiin dareen bashar isna wuu diiday in uu noqdo kuwa quusta ah waxana uu fahansiyay in aanu ahayn mid raxmada illaahay (SW) ka quustay, bishaarayntaasina kumay ahayn nabi ibraahim (CS) iyo gabadhiisia shay sahlan manuu ahayn ibraahim mid leh inamo aan ismacil ahayn, waxana uu kaga yimi ismacil jaziirada carabta, saara may ahayn mid mudada badan ee wada joogayn mid u dhashay ubad iyadana u guurisay haajira, haajira waxay dhashay ismacil laakiin saara ubad may lahayn.

Maalmo badan ayaa ka soo wareegay waxana ay odhan jirtay waa amar illaahay sidaas ayuuna illaahay la damcay iyadoo gabowday oo aakhiru cimri ah ayay la kulantay bishaaradan "Waxaad dhalaysaa inan" intaas oo kaliya maaha ee waxa u bishaaraysay malaa'ig uguna bishaaraysay in inankeedu noqon doono mid sida ay u og tahay dhalashadiisa u ogaan doonto noloshiisa, in badan ayay samirtay ka dibna way ilowday ka dibna waxa timid abaal marintii illaahay (SW) si lama filaan ah oo ka masaxday waxaas oo dhan ilbidhicsi kaliya ilma ayaa ka soo dadatay indhaheeda iyadoo taagan ibraahimna waxa uu dareemay dareen qiiro leh iyo raxmad, ibraahim waxa uu dareemay in uu helay nimco aanu garanayn sida uu u gudan lahaa mahadnaqa illaahay (SW) xaqa ugu leeyahay, ibraahimna illaahay (SW) ayuu u sujuuday, amarkaasina sidaas ayuu ku dhamaaday ibraahim oo ku sugan dad-nimadii ee illaahay (SW) geliyay, ibraahim markii uu ka soo toosay sujuudi ayay ka tagtay cabsidii waxana dagay qalbigiisi, waxana xusuustay in malaa'igta loo soo diray qoomkii luud, luudna waxa dhalay walaalkii Naasix oo deganaa meel ku dhow.

Ibraahim muu garanayn macnaha loo soo diray malaa'igta looguna diray qoomka luud iyo cadaabta ku dhacaysay, dabeecada ibraahim waxay ahayd raxmad iyo kalgacal kumanay ahayn cidhiidhi halaaga qoom, ibraahim waxa uu bilaabay in uu la dodo malaa'igta arinka qoomka luud waxana uu uga waramay sida ay iimanka u qaateen markii denbena ugu noqdeen xumaantii waxana uu fahansiiyay malaa'igtii in ay yihiin qoom mujrimin ah muhiimadooduna ay tahay in dhusha lagaga soo tuuro dhagaxaan iyo dhoobo naar ah oo xaga rabi laga keenay.

Nabi ibraahim (CS) wuu ka soo noqday isagoo ku waramaya kuwa muuminiin ahaa ayuu ku yidhi malaa'igtu waxay yidhaadeen anagu waanu og nahaya cida muumininta ah ee ku dhex jirta qoomkaa waxayna fahmeen in illaahay (SW) arintan amar ku bixiyay oo la fulinayo amarkii illaahay oo ahaa in la halaago qoomkan, ibraahimna u uu malaa'igta la dooday laakiin amarkii illaahay (SW) ayay malaa'igtu fulinaysay qoomkii luudna sidaas ayaa loo halaagay doodi ibraahimna kamay celin cadaabtii qoomkii luud, ibraahim wuu ka aamusay malaaigtii malaa'igtiina waxay u kaceen dhinicii qoomkii luud.

Illaahay (SW) waxa uu yidhi "Markaan u sheegnay ibraahim meesha laga dhigayo kabcada iyo in aanu cibaada illaahay cidna aanu u shariik-yeelin una gargaaro xajka kuwa dawaafaya kuwa jooga kuwa rukuucsan iyo kuwa sujuudsan (27) dadka uga yeedh xajka way ku iman rag iyo dumarbee iyagoo ka imanaya meel kastoo fog" Suratul Xaj 26-27]

Illaahay (SW) ayaa ku amray Nabi Ibraahim in uu dhiso xajka (beedka illaahay) illaahay baana tusay halka laga dhigayo xajka, waxana la yidhi waxa tusay Malakul Jabriil, ibraahim waxa uu tagay Maka waxa uu helay ismacil oo jooga ceelka samsamka agtiisa waxana uu ku yidhi ismacilow illaahay baa I amray in aan dhiso masjid, ismacil waxa uu ugu jawaabay samee wixii illaahay ku amray ibraahim waxa uu yidhi mar labaad adigana waxa lagugu amray in aad iga caawiso dhisidiisa, ismacil waxa uu yidhi hadaa waan kaa caawin.

Ibraahim waxa uu u kacay xagii masjidka laga dhisi lahaa waxana uu bilaabay dhismihii inankisi ismacilna waxa uu u soo gurayay dhagaxa, mar kasta oo uu saf dhameeyana wuxuu bilaabay safka ka sareeya ilaa uu dhamaaday masjidkii, ibrahim waxa uu ku taagnaa dhagax uu u dhigay ismacil su uu kor ugu dheerado.

Illaahay (SW) waxa uu yidhi "Markii kor ibraahim u qaaday masjidkii waxa uu yidhi illaahayow naga aqbal adiga ayaa na maqlay oo na ogee (127) rabiyow naga yeel muslimiintada tafiirtaydana ka dhig umad islaam ah natusna halka aad na dejinayso toobadana naga caqbal adiga ayaa toobada caqbala oo naxariis badan (128) Rabiyow ka soo dhex saar rasuul ka mid ah iyaga oo u akhriya ayaadkaaga oo bara kitaabka iyo xigmada daahiriyana adigu waxa aad tagay mid cisi leh oo xigmad badan(129)" [Suratul Baqra]

Nabi Ibraahim (CS) waxa uu dhisay masjidkii ugu sharafta badnaa isagoo ka dhisay goobtii ugu sharafta badnayd tog aan lahayn goodo ehelkiisa waxa uu illaahay (SW) u baryay in uu illaahay ku arsaaqo midho iyagoo jooga meel biyuhu ku yar yihiin dhirna aan lahayn iyo in uu illaahay ka dhigo xaram aamin ah, waxa kale oo ibraahim illaahay ka baryay in umada ka denbaysa ka soo saaro rasuul ka mid ah iyaga oo jidsiyadooda ah luqadoodana ku hadlaya barana kitaabka iyo xigmada illaahay (SW) wuu ka caqbalay waxana uu ka soo saaray carab dhexdeeda qabiilkii ugu sharafta badnaa Nabi Maxamed (CSW).

Ibraahim markii uu dhameeyay dhismihii kabcada waxa uu ku yidhi inankiisi ismacil ii keen dhagax aan dhigo koonaha si ay dadku u gartaan waxana u keenay jibriil Xajar aswadka wuuna qabtay waxana uu dhigay halkiisi.

Si loo ogaado xajaru aswadka in uu ahaa yaaquud cad lagana keenay jannada laakiin markii ay taabteen mushrikiintu ayuu madoobaday, kacbadu waxay ku beegan tahay Macmuur dusheedana waxa ah masjidka ay ku tukadaan Malaa'igtu maalin kastana waxa soo booqda totobaantan kun oo malag marka ay ka baxaana aan dib ugu soo noqon.

Dimashadii Nabi Ibraahim (CS)

Waxa uu Nabi Ibraahim (CS) dhintay isagoo dadiisu tahay 200 sanno sida laga fahmayo xadiiska Ibnu Xabaan: waxa kale oo la yidh ibraahim waxa uu noola 175 sanno, Ibraahim markii uu ka so haajiray Iraq waxa uu degay falastiin waxana uu ku noq-noqon jiray maka si uu u soo ogaado xaalka ay ku nool yihiin inankiisi ismacil iyo hooyadii Haajira.

Waxana aasay labadiisi inan ee ismacil iyo isaxaaq waxayna ku aaseen qubuurihii lagu aasay Gabadhiisi Saara tuulada la yidhaado Xamruun oo maanta loo yaqaano Khaliil oo ku taala falastiin.

Illaahay (SW) iyo Rasuulkii Maxamed (CSW) sida ay u amaaneyn Nabi Ibrahim (CS)

Illaahay (SW) isaga oo amaanaya Nabigiisi Ibraahim waxa uu yidhi "Ibraahimkii oofiyay" ibraahim waxa uu oofiyay wax kasta oo illaahay amray oo ah qaybta iimaanka kamanay mashquulinay fulinta amarada illaahay wax kale.

Waxa kale oo illaahay (SW) yidhi "Markii illaahay ku ibtixamay kalmado wuu dhamays tiray illaahay waxa uu ku yidhi dadka ayaan kaga dhigayaa imaam waxa uu yidhi tafiirtaydana waxa uu ku yidhi illaahay balan kayga kuma jireen kuwa dalimiinta ah" ibraahim markii uu dhamaystiray wixi illaahay amray ee ah waajibaadka waawayn dadka ayaa looga dhigay imaam si ay ugu deydaan, ibraahim waxa uu waydiisatay illaahay (SW) in imaam-nimadan ay ku xidhiidhsanato tafiirtiisa, illaahay (SW) waxa uu ugu jawaabay inaanay wanaaga lahayn dalimiintu ee khas ay ku tahay inta tafiirtiisa ah ee muuminiita ah iyo kuwa wanaag farayaasha ah.

"Waxanu siinay isaxaaq iyo yacquub dhamaantoodna waanu hadaynay nuuxna tafiirtiisa hore ayaan u hanuuninay, da'uud, saleeban, ayuub, yuusuf, muuse iyo haarun, sidaas ayaana ku abaal marinaa kuwa wanaag falayaasha ah (84) Sakeriye, Yaxye, Ciise iyo Ilyaas waxay ka mid ahaayen kuwa wanaagsan (85) Ismacil, Yasac, Yuunis iyo Luud dhamaantood waxanu ka fadilnay caalimiinta (86) aabayaashoodi iyo duriyadoodi iyo walaalahood waxanu ku hanuuninay dariiqa toosan (87)" Suratul Ancaam]

Nabi Maxamed (CSW) isagoo amaanaya Nabi Ibraahim waxa uu yidhi "Waxan istaagi doona goob ay khalqiga oo dhami ay rajeeyan ibraahim" tafiirta Nabi ismacil kuma jiro Nabi aan ahayn Nabi Maxamed (CSW).

Halkaas ayaana ku soo dhamastirnay qisadii nabi ibraahim (CS) inagoo website badan ka soo aruurinay oo carabi ah, Waana website hoos ku qoran.

Farxad aan la qiyaasi Karin iyadoo la iga dareemayo ayaan hurdadii ka soo toosay, anigoo aan garanayn farxadaas waxa igu dhaliyay ayaan markiiba gudo galay in aan isku diyaariyo Shaqadii aan aadi lahaa ee Caadada ii ahayd intii aan is diyaarinta ku gudo jiray ayaan gacantayda midig ka dareemay cun cun saa’id ah waan xoqey si uu cun cunka iiga ba’o balse wuu iga bi’i waayay, wax yar hadaan sii joogay hadana isha midig ayaa libiqsi bilowday Markaas ayaan dareemay in cun cunka gacanta iga haya iyo libiqsiga ay ishaydu samaynayso in ay yihiin waxyaalihii ay dadku ku sheegi jireen Marti ayaa kugu soo fool leh iyo lacag baad heleysaa iyo wax la mid ah, dan kama gelin oo is diyaarintaydii　 ayaan iska sii watay ilaa aan guriga ka soo baxo.

　　　　　　　　　　　 Waxaan ka mid ahaa Shaqaalaha Shirkadaha Xawaaladaha ee ka dhisan Muqdisho midood, shaqadayduna waxa ay ahayd lacag bixiye, markii aan soo xaadirey oo aan Shaqadaydii bilaabay ayaa waxaa mar kaliya indhahaygu qabteen gabar joog dheer Midabkeeduna uu casaan yahay kuna labisan dharka isku jooga loo yaqaano nooca dumarka (suit) midabkiisuna yahay midabka dameerka madaxa sare qamaar cadays ah ayaa ugu xirnaa da’deedana qiyaastii kama badnayn 18 ilaa 19 jir, Mana ahayn macaamiisha shirkada ee aan is baranay waayo　 muuqaalkeedu wuxuu ahaa mid igu cusub, daymadii aan ku bilaabay markii ay iridka ka soo gashay kama qaadin ilaa ay ii soo jirsato qadar sadex talaabo ah, mar alla markii ay la siman tahay Muraayada ay dadku soo istaagaan marka loo baarayo liiska lacagaha ayay I salaantay markaasaan anigoo is xariifinaya salaantii ka qaaday ka dibna waxa aan weydiiyay waxa ay u baahan tahay oo loo qanabaayo, markaasey cod macaan oo qafiif ah igu tiri:- "Walaal waxaan rabey in aad liiska iiga baarto lacag Shirkadan la iigu soo direy?"　 "waa yahay" intaan iri ayaan weydiiyay in　 ay ii sheegto qofka loo soo direy lacagta Magaciisa oo saddexan?" waxayna iigu jawaabtay:- "Suleeqo siyaad Cumar" markiiba baaris ayaan ku dhaqaaqey nasiib wanaag waan helay magaca ay sheeganayso gabadha, waxaa u qoran lacag　 dhan $150 (boqol iyo konton dollar) london ayaa laga soo direy wax cinwaan ama Telefoon laga heli karo kuma qorna, waxaan dareemay in aan gabadhan looga yeerin Xarunta balse soo diruhu ku wargeliyay in ay shirkada tagto, markaas ayaan weydiiyay Magaca ay ii sheegtay in ay iyada tahay iyo in kale, waxayna ii sheegtay in ay iyada tahay, ka dibna waxaan weydiiyay　 cida u soo dirtey lacagta iyo meesha looga soo direy waxay iigu jawaabtay:- "London ayaa laga soo direy waxaana soo direy Mustafa xasan Guhaad,"　 "Cadadka lacagtana ma kuu sheegaa su’aalaha ayaad iga badisaye" ayay hadana ii sii raacisay, intaan hadalkeedii ku Qoslay ayaan ku iri:- "Marka la gaaro ayaa lagu weydiinayaa ee Lacagta waa Diyaar waan haynaa laakiin damiin ayaa lagaa rabaa"　 gabadhii Markay hadalkaas Maqashay ayay iyadoo is xariifinaysa la soo booday:- "Maxay tahay Damaanada aad I weydiinayso, waligayba damaanad iyo wax la mid ah la ima weydiine" "haddii aan waligaa lagu weydiin Maanta ayaa lagaa rabaa" ayaan hadalkeedii u daba dhigay, Markaasey iyadoo iska dhigaysa qof la xumeynaayo igu tiri:- "walaaloow　 I dhagayso aniga lacagta iskama soo doonan, adigana iima yeerin, anigaa kuu imid oo kuu sheegay in ay lacag ii taalo, waliba cadadkeedu waa $150 Dollar,　 walaaloow macaan ha I dhibin haddii lacagtaas aad hayso i sii, haddii kale iska key fasax, aniga koley lacag dad leeyahay ma soo doonan mana damcaayo" intaan hadalkeedii kul kulaa ka yaabay ayaan ku iri:-"Abaayo damaanadu waa Sharci u yaala Shirkadaha oo dhan ee ma ahan mid anaga noo qaas ah, waxaana loogu talo galay qofka marka ugu horeeya lacag loogu soo diro　 shirkada　 in la weydiiyo damaanad ka dib waqtigaas wixii ka dambeeya wuxuu ka mid noqonayaa macaamiisha Shirkada, sidaas darteed Adiga maanta ayaad noo timid dabcan sida aan qiyaasayo waad nagu cusub tahay oo Maanta ka hor lacag laguuguma soo dirin halkan, marka si aan macaamil u samaysano cid ku taqaano oo ku damaanata noo keen wixii markaas ka dambeeya waan wada macaamilaynaa hana u maleyn abaayo mid adiga laguugu dhibaayo,　 waa sharci jira ma garatay" markii aan hadaladaas ku iri wey aamustay madaxa ayay ruxday wey is eegtay iyadoo uu xanaaq ka muuqdo waxayna igu tiri:- "Iska haysta, hadii aad I xujeyseen koley ninkii soo direy ayay u taalaa" "Maxaad sidaas u leedahay danta aad leedahay maad fiirisid oo damaanad waxba kaa dhibi meysee maad la timaadid maxaad reer baadiye isaga dhigaysaa" ayaan markiiba ku iri, markaasey iigu jawaabtay :- "Cid I damiinanaysa oo meelahan ka dhow ma jirto, adigana damaanad la imow ayaad iska leedahay, Aqoon daro ayaa iga kaa hayso dhibaato ma leh laakiin wax walba waxaa iiga daran ninka lacagta Shirkadan soo dhigay" "Maxaad hadana ka rabtaa qofka lacagta kuu soo direy oo aad uu eedaynaysaa" ayaan si hoose oo kaftan ah ugu iri, markaasey markiiba iigu jawaabtay :- "Meel aan damaanad la iga weydiin jirin ayuu lacagta ii soo dhigi jirey, ma aqaan wuxuu meeshan aan dadka laga qiimeynin iigu soo dhigey lacagta"　 "Aa.aa!, ha dhihin sidaas" ayaan markiiba la soo boodey, markaasey igu tiri:- "Maxaanan u dhihin, haddii meesha aan ka imid iyo dadnimadayda aad ogaan lahayd sidan iima gasheen, hadal badan ma rabo ma i siisay lacagta mise waan iska tagaa ......

jawaab siinin doodeedana aan weli u xiiso qabo ayaa waxaa muraayada lacagta soo istaagay wiil ka mid ah macaamiisha Shirkada, gabadhii aan maanta oo dhan murmaynay ayuu Salaamay ka dibna Aniga ayuu i salaamay, Salaantii markii aan ka qaadey ayuu haddana iga codsaday in aan liiska u baaro　 intii aan liiska u baarayay ayuu gabadhii mar kale weydiiyay waxa ay sugayso markaasey ku tiri:- "Lacag ayaa meeshan iga taalo wiilkan madowga badan inuu I siiyo wuu diidan yahay"　 "Maxaa Dhacay oo uu kuugu diidan yahay" ayuu ku yiri, waxay ugu jawaabtay:- "Isma naqaano damaanad ayuu igu xirey, anigana waligay Shirkadan lacag kama soo doonan oo Shirkad kale ayaan macaamil la lahaa oo aan ka qaadan jirey" "Intaas hadey tahay dhibaato ma leh waa lagu siinayaa lacagtaada aniga ayaa ku damiinanaya" ayuu gabadhii ku qanciyay, iyadana "waa yahay aboowe, waad mahadsan tahay" ayay u raacisey.

Inkastoo intii ay wada hadlayeen labadooda aan hadaladooda la socday haddana waxaan ku mashquulay daawashada qalqigan quruxda badan ee hadana codka macaan ee saakey ilaah ila kulmiyay waxaan go’aansaday inta aysan iga fara baxsan in aan is baro, oo soo dhaweeyo qalbi furnaan, niyad sami u muujiyo si doodii yareyd ee na dhex martay aysan u arkin in aan anigu ahay nin xun oo xir xiran dabeecadna aan lahayn　 soo dhaweyntana aan ku fiicnayn, Markaasaan wiilkii iyada la hadlayay u sheegay in lacagta uu I weydiiyay ay u taalo, ka dibna warqadii ayaan u jarey lacagtiina faraha ayaan ka saarey, markii uu warqadii iyo lacagtii iga gudoomay ayuu igu yiri:- "khaliif aboowe gabadhan hadii aad lacag u haysaan oo iyada ku qoran waad siin kartaa aniga ayaa damiin ka ah, hada ka dibna ha ku xujeyn Damaanad xaafad dheer ayay ka timid"　 "Waad mahadsan tahay, aniga igu haleey" ayaan ku iri anigoo ku faraxsan wadada uu iigu furey gabadhan maanka iga gashay waayo hadii uusan wiilkan iman lahayn waxaa dhici kartay in ay iska tagto oo ay dib dambe u soo laaban weydo, anigana waxaan qorsheystay in aysan iga fara baxsan maanta oo aan ugu yaraan ka helaa isbarasho gaaban, laakiin nasiib wanaag sidii aan filaayay ayay noqotay oo damaanad buuxda ayay heshay, wiilkii markii uu naga tagay ayay ii soo jeesatay iyadoo I leh:- "Maxaa kuu dhiman oo aad iga rabtaa maanta intaad i rafaadsan karto waad i rafaadsataye" "Abaayo aniga kuma rafaadsan ee wax sharci ah ayaan isku haynay, hadii dhib aad u aragtay waajibka aan gudanaayay raali ahow aniga ayaa ku raali garaynaayo" ayaan si naxariis leh uga codsaday, markaasey iyadoo ila kaftamaysa igu tiri:- "Markaad dantaada gaartay ayaad I raali garaynaysaa miyaa, saaxiib kaama yeelin raali garayntaas ee i soo sii lacagtayda anigaan mar dambe agtaada iman doonine" "Xanaaqa iska yaree Macaamiisha Shirkada in aan ka mid noqoto ayaan rajaynayaa" intaan ku iri ayaan warqadii u dhiibay, wey saxiixday ka dibna lacagtii ayaan faraha ka saarey.

Markii ay lacagtii iga gudoontay ayay boorso yar oo aad u qurux badan oo aan garan waayay meesha ay ku wadatay ayay la soo baxday markii ay lacagtii ku ridatay boorsada ayay igu tiri:- "Khaliif barasho wanaagsan maanta waan ku bartay" anigoo barashadaas ku faraxsan hadana u arko mid colaadin ah ayaan la soo booday:- "Barasho wanaagsan, maanta waa maalintii isbarashadeena wixii hadda ka dambeeya gacmo furan ayaan kugu soo dhaweynayaa, wixii dhacay ka raali ahow" "Raali waan ahay aboowe" ayay iigu jawaabtay ka dibna waxaan ka codsaday in ay ii sheegto magaceeda waxayna igu tiri:- "Magacayga oo sadexan waad haysataa ee nabadey" intaan ku qoslay ayaan ku iri:- "waa yahay barasho wanaagsan mar kale" wax yar ka dibna wey iga dhaqaaqday, Anigoo waliba indhaha la sii raacaya　 muuqaalkeeda dambe maadaama kii hore aan ku qancay, hase yeeshee mar ay ku beegan tahay iridka laga baxo ayay gadaal ii soo eegtay mise waxaa isku dhacay labadeena indhood markiiba wadnaha ayaa qac i yiri naxdin darteed iyadana koley kama warami karo sidey noqotaye laakiin qosol yar oo dhoolo cadeyn ah ayay ii muujisay oo aan u qaatay in ay raali ka tahay barashadeena.

Ilaa labo maalmood iyo ka badan ayuu qalbigayga ka go’i waayey Muuqaalkii Suleeqo Siyaad Cumar, waxayna ii ahayd markii iigu horeysay oo aan ruux bini’aadam ah ku mashquulo, aqoon hore uma lahayn waligayna ma arag maalintaas ka hor balse waxay igu reebtay ayaa iigu muuqday in ay tahay ruux aan hore u　 aqooni jirey, si kastaba ha ahaatee Suleeqo aragtideedii ayaan u xiisey anigoo jeclaa marka ugu horeysa oo aan arko in aan ka codsado in aan soo barto gurigooda, si danta aan ka leeyahay ay iigu hirgasho iyadana ay si fiican u barato dabeecadayda wanaagsan iyo hab la dhaqankayga, waxaan aaminsanaa oo aan nafta ku sasabi jirey in Maalintay ahaataba ay iman doonto Shirkada iyadoo doonaysa lacag looga soo direy dibada, hase yeeshee wixii aad dhararto maba soo dhawaadaan ayaa horey loo yiri dhowr bilood ayay ila noqotay waqtiguna wuu ila dheeraaday anigana hamigii igaley ayaan u hiloobey oo bidhaantaydii ayaa is bedeshay anigoon Suleeqo mar kale la kulmin waa yaab..

Anigoo is xariifinaya ayaan fadhigii ka soo istaagay iyadiina waxaan amray in ay soo istaagto, wey soo istaagtay ka dibna talaabada ayaan isla soo qaadnay ilaa aan ka soo gaarno murayada ay dadka istaagaan wiilkii fadhiyay markaas ee shaqada hayay ayaan ku amray lacagta gabadhan ku qoran inuu soo jaro damaanadna uu aniga igu qoro, ka dibna waxaan u soo jeestay iyadii markaasaan ku iri:- "waan ka xumahay in sidan laguula dhaqmo adigoo hada ka hor halkan lacag ka qaatey, aniga ayaa ku raali gelinaya raali ahow 100 jeer" "Micno ma leh ee iyaga lee igala hadal si aysan mar kale sidan oo kale ii dhibin" ayay si hoose igu tiri, Anigoo qancinaya ayaan ku iri:-"Hadeerba ma dhici lahayn ee anigaa maanta dan yeeshay oo maqnaa" ka dibna warqadii saxiixa ayaan soo hor dhigay waxaan u dhiibay qalinkii wax lagu saxiixi lahaa intay saxiixa ku maqneyd anigana waxaan ku maqnaa in aan daawado dhabanadeeda shuban oo midabkoodu　 casaanka yahay iyo indhaheeda dugulka ah ee la moodo in khad la mariyay, iyadoo marna kor ii soo eegaysay marna warqada eegaysay, warqadii markii ay saxiixday oo ay gacanta ku dhigtay lacagtii ayay igu tiri:-"aad iyo aad ayaad u mahadsan tahay, Haddii aad Maanta maqnaan lahayd waan dhibaatoon lahaa, sidaan qiyaasayo" "waqtigii lagaa lumiyay iyo sidii laguula dhaqmay aniga Khaliif ah ayaa kaa xaal marinaayo, ee waxba ha u arkin abaayo" ayaan si qancin ah ugu sheegay markaasey igu tiri:- "waxba uma arko, raali gelintaadana waa qaatay, ee maalin wanaagsan waan sii baxayaa" kalmadaas afkeeda ka soo baxday ma jeclaysan waayo waxaan rabay in ay sii joogto oo ay sheekadeenu sii dheeraato, markaasaan ku fekerey inta aanan u Fasixin bixitaankeeda inaan ka codsado in aan sii dhaweeyo, anigoo ka baqaya in ay igu diido sii dhaweynteyda ayaan ku iri:-"ina keen aan ku sii dhaweeyee" ka dibna iyadoo aan hadal ka soo celin codsigaygii ayay ii muujisay in ay diyaar u tahay in aan sii dhaweeyo markaasay socodkii ii bilowday anigana waan ka daba qaatey iyadooo shaqaalaha Shirakadu ay sidaa noo fiirinayaan ayaan iridkii is kala deganay Aniga iyo Suleeqo Siyaad Cumar.

ugu faraxsan hadalkaas qiiimaha leh ee ay igu tiri ayaan markiiba ugu jawaabay:- "Barasho wanaagsan ayaan leeyahay, aad iyo aad ayaan ugu faraxsanahay in aan maanta soo barto gurigiina, waana igu balan in aan mar walba soo booqdo, oo aysan barashadeenuna halkan ku ekaan ileyn adiga Suleeqo ah ayaa ku noole" iyadoo qoslayso ayay igu tiri:- "Waad mahadsan tahay Suleeqo dadka kale maxay dheer tahay markaad sidaas leedahay" Markaasaan la soo booday:- "Wax badan oo badan oo aan la sheegi Karin ayay gabdhaha asaageed dheer tahay, ee qof aan ogayn maxaad isaga dhigaysaa" Intay mar kale qososhay ayay igu tiri:- "Maashaa alaah waad I amaantay, ilaahay ha ku amaano, aniga koley waxba iskuma ogi, oo aan ahayn in aan ahay Suleeqo Siyaad Cumar" markuu hadalku meeshaas noo maraayo biyihii qaboobaa ee ay noo dalabtay ayaa na loo keenay, ka dibna waxay u holatay in ay biyihii noo wada shubto, markii ay galaasyadii ku shubtay ayay dibada u baxday iyadoo aan ii sheegin sababta ay u baxayso, cabaar ayaan sii fadhiyay qolkii anigoo isku maaweelinaya daawashada sawiro iyo ubaxyo qurux badan oo surnaa qolka aan ku dhex jiray iyo armaajo iga yaabisay qaabka ay u samaysan tahay oo aan u maleeyay in ay ku jiraan TV iyo Cassete, niyada ayaan iska iri:- "Ma anigaanba ka garan labiskeeda ileyn gabadha reer ladan ayay ka dhalatay" "Hadaan nin nasiib leh ahay Ilaahow Suleeqo Barashadeeda yaanan ku qasaarin, ileyn wey dhamaystiran tahay" daqiiqadihii yaraa ee aan kaligay dhex fadhiyay qolka waxaan ku mashquulay sidii aan u qiyaasi lahaa nolosha qoyskooda ka hor inta aan wareysi kala yeelan, ninkuu nasiibku saacidayo lama hor istaagi karee waxaan markiiba qorshaystay in aysan gacantayda ka bixin oo aan faraha ku dhigo maadaama waqtigii yaraa ee aan la kulmay gabadhan ay I soo jiidatay muuqaal ahaan iyo xushmo ahaan balse ay ii dhiman tahay oo kaliya dabeecad ahaan in aan barto hadana waxaan qiyaasayay in ay ahaan doonto gabar dabeecad wanaagsan oo aysan igu noqon doonin qof dabeecada ka aradan.

Anigoo mashquulkaas iyo isla hadalkaas ku jira ayaa waxaa qolkii soo galay Suleeqo oo ay la socoto islaan dheer oo midabkeedu casaan yahay joogeeduna uu aad u dheer yahay oo aan ku qiyaasay in ay tahay Hooyadeed markiiba salaan ayay ii soo gudbisay Islaantii anigana si wanaagsan ayaan uga qaadey, ka dibna suleeqo oo wajigeeda laga dareemayo farxad ayaa hadalkii qaadatay oo tiri:- "Khaliif barasho wanaagsan Hooyadey ayaan ku barayaa magaceeda waxaa la dhahaa Ambiyo Sh. Yuusuf," anigoo aan jawaab ka bixin barsahada ay Hooyadeed I bartay ayay hadana dhankii Hooyadeed u jeesatay iyadoo leh:- "Hooyo barasho wanaagsan wiilkan madowga badan khaliif ayaa la dhahaa, wuxuu u shaqeyaa shirkada cusub ee aan bishii hore lacagta ka soo qaaday waana wiilkii aan ku lahaa lacagta ayuu igu dhibay" ka dibna wey qososhay, anigoo hadalka ay hooyadeed u sheegtay ka naxsan ayaan inta qosol dhoola cadayn ah iska raadiyay ayaan hooyadii ku iri:- "Barasho wanaagsan Hooyo, magacayga khaliif ayaa la dhahaa sida ay Suleeqo kuu sheegtay Shirkada xawilaada ayaan u shaqeeyaa" iyadoo laga dareemayo sida ay raaliga uga tahay barashadeena ayay igu tiri:- "Barasho wanaagsan Khaliif, gabadhan waa walaashaa ii dhaqaalee, Shirkadiinana waa nagu cusub tahay inta aan iska baranayno shaqaalaha kale ee shirkadana kala hadal, adiga ayaan kugu ogahay, soona dhawow guriga waa gurigaaga" Anigoo cabsi iyo xishood ay isugu key darsameen dhidid fara badana uu iga soo yaacay ayaan hooyadii ku iri:- "Aniga ayaad igu og tahay, mar dambe lama dhibaayo, ileyn marka horeba lama dhibi lahayn aqoon dari ayaa jirtay" markaasey Hooyadii gabadheedii ku tiri iyadoo sii baxayso:- "Naa Suleeqo orod wiilka walaalkaa qado u soo gur waa diyaare" ka dibna inta dhankeygii u soo jeesatay ayay igu tiri:- "Khaliif Barasho Wanaagsan guriga waa gurigaaga marti ha iska dhigin" markaasaan anigana ugu jawaabay "Maya, Hooyo Marti kama ahi guriga waa gurigayga" ka dibna qolkii ayay dibada uga baxday.

Qadadii markii aan dhamaysanay oo aan in cabaar wada sheekaysanay sheeko guud is fahamkeenuna uu noqday mid heer sare ah ayaan ugu dambayntii Suleeqo ka codsaday in ay I fasaxdo maadaama waqtigu uu sii dhamaanayo, intaysan iga ogolaanin Codsigaygii ayay u yeertay walaasheed markii ay qolkii soo gashay ayay iskeen bartay walaasheed waxayna u sheegtay in la I soo dhaweeyo mar walba oo aan gurigan imaado, ka dibna dib ayay isaga laabatay wax yar ka dibna labadeena oo wada socono ayaan ka soo wada baxnay gurigii dhowr talaabo ayayna ila soo qaaday iyadoo iiga sheekaynayso in ay jiraan labo gabdhood oo kale oo hadeer iskuul ku maqan iyo sadex wiil oo kale oo dhaamaan iyada la wada dhashay, runtii Suleeqo Maalintaas waxay aad u jeclayd in aan u sii sheekeeyo oo aan ilaa galabtii la sii joogo, maxaa yeelay maalintii ugu horeyay ee aan Shirkada ku kulanay sida ay ii malaysay ma noqon oo waxaa u bidhaamay markan dabeecadayda dhabta ah, markaasaa malihii meesha ka baxay oo ay iska jeclayd in aan iskala sii joogo, hase yeeshee waqtiga ayaa ii saamixi waayay in aan la sii joogo oo aan u sii sheekeeyo, balse laba isgoys markii ay ila soo dhaaftay ayaan ka codsaday in ay iska laabato, oo kulanka kan xiga ee aan guriga ugu iman doono aan halkeeda ka sii wadi doono Sheekada, Suleeqo oo u riyaaqday hadalkaas ayaa iyadana markeedii iga codsatay in aan u sii sheego goorta aan u soo laabanayo, Anigoo dareensan xiisaha aan iyada u qabo mid ka daran in ay ii qabto, ayaa anigoo sii dhaqaaqaya ku iri:- "Beri galab iyo Shanta hadii alle idmo" "yaanan ku waayin beri galab iyo shanta" intay igu tiri ayay indhahana iigu baaqday iyadoo suniyaha dhaqdhaqaajinaysa, Anigoo aan fahmin micnaha ay suniyaha u dhaqdhaqaajinayso ayaan ka soo dhaqaaqey, iyadiina markii aan baaqeedii jawaab ka bixin wayay　 ayay dib isaga laabatay.

　　　　　　　　　　　 Xaafadaydii markii aan ku soo laabtay ilaa iyo habeenimadii waxay maskaxdayda soo celcelinaysay qaabkii uu u dhacay kulankii aniga iyo Suleeqo iyo sida wanaagsan ee aan qoyskooda u soo bartay, iyo kalsoonida ay igu abuurtay in aan mar walba gurigooda iman karo, waxaan hoosta ka gunuday in Suleeqo ay tahay qof aan caadi ahayn marka laga fiiriyo xaga insaanimada, dabeecada, xushmaynta iyo soo jiidashada, run ahaantii waxay ii ahayd wax ii dhiman noloshayda qof igu cusub oo sidaas ii qaabishay inkastoo aanan weli si fiican isu dhex gelin hadana bilowgeena ayaa ahaa mid aad u wanaagsan markaasaan anigana qalbiga gashaday in inta dhimana ay iska hagaagi doonaan insha alaah.

meesha ay sheekada iiga soo bilowday iyo meesha ay ku soo gabagabaysay kama fileyn in ay arintan iiga soo baxayso, yaab iyo amakaag ayaa alle igu dhaliyay markaasaan canjeeradii aan cunaayay hakiyay.

Sakano gudahood baa dhowr fikradood igu soo dhaceen anigoo aan u jawaabin hooyadey, kow waxaan is hor dhigay muuqaalkii Suleeqo iyo qorshihii dheeraa ee aan ka damacsanaa Mustaqbalka markaasaan go’aansaday in suleeqo qorshaheeda aan loo baabi’in Karin gabadha abtigay dhalay ee la ila rabo, anigoo ku dhiiraday in aan markiiba hooyadey u gudbiyo diidmadayda iyo go’aankayga dhabta ah, welina aan afkaygii kala qaadin ayay hadana igu soo dhacday arintii muragada xambaarsaneyd ee ku dhalisay Hooyadey saakey in ay iiga sheekayso　 oo waliba ilinta kulul ka keentay, dib ayaan hadalkii ula noqday markaasaan go’aan deg deg ah gaarey anigoo hooyadey ku qancinaya in aan diyaar ula ahay arin kasta oo ay iila timaado markaasaan la soo booday:-"Hooyo Macaan Dhibaato kasta oo aad darteen u soo martay oo aad sabarkeeda soo yeelatay ujeedadaada ugu weyn ay ahayd in marka aan weynaano aan wax kuu qabano oo aad nagu nasato, ma ahan Hooyo in anigoo labaatan jir ah aad saakay la ilmayso xusuus hore, balan waxaa igu ah Hooyo Macaan wax alla waxaad igu amarto in aan kuu Sameeyo, axdiga iyo balanta aad abtigay ka qaaday waan oofinaynaa shuruud la’aan ee ka murug la’ow," Markii ay hooyadey hadaladaas afkayga ka soo baxay ay maqashay markiiba duco aan qiyaas lahayn ayay is daba dhigtay intay gacmaha kor u taagtay, cabaar ayaan fiirinayay……….. markii aan arkay sida ay ugu faraxday hadalkaygii iyo saacado ka hor sida ay u murugaysnayd, aad baan anigana ugu　 farxay ka dibna hooyadey ayaan ka codsaday in ay I fasaxdo si aan shaqadii u aado, markiiba fasax iyo duco ayay I daba dhigtay.

　Anigoo qorshihii iyo arimihii Suleeqo ee aan xalay oo dhan qalbiga ku hayay, ee aan marba dhan ula liicayay iska ilowsan oo aad moodo in laabtaydii laga tirtiray ayaan ka soo baxay gurigeenii waxaan soo aaday shaqadaydii.

Galabnimadii markii la gaarey ee aan soo xusuustay balantii aan la lahaa Suleeqo ayay talo igu dhalatay markaasaan kusigii ku fariistay oo cabaar ka fikirey bal sidii aan ka yeeli lahaa labadan arimood ee hal mar isoo food saarey, inkastoo ay igu adkaatay in aan xal ka gaaro isla waqtigaas hadana waxaan qorshaystay in aan dib isaga dhigto oo aan waliba kala tashto saaxiibkay maadaama horey loo yiri talo adiga kaa maqan maan walaalkaa ayay ku jirtaa sidaas darteed waxaan isla gartay in qorshaha galabta ee suleeqo xageeda aan sheeko caadi ah ku soo dhamaysto ka dibna aan saaxiibkay kala kaashado sidii laga yeeli lahaa maadaama talooyinka dhalinyarada uu aad ugu fiican yahay, markiiba labis heer sare ayaan isku taagay ka dibna waxaan toos u soo abaarey Hoygii Suleeqo.

Markii aan cagaha soo dhigay hoygii suleeqo ee aan garaacay albaabkii waxaa markiiba iga furtay suleeqo oo aan kaga shakiyay in ay markaasba diyaar ku ahayd albaabka maxaa yeelay hal mar oo kaliya ayaan garaacay iyadana horey ayay ka furtay, salaan qiimo leh iyo soo dhaweyn ka wanaagsan tii maalintii hore ayaan gurigii kala kulmay ka dibna waxaa la iigu baaqey in aan hore u soo dhaafo, qolkii fadhiga ahaa ayaan wada fariisanay iyadoo horey loogu sii diyaariyay cabitaano fara badan oo kala nooc ah, anigoo niyada iska leh "tallow gabdhaha oo dhan haday sidan oo kale dhalinyarada u soo dhaweyn lahaayeen gabar guur la’aan ku dhacdaa lama arkeen" ayaan salka ku hubsaday fadhigii.

　 Suleeqo oo iyadana kursi aan iga fogeyn fadhida ayaa markiiba bilowday in ay cabitaankii noo wada shubto iyadoo leh: - "Khaliif Cabitaan noocee ah ayaad dalbanaysaa" markaasaan anigoo ku qanacsan dalabka ay ii soo jeedisay, hadana indhaha la sii raacaya cabitaanadii ku iri:- "Marindada ayaan aad u jeclahay" marakaasey koob ka shubtay iyadoo leh:- "Anigana kugu dooq ayaan ahay oo waxa aad jeceshahay ayaan anigana jeclahay" ka dibna hal mar ayaan wada qosolnay hi..Hi.hi…hiii　 Koobkii marindada markii aan ka laacay oo aan weli dhadhankeedii sii muudsanaayo ayay indhahaygu qabteen bashqad kala furan oo ay ka soo muuqato warqad ku qoran qoraal aad u qurux badan oo aan ku qiyaasay in ay tahay warqad dhambaal jacayl xambaarsan intaan isku naxay ayaan markiiba gacanta ku soo dhigay bashqadii, warqadii ayaan ka soo saarey ka dibna aqris ayaan ku bilaabay, aqrintii warqada markii aan dhameeyay ayaan Suleeqo weydiiyay cida warqadan qortay, Suleeqo oo moodey in tuhun iga galay warqada ayaa si degan ii tiri:- "Haa Aboowe, warqadan gabar aan saaxiibo nahay ayaa halkan ku ilowday, hadeer ayayna iridka ka baxday oo waxaa laga yaabaa in ay wadada kaaga hor timid ileyn ma garanayside" Anigoo jecel in aan sii hubsado hadalkeeda ayaan hadana weydiiyay:- "ujeedka ay kuugu timid gabdhan maxay ahayd ii sheeg bal"　 waxay iigu jawaabtay:-"Sheekadeeda aad ayay u dheer tahay oo hadeer lagama sheekayn karo, waxayna iigu timid in aan talo siiyo, taladaydiina wey igu diiday"　 "Talo noocee ah ayay kuugu timid" ayaan markiiba weydiiyay, markaasey si aan u qanco tuhunka I galayna iiga baaba’o ayay sheekadii ii bilowday waxayna tiri:- "Khaliifoow gabadhan magaceeda Shukri　 Siidoow ayaa la dhahaa isku fasal ayaan ahayn, waxay ahayd gabar aad u dabeecad wanaagsan oo dadka aad u xushmaysa, waxay la shaqeysaa qolooyinka NGO’yada, maalin maalmaha ka mid ah iyagoo xaflad qaba ayay xafladii gudaheeda isku barteen wiil isugu sheegay inuu wariye ka yahay idaacadaha muqdisho ka howl gala, wiilkii aad ayay isugu dheeraadeen oo jacayl ba’an ayay u qaadey, sidaas oo tahay waxaa kaloo jirey wiil kale oo iyada aad u jeclaa oo ay been ku waday, oo aan dhihi jirey war hoy wiilkan miskiinka ah ha lugoynin iska fasax, wey iga diidi jirtay mar walba oo aan ku soo hadal qaado.

Markaad fiiriso saaxiibtay uma muuqan dhibaatada ka iman karta jacaylka beenta ah waxay u aragtay oo kaliya wax iska caadi, anigana waxaan dareensanaa　 wiilka wariyaha ah in ay aad u jeclayd, balse aysan dan ka lahayn wiilkan kale ee iyada jecel, xitaa dhowr maalmood ayaa gurigeena la keenay wariyihii oo qado loogu sameeyay oo aniga xitaa la I barey, waxay arintu sidaas ahaataba maanta gabadhii wiil adeerkeed dhalay ayaa loo guurin rabaa iyadana ma ogola oo wey diidan tahay, wiilkii wariyaha ahaa ayay arintii u soo bandhigtay iyadoo u sheegtay in ay diyaar u tahay go’aan kasta oo uu kula taliyo ha ahaado in ay sameeyaan meher qarsoodi ah, ama in ay si toos ah gurigooda ugu raacdo, hase yeeshee sidii ay fileysay uma suurto gelin oo wiilkii wariyaha ahaa go’aankiisu wuxuu noqday inuu ku jees jeeso oo uu yiraahdo:-"Aniga iyo adiga xiriirkeenu ma ahayn Guur iyo wax la mid ah in aan isku soo hadal qaadno, hadii xaalkaagu heerkaas maraayo wiilka adeerka yuusan ku dhaafin, oo waalidkaa habaar ha ka muteysan anigana haddii aad igu qaldantay iga raali ahow"…………. hadeer wiilkii sidaas ula hadlay ee sharafateedii meel uga dhacay ayay leedahay waan ku laabanayaa sida ay wax u jiraan ayaan ka dhaadhicayaa, waxaa laga yaabaa in la igu direy" "war ileyn doqonsanaa, Maxay ku laabashadiisa ku falaysaa ileyn wuuba deyriyaye," ayaan ku iri anigoo la fajacsan arintan,… "Iyada ayay u taala sidey doonto ha ka yeesho" ayay sheekadii iigu soo gabagabaysay, si aan natiijada kama dambaysta u ogaado ayaan ku iri:- "Hadeer maxaad ku kala tagteen" "Maxaan ku kala tagi lahayn taladaydii wey diiday waxay ku indho cadahay in ay mar kale ku laabato, ana waan iska fasaxay" ayay iigu jawaabtay.

u maqan anigoo dhacdadaas la yaabka leh ee ay suleeqo iiga sheekaysay ku maqan ayay anigana igu soo dhacday qiso kale oo xaafadeena ka dhacday markiiba waxaan damcay in aan uga sheekeeyo waxaan hadalkaygii ku bilaabay sidan:- "Suleeqooy I dhagayso sheekaba sheeko ayay keentaa ayay la yiriye, muddo afar bilood qiyaastii waqti laga joogo ayaa qiso yaab leh ay ka dhacday xaafadeena, waxaa jirtay gabar magaceeda la yiraahdo Naciimo oo xaafada nala deganayd da’deedana　 ay ahayd sideed iyo toban jir, waxaa caado u ahaan jirtay gabadhaas in ay maalintii oo dhan dhagaysato raadiyayaasha Fmta ee ka shaqeeya Magaalada muqdisho, mudo markii ay ku taxnayd waxaa dhacday gabadhii in ay ka hesho mid ka mid ah wariyayaasha Idaacada codkiisa ka dibna uu ku beermo jacayl iyadoo aan muuqiisa arag, heer wuxuu gaarsiiyay gabadhaas marka ay hooyadeed howl u dirto in ay ku diido oo ay is xanaajiso iyadoo ka door bidayso dhagaysiga codka wariyaha ay jeceshahay ee aysan aqoonta u lahayn.

Naciimo hadaladaas la buufinaayo wey maqlaysaa, waxay sugaysaa kii ay jeclayd in la soo hadal qaado oo ay xaalkiisa wax ka ogaato, laakiin markii ay dareentay in la kala tagi rabo sheekaduna gabaabsi ku sii dhowdahay ayay is tiri ka faa’iidayso inta aan la kala tegin markaasey tiri:- "Abaayey hebel sees yahay xaalkiisa iiga waramba" tii maantoo dhan faalada bixinaysay ayaa intay Naciimo dhankeedii soo eegtay ku tiri:- "Abaayo wiilkaas waaba kan ugu quruxda badan inta wariye ee aan arkay, laakiin maxay kugu taalaa waa shuluq aad u buuran" Naciimo warkii ayaa farxad geliyay oo wariyihii ay jeclayd ayaa lagu sheegay qurux aysan ka malaysanayn, ka dibna qaar ka mid ah gabdhihii ayaa fadhigii ka istaagay si ay u kala dareeraan, naciimo oo ka faa’iidaysanaysa fursadan qaaliga ah ayaa gabar agteeda fadhiday weydiisay:- "Day!! Day!! Abaayo gabdhahaaney inteey wariyaasha ku barteen, waaba yaabanahaye" markaasaa loogu jawaabay:- "Intey ku barteen maxay tahay, Idaacadahaa la booqdaa waxaa la yiraahdaa　 dalxiis ayaanu nahay waxaan u nimid in aan idaaacada iyo Shaqaalaheeda soo barano, markaad sidaa tiraahdo gacmo furan ayaa laguugu soo dhaweynayaa meel walba oo idaacada ka tirsan ayaa lagu gaynayaa adigoo faraxsan oo maqsuud ah ayaa lagu soo dirayaa" Naciimo oo hadalkaas ku faraxsan ayaa markiiba ku jawaabtay:- "abaayo halkoo maalin ma I gaysidoo wariyayaasha dhamaantood aan soo bartee".

Suleeqo oo markan garaysatay sida uu shilku u dhacay ayaa igu tiri:-"Walaahi waa mashaakil waana arin yaab leh, sidee markii dambe lagu xaliyay arinta"　 "Odey adeer u ah ayaa labadoodiiba labo wiil　 oo reerahooda ka tirsan u kala　 guuriyay waliba hal guri ayaa la wada dejiyay sida igu maqaalo ah, wariyihiina maalintaas ayaa ugu war dambaysay warkooda" ayaan hadalkeedii u daba dhigay.

saaxiibtaa waxaa laga yaabaa inuu isaga uga sheekeeyay oo uu ka dhaadhiciyay inuusan jirin wariye isaga ka cod macaan oo Muqdisho ku nool, ileyn hadalkiisa ma beenin karto oo aad iyo aad ayay u aaminsan tahay"　 intay gacmaha dhabanka saaratay ayay igu tiri:- "Walaahi ma saasaa,　 waa yaab ma anaan garan waayin waxa ay wiilasha kale dheer yihiin ileyn iyagaaba is xayaysiiya oo iidheh isu sameeya oo wariyanimada ku faana" "Suleeqo wax badan ayaa kuu dhiman yaa ku gaarey ma adigaaba wariye kula kulmay goob xaflad, ama munaasabad ama gaari BL ah gudihiis burhaantiisa ayaad arki lahayd" ayaan hadalkii ugu soo koobay.

Sakano ka dib waxaan ka soo baxay gurigii quruxda badnaa ee ay ku noolayd Suleeqo Siyaad Cumar anigoo aad ugu farxsan bilowga sheekadeeda halka ay ii marayso iyo sida ay ii xiisaynayso oo aan qiyaasayo in ay ku qanacsan tahay qaab la dhaqankayga wallow uu juhdi adag iga hor yaalo in aan u daah furo in aan xiriir la sameeyo maadaama ay Hooyadey ila damacsan tahay Gabadha abtigay taasoo marka aan soo xusuusto igu noqota waran laabta igaga mudan, inkastoo qadarta alle aan la celin Karin hadana ma jeclayn in waqtigan oo kale ay I soo wajahaan labadan arimood ee kala culus.

Habeenimadii markii la gaarey sidii qorshahaygu ahaa waxaan toos u soo aadey hoygii uu deganaa saaxiibkay Siciid Sulaymaan markii aan gurigii soo gaarey waxaan la kulmay walaashiis Nashaad Sulaymaan oo dhowr mar iila timid in aan xiriir wada yeelano, ka dibna diidmo aan ka diiday darteed aad ii neceb oo aan I arki Karin salaanta xitaa aan iga qaadeyn, in aan la hadlo oo aan walaalkeed weydiiyo waan kala xishooday iyadoo indhaha ii ged gedinayso sankana kor u taag taagayso ciil ay ii qabto darteed ayaan dhinac marey oo aan gudaha u sii galay guriga, qolkii uu deganaa ayaan markiiba abaarey nasiib wanaag markii aan madaxa la sii galay isagoo dhexda xiranaayo oo muraayada dheer hor taagan oo marba dhinac u jees jeesanaayo si uu qaab labiskiisa u jeegareeyo ayaan qolkii gudaha u soo galay "waah! Waaah waxaasaa labis ah" intaan iri ayaan soo dhinac istaagay, Siciid isagoo la yaaban sida aan uga soo hoos dhashay ayuu markuu indhaha I saarey la soo boodey: - "weey Khaliif madoobe ahaa, ii waran waad soo dheeraatay"　　 "Waa la fiican yahay, ee saaxiiboow waxaan ku weydiiyay muraayadan weyn labiskaaga inaad ku jeegarayso oo aad marba dhinac ula jeesato miyaad guriga u soo dhigatay" ayaan anigoo yaaban ku iri, markiiba jawaab waafi ah ayuu iga siiyay isagoo I leh:- "reer magaalnimada ayay ka mid tahay in horey iyo gadaal muraayad la isaga jeegareeyo maxaa yeelay dhex xirashada maalmahan dhalinyaro aan aqoon u lahayn ayaa nagu ciriirinayso waliba suunkii odoyaasha ama kii xerta ayaa dhexda laguugu soo dhuuqsanaa meel aad ka marto ma laha ha ila yaabin nimankaas ayaa iska dhicis iiga baahan"　 intaan ku qoslay ayaan ku iri :- "Saaxiib waqtiga lagu jiro kama war haysid waad iska ciyaaraysaa ee aniga ayaa caawa kuu baahan oo qorsha weyn kaa leh ee soo fariiso halkan" markiiba sariir meesha ka dhaweyd madaxeeda ayuu ku fariistay isagoo leh:- "Saaxiibow Muslimo yarey ayaan balan la lahaa ee qorshahaaga ma mid culus baa mise waa lacab saqiir ii sheeg" Muslimada uu saaxiibkay ii sheegay waa gabar uu muddo badan raadinayay laakiin ay ku adkaatay sidii uu ula kulmi lahaa anigana waxaa iigu war dambaysay iyadoo marka ay wadada ku kulmaan indhaha ka candhuufayso diidmo ay diidan tahay darteed, balse markii aan afkiisa ka helay inuu caawa Muslimo la balansan yahay ayaa anigoo u hambalyaynaayo weydiiyay:- "Saaxiib Muslimo goormaad gacanta ku dhigtay waa adigii u waal waalan jiraye" Intuu fadhigii ka kacay oo sacabka sacabka ku garaacay ayuu igu yiri:- "Saaxiib war ma haysid hadeer miyaad I weydiinaysaa Muslimo, Adiga gadaashaa roob ayaa ii da’ay waa la nimcaystay hadii aan sheekadeeda kuu bilaabo ilaa subixii ma dhamaanayso balse waxan ku leeyahay ku bishaareyso Muslimo waa Dumaashidaa hada ka dib ka xishoo" anigoo aad ugu faraxsan guusha Saaxiibkay gaarey ayaan ku iri:- "Haddii aad Muslimo la balansan tahay anigana qorshe aad u weyn ayaan kaa leeyahay ee sidee ku heshiinaa" "Dhibaato ma leh adiga ayaa Muslimo ka weyn dantaada ayaa la qiimaynayaa koley Muslimo Nolosha ayaan ku hayaa iga baxsan mayso, ee qorshaha aad caawa igu timid ii bilow" ayuu igu yiri.

abtigaa isku noqotaan afar ayaa ilaah kuu baneeyay Suleeqo xaaskaaga labaad ayaad ka dhigan kartaa waqtigii aad doonto oo aad awood u yeelato, ma fahamtay saaxiib" Anigoo aad u faraxsan aadna u fahamsan talada saaxiibkay meesha ay diirada saarayso ayaan ku iri:- "Saaxiib aad iyo aad ayaan u mahadsan tahay hadeer ayaan fahmay macnaha oo dhan markii hore ma fahamsanayn taladaada ayaan raacayaa natiijada ka soo baxdana hadii aan wada nool nahay waan isla joognaa waan isla falanqeyn doonaa sidii Suleeqo loo soo xero gelin lahaa inkastoo guur deg deg ah aanan jeclayn hadana waa lama huraan" saaxiibkay Siciid Suleymaan　 oo ii dhoola cadaynaayo ayaa igu yiri:-"Guurka gabadha abtigaa hadal ha ka soo celin iskala aqal gal iska raaxayso maskaxdana ha kuu　 degto, laba bilood ka dib ayaan arinta Suleeqo ka howl geli doonaa insha alaah" anigoo hadalkiisa ku qoslaayo ayaan ku iri:- "Waa yahay Sxb, waa inoo mar kale, waqtiga yaanan kaa sii luminin, dumaahiday muslimo ayaa ku sugayse" intuu igu qoslay ayuu igu yiri:- "ah ah xaa….Muslimo yarey alaha ii dhaafo qof I deeqday waaye, sacdiyo, iisho, barni, shariifo iyo sihaam Dhamaantood xiriirka ayaan u wada jarey hadiiba Muslimo yarey gacanta aan ku dhigay" "alaha kula garab galo anigana dumaashi fiican alaha iiga dhigo" intaan ku iri ayaan fadhigii ka istaagay oo isku diyaariyay in aan baxo, markiiba intuu I gartay ayuu igu yiri:- "waan wada baxaynaa ee I sug catar iyo barafuun waxbaan is marinayaa" waan ka ogolaaday daqiiqado ka dib gurigii ayaan ka soo wada baxnay, cabaar ayaan wadada dhexdeeda ku sii wada kaftanay ilaa laga soo gaarey wadadii ku toosnayd guriga Muslimo Siciid markiiba Dhankii guriga Muslimo uu naga xigay ayuu u leexday anigana gurigeena ayaan toos u soo aaday.

　Laba maalmood ka dib ayay Hooyadey igu wargelisay in Xafalada Arooskayga ay dhici doonto sadex maalmood ka dib ayna isku afgarteen iyada iyo abtigay, waxay kaloo hooyadey iigu baaqday in aan wargeliyo dhamaan asxaabtayda oo dhan si ay uga qeyb qaataan Damaashaadka xafladayda Arooska.

In kasta oo uu hadalka Hooyadey aad u wanaagsanaa hadana waxaan ka door biday in aan iska aqal galo anigoo aan cidna la socodsiin marka laga reebo saaxiibkay Siciid, maxaa yeelay soomaalidu waxay tiraahdaa dhagax meel dhow ayuu ku dhacaa dhawaqna meel dheer waxaan ka baqey in warku meel kasta gaaro oo dantii aan ka lahaa Suleeqo ay ii hirgeli weydo sidaas darteed waxaan ku xisaabtamay in qorshaha ii degsan ay arintani kow ka tahay dhaqan gelinteeda ka dibna waxaan go’aansaday ka hor inta aysan xafladu dhicin in aan isla Caawa u tago walaashay Zamzam Nuur si aan ugala soo sheekaysto sida ay u aragto Aqalgalkeena maadaama aysan arintu ahayn mid aan labadeena go’aansanay.

dhan waan dhamaysanay, inta noo hartayna ilaahay ayaan ka rajaynayaa inuu noo fududeeyo, ee maxaad I oran lahayd oo kuu harey"　 "Waxba iima harin aboowe sidaas ayay ahaanaysaa balanteena" ayay si hoose iigu jawaabtay, markaasaan anigana u sii raaciyaya:- "Waa yahay orod iska laabo sida aan qiyaasayo gabdho ayaa ku sugaya oo guriga kuu jooga" intay gacanta ii soo taagtay ayay I macsalaamaysay ka dibna dib ayay gurigi ugu laabatay anigana markiiba waan soo dhaqaajiyay.

yar qushuuc muujisay　 ayay iigu jawaabtay:- "Mayee kaama warqabine maxaa ku helay aboowe miyaad xanuunsatay" Anigoo salka sii dhiganaya kursigii fadhiga ayaan ku iri:- "Walaahi xanuun iska yar yar ayaa I helay oo aan xitaa dhowr maalmood shaqo la aadi waayay," "dhakhtar ma la xiriirtay intii aad xanuunanayd? Hadase sidee tahay, ma caafimaad qabtaa mise weli waa laguugu dambeeyaa?" ayay I weydiisay, waxaan ku iri:- "Dhakhtar waan la xiriirey dawooyin ayaa la ii soo qorey, oo aan ku caafimaaday, ee adiga ii waran intaan xanuunsanaa oo dhan adiga ayaan kaa wel welsanaa laakiin adiga naxariis daradaada hadii aad I weyday xitaa shirkada igama soo raadineysid" "Aboowow iga raali ahow aniga in aad xanuunsanayd kama warqabin, oo waxaan is lahaa kii khaliif la ahaa wuu kaa dhuuntay oo nin xiisoole ah ayuu ahaa, ee hadii aan ogaan lahaa in aad xanuunsan tahay, sidaan kuugu imaadaba gurigaaga ayaan iman lahaa" ayay si qancin ah iigu jawaabtay, anigoo gacanta u sii laacaya biyo cabitaan ahaa oo miiska la soo saarey intii ay sheekadu noo socotay ayaan ku iri:- "mashaakil ma laha ruux walba meesha uu joogo alaha ku nabad yeelo, galabta ayaan is iri bal ka war doon gabadhii suleeqo ahayd waa tii sheeko bilow ah ay idiin socotaye, waa kanaa oo waan is hor fadhinaa galabta ilaah ayaa mahadaa iska leh ee warka isii intii aan kala maqnayn maxaa soo kordhay" "Walaahi anigu war ma hayo argtidaada ayaa ii darnayd oo kaliya oo aan u xiiso　 qabay, ee adiga xagaaga maxaa ka cusub" ayay hoosta iigu dhigtay, intaan cabaar aamusay oo aan madaxa sal salaaxay ayaan ku iri:- "sida aan qiyaasayo Aniga iyo adiga sheeko xiiso leh ayaa qabyo noo ahayd, sideedana waxaa haboon wax waliba in lagu saleeyo sida ay yihiin ama loogu talo galey, sidaas darteed galabta qorshaha ugu weyn ee aan kuugu imid ayay tani kow ka tahay ee waxaan ku weydiiyay hadii aan sheeko wadaag noqono balana aan wada dhigano siday kuula muuqataa suleeqo ahaan"　 Suleeqo hadalkaas markaan ku iri wajigeeda farxad ayaan ka dareemay oo waxaan qiyaasay in ay iyadana sidayda oo kale ay u baahi qabtay in aan xiriir yeelano.

　Nin maalintii Sagaalaad aroos ku jiro ayaan ahaaye, su’aashaas madax xanuun ayay igu ridey oo waxaanba is iri "armay arooskaaga soo maqashay oo ay ku gaadi rabtaa," marna waxaan is iri "ma ahee waa naag iyo caadadeed siduu saaxiibkaa horey kuugu sheegaye, intay ku yiraahdaan xaas ma leedahay ayay hadana iyagoo ku raba mar marsiiyo ka dhiganayaan, anigu nin xaas leh ma rabo,"　 "War nacas yahow gabdha in aad xaas tahay ha u sheegin hadii kale qorshahaaga oo dhan ayaa halaabaya, oo suuro aan jirin ayay hadhow la imaanaysaa" intaan niyada iska iri ayaan markiiba jawaab uga dhigay:- "Maya Abaayo, weli ma guursan"　 markaasey dhoolo cadaysay oo si fiican indhaha iigu eegtay, waan ka baqey daymadeedii maxaa yeelay waxaan u qaatey in bohoshii aan ka baqaayey aan ku dhacay oo ay sidaa iigu qososhay, anigoo qosolkeedii la yaaban ayay hadana I sii raacisey "Saaxiib xitaa ma lihid" "Maya" ayaan mar kale ugu jawaabay, intay dhabarkeeda ku tiirisay kursigii ay ku fadhiday ayay hadana igu tiri:- "Wax dhici karo maad ii sheegtid khaliifow, shirkad dhan oo xawilaad ayaad u shaqeysaa guur iska daaye saaxiib　 xitaa ma lihi ayaad I leedahay sideen hadalkaas ku rumaysan karaa" anigoo wadnuhu I gariiraayo welina aan kala garan la’ahay ujeedada ay su’aalahan badan ii weydiinayso, hadana u maleeyo in ay arimahayga wax ka og tahay ayaan ugu jawaabay:- "wax I qanciya hadii aan waayay sow ma dhici karto, in aan faraha isaga qaado"　 "Dabcan wey dhici kartaa, laakiin u malayn maayo aniga" ayay iigu jawaabtay iyadoo candhuuf sii liqeyso　 "Sabab" ayaan markiiba ku iri, markaasey iigu jawaabtay "waa bilaa sabab" ka dibna hadal kale ima weydiinin oo wey iga aamustay, aamusnaanteedana waxba kama dhigan anigana waan isaga aamusay oo waxaan u qaatey in ay hadalkayga ku qanacdey oo ay ka fikireyso jawaabtii ay ka bixin lahayd dalabkii aan u soo jeediyay ee aan kaga dalbanaayay in aan sheeko wadaag isku kalsoon noqono.

saari Karin kan daacada u ah jacaylkiisa iyo kan kale.

Neef weyn ayaan markiiba soo tuurey farxada uu hadalkaas igu dhaliyay darteed ka dibna　 anigoo is xariifinaya ayaan la soo booday:- "Nin waayo arag ku ah Shukaansiga ayaan ahay, kalsoonina isku qaba, gabdhaha su’aalaha noocaas oo kale la weydiiyo ama laga shakiyo waad iiga　 qiimo badan tahay, waayo gabar da’ yar ayaad tahay oo degan hadana aan weli u talaabo qaadin dhankaas, hadiise aad u qaadayna aan talaabo kale ku darin, micnaha dhabanadaada ayaan ka garanayaa in aad gabar tahay oo aan weli la guursan, mida kale ee saaxiibtinimada waa caadi maba loo baahno in la is weydiiyo maxaa yeelay ninku haduusan ku qabin waxaan qabaa in tartan lala geli karo ileyn naag ninkii u roon iyada ayaa taqaano, marka　 anigoo waayo aragnimadaas kaashanaayo ayaanan kuu weydiinin su’aalahaas ma garatey" wey aamustay mar kale oo maskaxdeedii ayay ka shaqeysiisay, inkastoo aan qiyaasay in ay aad ula dhacday sida aan warka ugu kala dhig dhigay oo aan u dareensiiyay waayo aragnimada aan u leeyahay shukaansiga.

In cabaar ah markii ay aamusnayd ayay mar kaliya la soo boodey:- "Khaliifow maalintii labaad ee aad gurigeena iigu timid ee aan waqtiga dheer wada qaadanay hadii aad xusuusato, Maalintaas ayaad qalbiga ii dhaaftay anigoo waliba ka baqaayay in aad igu noqoto nin xaas leh ama gabar saxiib la ah hadana nasiibkayga galabta waxaa ii cadaatay in sidii aan jeclaa uu ilahay ila jeclaaday maadaama aadan xaas lahayn, xiriirna aadan la lahayn gabar kale, Hambalyo ayaan ku leeyahay iyo xiriir wanaagsan" "wanaagsan oo wacan hadiiba aad ila garatay wanaaga aan kuu doortay" ayaan warkii u sii raaciyay, wax yar ka dib aamus ayaan wada galnay labadeenaba, runtii farxada maalintaas laga dareemayay wajiyadeena ma ahan mid hadal ama faalo lagu soo koobi karo, ruuxba ruuxa kale wuxuu u arkayay inuu ka guulaystay oo uu helay waxay ay naftiisu u oomanayd, dabcan waxaan qiyaasay markaan farxadeeda iyo xishoodkeeda arkay in ay aad ugu qanacsan tahay in aan xiriir wada yeelano anigana sidoo kale aad baan ugu faraxsanaa in aan ku guulaysto gacan ku dhigida Suleeqo Siyaad Cumar oo qalbigayga ku abuurtay jacayl　 aad u qara weyn, inkastoo farxada maalintaas aan dareemay aysan weli qalbigayga ka go’in hadana waxaan xusuustaa in Suleeqo Siyaad Cumar ay afkeeda iiga cadaysay Maalintaas in ay aad ii jeceshahay oo aysan iga maarmi karin, Qadar 7 daqiiqo ah wax hadal ah nama dhex marin oo ruux waliba filim u gooni ah ayaa u shidnaa oo la iskama warqabin, alla jacaylku dhib badanaa, intaan wajigeeda si fiican u eegay ayaan ku iri:- "Suleeqo maxaa ku helay oo aad la aamustay"　 sidii qof maqane　 oo kale inta ay hadalkayga ku soo baraarugtay ayay igu tiri:- "Walaahi ma garanaayo wax baa iga awood badinaayo" "awood side ah" ayaan weydiiyay si aan wax u sii ogaado, balse nasiib daro intay ii dhoolo cadaysay ayay iska aamustay iyadoo ka xishoonaysa in ay jawaab iga siiso su’aashii aan weydiiyay, dhowr daqiiqo oo kale markii aan sii fadhiyay ayaan ugu dambayntii fadhigii ka istaagay si aan xaafadaydii u soo aado, Suleeqo oo aan jeclayn in aan ka tago sida aan ka dareemay wajigeeda ayaa iyadana fadhigii ka soo istaagtay si ay ii sii sagootiso markiiba si wadajir ah ayaan guriga uga soo wada baxnay, dhowr talaabo markii ay ila soo qaadey ayaan u sheegay in aan u iman doono habeenka jimcaha ee nagu soo food leh "waa yahay waan ku sugayaa" intay cod nuxuus leh igu tiri ayay dib ugu laabatay gurigooda anigana waxaan soo abaarey hoygii aan ku noolaa.

Sidii balantu ahayd Maqribnimadii jimcaha markii la gaarey ayaan soo abaarey hoygii ay ku noolayd Suleeqo si Sheekada curdanka inoo ah aan halkeeda uga sii ambaqaado, 45 daqiiqo ka dib ayaan soo gaarey gurigii suleeqo ay ku noolayd albaabkii ayaan garaacey waxaana iga furtay walaasheed salaan ka dib waxaan weydiiyay in ay Suleeqo joogto iyo in kale, markiiba waxay iigu baaqdey in ay joogto oo ay ku jirto qolka jiifka, horey ayaan talaabada u sii qaadey si aan u sii galo qolkii fadhiga ahaa ee aan badanaa fariisan jirnay aniga iyo Suleeqo, wax yar haddii aan sii fadhiyayna waxaa qolkii fadhiga iigu soo gashey Suleeqo oo aan la yaabay qaabka ay u labisan tahay iyadoo waliba qosol farxadeed uu ka muuqdo, waxay xirnayd Funaanad Buluug ah oo diilimo cad leh, hoostana waxay ku sidatay Goono jeenis ah oo ku dhegan soona saareysa qaabka jirkeedu uu u samaysan yahay, waxay huwanayd garbasaar yar oo qafiif ah oo aan waxba u qarinayn, anigoo la dheygagsan quruxda ka muuqata ayay soo fariisatay dhinacayga iyadoo I leh : "Khaliif caafimaadka iiga waran Aboowe wax waliba caafimaadkaaga ayaa iiga darane"　 "Abaayo aad ayaan u caafimaad qabaa al-xamdu lilaah, ee adiga iska waran sidee xaaladaadu tahay" ayaan markiiba ugu jawaabay, Suleeqo oo cidiyaha wasaq aan jirin ka raaraadinayso ayaa igu tiri:- "Walaahi khaliifow maalintii aan ku bartey ilaa iyo maantadan la joogo wey ii kala duwan tahay, maxaa yeelay ruux bini’aadam ah inuu ilaa xad sidan ii saamayn karo ma aaminsanayn aboowe, laakiin waan arkay waana xaqiiqsaday inuu I hayo jacayl dhab ah, waana garan waayay runtii sida ay ku dhacday arintan ileyn waad og tahay in xiriirkeenu uu hadeer bilow yahay, bal kawaran haddii uu bilooyin ama sanad uu sidan ku sii socdo maxaa dhici doona" Xoogaa yar oo dhoola cadayn ah intaan u muujiyay ayaan ku dhahay:- "Walaahi Abaayo anigaba kaama liito oo xaalkayga waad la socotaa inkastoo arimaha aad hadeer sheeganayso aan　 kaaga horeeyay xanuunkooda hadana waad dareemi kartaa sida aan u jeclahay ama aan u xiisaynaayo in Mustaqbalka aan noqono kuwa nolosha wadaaga, sidaas darteed dhibaatada aad sheeganayso mid ka weyn aniga ayaa qaba, ee ilaahay waxaan ka baryaayaa inuu towfiiqda na waafujiyo nagana dhigo kuwii calaf isku yeesha oo macaanka nolosha hal mar wada dhadhamiya AAMIIN"　 iyadana sidoo kale "AAMIIN, AAMIIN, AAMIIN" ayay Sadex jeer ku cel celisay, ka dibna intay labada gacmood dhabanada saaratay ayay deymo hor leh bilowday sidii ruux ku cusub oo aysan waligeed arkin oo kale, anigana lama yaabine intaan indhaha u kala furey ayaan ka hor jeediyay si ay uga bogato muuqeyga ileyn ruuxa jacaylka haya wuxuu mar walba jecel yahay inuu iska daawado ama uu arko muuqaalka ruuxa kale ee uu jecel yahay, sidii laba ruux oo dhowr sano kala maqnaa oo maanta is helay ayaan noqonay, roonaan lahaydaa ruuxba ruuxa uu jecel yahay inuu la noolaado.

Anagoo sidii isugu maqan oo labadeena gacmood ay is　 dhaafsan yihiin ayaa waxaa qolkii fadhiga noogu soo gashay gabar dhalinyaro ah oo joog leh oo aad u labisan, ookiyaal cadaan ahna xiran, garabka waxaa u surnaa　 boosro yar oo aan ku qiyaasay in ay ugu jiraan dukuminti, markii ay qolkii soo gashay ayay u soo dhaqaaqday dhankii suleeqo ay ka xigtay iyadoo leh:- "Suleeqo Siyaad Cumar waan ku salaamay abaayo, xaalka ka waran ayaamahan isma arkin waan iska mashquulay, ee ma ii fiican tahay" labada gacmood inta dhak dhak la isku siiyay oo labada dhabana la iska dhun dhunkadey, ayaa hadana labada dhabar la is dhaafsaday, yaab ayaa iga soo harey salaanta noocaas ah markaan arkay, balse markaan u fiirsadey qaabka ay gabadhan u labisan tahay ayaa waxaan u qaatey in ay dibada ka timid, Suleeqo oo salka sii dhiganaysa ayaa ku tiri gabadhii:- "aad ayaa loo fiican yahay, wax dhibaato ah ma jiraan ee soo fariiso"　 "Maya, abaayo ma fariisan karo, wiilal　 badan ayaa ila socdo oo banaanka ii taagan, anigaa mar kale kuu iman doono oo kuu sheekayn doono" ayay gabadhii ku jawaabtay, dhowr mar ayaa loogu cel celiyay in ay fariisato, hase yeeshee gabadhii waxay ku adkaysatay in aysan fariisan Karin oo uu waqtigu ku yar yahay wax yar ka dibna si wadajir ah ayay qolkii uga wada baxeen iyagoo wada qoslaayo oo dhexda is haysta.

Cabaar markii ay iga maqneyd Suleeqo, qolkii fadhigana aan ku kaliyoobay　 ayay dib ugu soo laabatey qolkii iyadoo iga raali galinaysa daqiiqadihii ay iga maqneyd, anigoo raali gelinteeda ku qanacsan ayaan ku iri:- "Dhibaato ma leh abaayo　 waa iska caadi martiba marti ayaa ka weyn, waan u jeedaa inay tahay qof aad kuugu weyn, ee ma yurub bey ka timid mise Ameerika"　 Suleeqo oo aan ku qiyaasay in ay su’aasheyda　 la yaabtay　 ayaa markiiba iigu jawaabtay:- "Ameeriko iyo yurub aaaa!!!, waligeed xamar kama bixin hadaan ku dhaho ka waran" Anigoo fadhiga nidaamsanaya ayaan ku iri:- "run ii sheeg abaayo ha igu ciyaarine, ma gabadha sidan u quruxsan, hadana labiska aan arkaayay wadatey ayaad I leedahay xamar ayay ku nooshahay, wax dhici kara ii sheeg"　 Intay ii dhoola cadeysay ayay igu tiri:- "Maxaa dhacay Khaliif anigaaba ku leh waligeed xamar kama bixin, ima aaminaysid mise labiskeeda ayaa ku cajab geliyay, oo waxaad is leedahay gabdhaha xamar jooga sidan uma labisan karaan, "　 "Dabcan Haa, weli wey ii dhiman tahay gabadhan oo kale, labiska waxaa iiga sii daran Midabkeeda siduu ahaa, sow ma arkayn, mise weli aniga ayaad igu ciyaareysaa" ayaan ku iri anigoo wali sii danaynaya in aan runta sii ogaado, suleeqo oo markan faruuryaha qal qaloocinayso ayaa igu tiri:- "Khaliifoow waan u jeedaa in ay ku qancisay gabdhaas, laakiin waxba ha is raac raacinin hadii aad is waasho xitaa waligaa ma helysid"　 "helitaankeeda waxaa ka horeeya rabitaankayga sow ma aha, haday iyada is waasho xitaa aniga khaliif madoobe ima helayso, Ogow saaxiibtaa haday sidaas u qiimo badan tahay aniga agtayda waxba kama goyso" ayaan hadalkii oo dhan ugu soo koobay, Suleeqo oo aad moodo in ay hadalkayga ka kululaatay ayaa si ay ii fahamsiiso gabadhan iga yaabisey ayaa igu tiri:- "Khaliifoow is deji bal, gabadhan waa gabadhii aan kaaga sheekayn jirey ee aan ku dhihi jirey wiil weriye ah ayay aad u jeceshahay, in ay isaga hartana wey iga diidan tahay, ee ma ahan gabar yurub ama ameeriko ka timid ma garatey"　 Markii ay intaas igu tiri ayay igu soo dhacday xusuustii gabadhaas markaasaan ku iri:- "Haa hadaan gartey, gabadhii aad I dhihi jirtey NGO ayay u shaqeysaa oo wiil weriye ahaa ayaa aad u xumeeyay sow ma aha" "Haa" ayay iigu jawaabtay, markaasaan hadana weydiiyay:- "Xaalkeedu muxuu ku dambeeyay, ma weriyihii ayaa guursadey mise wey isaga hartey"　 waxay Suleeqo iigu jawaabtay:- "Alla Khaliifoow gabdhaha qaarkood waxa ay ka samaysan yihiin ma aqaan, in ay caag yihiin iyo in aysan dhiig lahayn lama kala yaqaan, runtii gabadhan waa saaxiibtayda qaaliga ah ee aan ku kalsonahay talo kasta oo aan u soo jeediyo waa iga qaadan jirtay, balse wiilkan weriyaha ah markii ay baratey waaba ku waalatey, habeen iyo maalin warkiisa iyo faaladiisa ayay haysaa, isagana uma oga, maalin walba wuxuu jecel yahay inuu ka ooysiiyo, oo uu ku jees jeeso, iyadana kama damqanayso sideen ka yeelaa talo waa iga diidey　 waa soo taagan tahay"　 waxaan ku iri:- "Saaxiibtaa weriyaha ayaa wax weyn la ah, ee ha la yaabin, aniga waxaan qabaa in aad isaga gaabsato oo aadan hadal ku darsan, waxay kuu sheegto haye iska dheh, ilaa ay weriye waxa uu yahay ay ka soo arkayso iyo haduu dadka kale wax dheer yahay" intay igu qososhay ayay igu tiri:- "Sidaas wax dhaama ma leh, in teeda la raaco ayay noqonaysaa"　 "haaheey miskiin waaye ilaahey ha u dhib dhaamo, weriyaha wax uga qeyr roon alaha la kulmiyo waan u ducaynaynaa" ayaan u daba dhigay hadalkeedii, Aamiin ayay iyadana ii sii raacisey.

Suleeqo iyo aniga sheekadeena aad ayay u dheeraatey in kastoo waqtigu uusan ii samixi Karin　 in aan waqti badan la qaato, hadana maalintaas aad ayaan ugu daahey xaafadooda taasna waxaan u aaneyn karaa jacaylka dhabta ee aan isu hayno labadeena ileyn ruux aadan jeclayn waqti intaas la’eg uma sheekayn kartid isna kuuma sheekayn karo, habeenkaas si farxad leh ayuu kulankii noogu dhamaadey.

Dhanka kale Guurkii walaashey Zamzam inkastoo uu calaf iska ahaa hadana markii aan wada aqal galnay waxaa dhexdeena ka abuurmey jacayl aad u baaxad weyn oo midba midka kale uu u qabo, waxaad arkaysaa habeenada qaarkood sida ay sheekada noogu baxayso in aan waqti dambe ku gaarno, subixii iyadoo aan dharka ii xirin quraacna afka ii gel gelin labada dhabana iga dhunkan shaqo ma aadi jirin, marka aan shaqada aadayana waxay ilaahay iiga baryi jirtey inuu nabad igu soo celiyo anigana intaan madaxa u salaaxo oo labada dhaban ka dhunkado ayaan ku dhihi jirey :- "Ilaahey ha isk keen dhaafo" lagama sheekayn karo isbedelka weyn ee guurka walaashey ka dib aan isku arkay farxad joogto ah, fur furnaan saa’id ah, waqti walba oo aan guriga xaadir ku ahaado iyo waxyaalo kale oo aan ka sheekayn jirin balse uu dareemi karo ninka hela gabar baari ah sida Zam zam oo kale, waxay niyadayda ka baabi’sey fikirkii aan marka hore ka qabey guurka ay is guursadaan dadka walaalaha ee isla dhashay, waxay ii muujisey baarinimadeeda, iyo sida ay u jeceshahay in aan abid isku waarno, waxay kaloo midaas mid la mid ah u muujisey Hooyadey oo marna Eedo u ah marna Sodohdeed ah, Ducada iyo amaanta ay maalin walba afka ku hayso ayaan ka dareemay in Zamzam ay Hooyadey u roon tahay, markii aan hooyadey arimahaas wax ka weydiiyayna waxay iigu jawaabi jirtey oo kaliya in ay kaga nasatey howl maalmeedkii dhibka badnaa ee ay qaban jirtey maalin walba, waxay kaloo hoosta iigu dhigtay in aan Zam zam xaqeeda ilaaliyo dambina aan ka gelin.

Bil walba marka ay dhamaato lacag ayaan siin jirey si ay ugu iibsato waxyaalaha ay sida gaarka ah u doonayso maadaama biilka guriga ay hooyo gacanta ku hayso, aad iyo aad ayaan uga waanin jirey in ay Hooyadey ka hor timaado waxaan kula talin jirey xumaan kasta oo ay hooyo kala kulanto in ay ilaah dartiis iyo jacaylka naga dhexeeya ay u sabarto, waayo sida caadada ah guurka dhex mara dadka walaalaha ah ama dadka kaleba badanaa marka uu waalid ku dhex jiro buuq kama dhamaado waayo dabeecado badan oo qarsan ayaa bananka soo baxa marka hal meel lagu wada nool yahay, buuqa badana　 wuxuu keeni karaa in dad is jecel ay isku xumaadaan oo xitaa salaantaba ay iska qaadi waayo sidaas darteed ayaan Zamzam maalin iyo habeen uga waanin jirey in ay iska ilaaliso Hooyo anigoo waliba dareensiin jirey in waalidka oo laga ducayso lagu heli karo liibaan aduun iyo mid aakhiro iyo awlaad baari ah.

walaashey ku kasbatey in aan jacayl dhab ah u qaado, markan arkey jacaylka xad dhaafka ah ee ay ii qabto walaashey waxaan ka baqi jirey hadii aan gabar kale la guursado in qalbigu si noqdo inkastoo aysan aniga khaliif ahaan uusan wax naaqus ah ku iman jacaylkii aan u qabey Suleeqo Siyaad Cumar hadana walaashey waan u baqi jirey, mar marka qaarkiis marka aan habeenkii wada sheekaysanayno ayaan ku kala kaftami jirey in aan xaas kale yeelan doono maadaama guurku uu aad u wanaagsan yahay, waxay iigu jawaabi jirtey:- "Hadiiba xaqa laguugu leeyahay aad gudan karto aniga Zamzam ah raali ayaan kaaga ahay laakiin waxaan ka baqayaa in aad xaqa sidii la rabey aad u gudan weydo oo aakhiro lagu cadaabo" walaashey Zamzam waxay I taabsiin jirtey runta waxay I dareensiin jirtey in wixii aan wanaag u arko iyadana uu wanaag uu u yahay,　 yaa iska heli kara gabar sidan oo kale baari u ah ilaahey ha ii dhaafo ayaan qalbiga iska dhihi jirey marka aan soo xusuusto hadaladaas.

Dhanka kale Wanaag kasto oo Xaaskayga Zamzam ah ay ii samayso sida haday dharka iga bixinayso, ama ii xireyso, haday raashin afka ii gelinayso, hadey habeenkii laabteeda igu hurdo siinayso hadana marna qalbigayga kama marnaanaynin in aan habeen habeen ku qaldamo oo aan u maleeyo in ay Suleeqo ila joogto oo aan laabteeda ku hurdo, balse marka aan arko in aysan ila joogin oo aan Xaaskayga Zamzam laabteeda ku hurdo ayaan ilaahey ka baryi jirey inuu Suleeqo sidan oo kale iiga yeelo.

Qiyaastii muddo afar bilood ah markii uu xaalkeygu sidaas ahaa, Noloshaydana ay wax iska bedeshay ayay Zamzam Xanuunsatey raashinkii ayay ka go’dey, wadxanuun iyo neef tuur aan la yaabey ayaan ku arkey, midabkeedii oo dhan wuu qayirmey, markii aan xaaladeedii ka yaabey ayaan dhakhtar u kaxeeyay baaritaano fara badan markii lagu sameeyay ayuu ugu dambayntii dhaktarkii cadeeyay in Zamzam ay leedahay uur sadex bilood ah runtii hadalkaas aad ayuu ii farxad geliyay in aan duulo ayaan ku siktay, Xaaskayga Zamzam iyo Hooyadey iyo dhamaan reerka oo dhan aad ayay ugu farxeen Uurka soo siyaadey, markaasan ilaahay ka baryey inuu kheyr iiga dhigo.

Maalintaas aan dhakhtarka geynaayo Xaaskayga Zamzam habeenimadeedii oo ahayd Habeen jimco ah waxaan la balansanaa Suleeqo Siyaad Cumar, maadaama ay caado ii ahayd in aan habeen walba oo jimco aan gurigooda ku booqdo si xiriirka naga dhaxeeya uusan hakad u gelin, maqribnimadii ayaan iska xaadiriyay Gurigii suleeqo, sheekadii taxanaha noo ahayd ayaana nooo bilaabatey,

habeenkaas farxadii I haysay waxay I badey intii Suleeqo gurigooda aan dhex joogay oo aan wada sheekaysanaynay in aan dhowr mar ku sigto in aan Suleeqo u sheego in xaaskayga Zamzam lagu soo sheegay uur sadex bilood ah, ilaah ayaa hadana afkayga ka qabanayay mar walba oo aan soo tufi rabo hadalkaas.

habeenkaas Kulankeena si farxad leh ayuu noogu dhamaadey inkastoo Suleeqo ay dareentay farxada iga muuqatey oo ay wax iga weydiisay hadana aniga uma faaqidin sababta ugu weyn ee aan la faraxsanahay, waxaan ugu koobay oo kaliya in aan ku faraxsanahay joogista aan iyada la joogo, weyna isaga qanacday, abaarihii 9:00 habeenimo ayaan ka soo tagey.

Habeenkaas wixii ka dambeeyay waxaan go’aansadey inta goori goor tahay in aan Suleeqo iska mehersado, ka hor inta aysan ogaanin in aan xaas leeyahay, meherkuna uu noqdo mid qarsoodi ah, Anigoo ra’yigaas aad ugu riyaaqsan ayaan iyadii u soo bandhigey habeen habeenada ka mid ah balse nasiib daro wey igu diidey in ay igu raacdo ra’yigaas, anigana kama caajisin oo habeen walba oo jimco ah marka aan u tago waan Ku soo hadal qaadi jirey anigoo waliba dhan kasta ka tusaalayn jirey si ay wax iila fahamto hase yeeshee si kasta oo aan wax ugu sheegey oo aan u tusaaleeyay marna Suleeqo go’aankeedii diidmada ahaa wey ka soo dabci weyday, balse Muddo todobo bilood iyo ka badan markii ay ka soo wareegatay welina aan xal u la’ahay sidii aan ka yeeli lahaa guurka qarsoodiga ah ee ay Suleeqo igu diidan tahay ayaan ugu dambayntii go’aan ku gaarey in aan kala tashto Saaxiibkay Siciid Suleymaan.

ayaan markiiba ugu jawaabay:- intuu labada gacmood kor u taagay ayuu igu yiri:- "Al-xamdu lilaah ilaahey wax kheyr qaba ha inaga siiyo, aduunyada waxa loo joogo waa intaas"　 ka dibna waxaan isku raacnay baar meesha ka dhawaa si aan shaah uga soo cabno ka dibna aan wada falanqeyno qorshaha aan ugu imid, Baar Maka Al mukarama oo barxad weyn oo lagu qaxweysto leh, dadka reer magaalka ahna ay isugu yimaadan ayaan meel barxad ah ka fariisanay labo kursi iyo miis ayaan gooni ula baxnay, ka dibna waxaan dalbanay laba koob oo kafee ah iyo labo cabitaan.

karaa, waxaanba u maleeyaa in aan suufka ka jilcanahay" ka dibna si wadajir ah ayaan u　 wada qosolnay aah… aaha……..aaaah….aaahaahha..

Sakano ka dib baarkii aan wada fadhinay ayaan si wadajir ah uga soo dhaqaaqnay maadaama qorshihii aan u nimid uu noo soo dhamaadey, saaxiibkay siciid intii aan wadada ku sii jirney aad ayuu iigu dhiiro gelinaayay in aan sida ugu dhaqsiyaha badan uga howl galo oo aan ka caajisin si aysan waqti badan iigu qaadanin ka miro dhalinta arintan, anigana si kalsooni ku jirto ayaan saaxiibkay ugu sheegay kulanka ugu horeeya ee aan la yeelan doono Suleeqo Habeenka jimcaha ee fooda nagu haya in aan natiijo fiican ka keeni doono, ka dibna wuu ii hambalyeeyay isagoo waliba iigu sii adkeeyay　 in aan habeenkaas ka guul gaaro Suleeqo Siyaad Cumar diidmo kasta oo ay la timaado, habeekaas aniga iyo saaxiibkay sidaas ayaan ku kala tagnay waxaan ku wada balanay in kulanka Suleqqo ka dib aan yeelano kulan kale oo kan la mid ah oo aan kaga wada hadlayno wixii nagu soo kordha.

adigana waxba ha is murjinin sidii alle ka dhigo ayay noqonaysaa" intay garabka gacanta iiga qabatay ayay igu tiri:- "orod hooyo seexo waad ducaysan tahay ilaahay wax dhib ah nama tusin doonee"gacantii ay garabka iiga taabatay inta aan soo qabtay ayaan ka dhunkadey ka dibna waxaan u sheegay in ay iyadana iska seexato oo ay welwelka iska yareyso, waa yahay intay igu tiri ayay qolkeedii hoosta ka soo xiratay.

Mar alla markii ay hooydey hoosta ka soo xiratey Qolkeedii anigana qolkii gaarka ii ahaa ayaan soo abaarey bal si aan u hubiyo Xaalada Zamzam, markii aan gudaha u soo galey sidii caadada ii ahaan jirtey marka aan guriga imaado ee la igu soo dhaweyn jirey ayaa markiiba ii muuqan waydey, shaki ayaa I galay, labo talaabo ayaan horey u soo qaadey si shanqarta socodkayga ay u dareento oo ay dhankayga u soo aado, ha sheegin cid shanqartayda maqashey ma jirin, talaabadii sadexaad anigoo aan weli qaadin ayaan yaqiinsaday in Xanuunka Zamzam hayaa uu aad u daran yahay maadaama sakanadii yaraa ee aan qolka ku dhex jirey ay soo dhaqaaqi weyday, Isla markiiba indhahaygii ayaan u soo jaleeciyay dhankii ay iga xigtay Sariirta mise waxay indhahaygu qabteen Zamzam oo huwan go’ aad u weyn wax dhaqdhaqaaq ahna aan lahayn, anigoo aad u naxsan ayaan soo dhinac istaagay sariirtii ay ku jiiftay,　 madaxa intaan u salsalaaxay ayaan dhinac kaga fariistay Sariirtii, Zamzam oo taabashadii aan madaxa ka taabtay ku soo toostay　 ayaa intay madaxa kor u soo qaadey igu tiri:- "Khaliif Ilaahay ma ku nabad keenay" markaasaan ugu jawaabay:- "Haa, al-xamdu lilaah ilaahey waa I nabad keenay ee adiga ii waran hooyo ayaa ii sheegtay in aad galabta xanuunsatey, sidee laguu qabtay" waxay iigu jawaabtay:- "Walaahi khaliifoow galabta xanuun daran ayaa I qabtay, alxamdu lilaah hadeer waan fiicanahay oo xanuunkii saa’idka ahaa ee I hayay galabta ima hayo" "Abaayo niyada kheyr u sheeg waxba ma ahan ilaah ayaa saqiri doono insha alaah" ayaan hadalkeedii u sii daba dhigay.

Zamzam markii aan hadalkaas ku iri si naxariisi ku dheehan tahay ayay kor ii soo eegtay, gacantii aan madaxa ugu salaaxay ayay soo qabatay ka dibna　 faraheeda iyo farahayga intay is dhex gelisay ayay　 labadeeda naas bartankooda dhex gelisay iyadoo I leh:- "ilaah ayaan u mahad celinayaa hadii aad nabad iigu soo laabatey, walaahi inta aad iga maqan tahay sida aan kaaga wel welo,　 oo aan niyada kuugu hayo ilaah ayaa og ee aboowe macaane ii soo ducee in ilaahay ii fududeeyo oo uusan foosha igu dhibin" hadalkaas qiirada leh markii ay dhegahayga ku soo dhaceen anigoo dhan ayaa wada gariirey naxariis guud ayaa jirkayga oo dhan wada saameysay markaasaan anigoo u laab qaboojinaya Zamzam indhahaygana ay ilimo ku soo joogsadeen ayaan ku iri:- "Walaahi Zamzameey haddii ruuxa bini’aadamka awood u lahaan lahaa inuu laabtiisa u soo bandhigi karo ruuxa kale ee uu jecel yahay si kalsooni looga helo waan kuu soo bandhigi lahaa oo waxba kaama hagradeen, balse ilaahii na abuurtay ayaan taas qadarin in ay dhacdo, raaxadii noloshayda, nuurkii qalbigayga, iftiinkii indhahayga ayaa alle kaa dhigaye, ma maxaad moodey in jacaylku kaligaa kugu kooban yahay Xabiibi" intey qosol ilko cadayn ah ii muujisay ayay igu tiri:- "waan ogahay in uusan kaligay igu koobnayn balse xaalkaygu siduu yahay sow kuuma sheegi kari aboowe" "dabcan haa, waad ii sheegi kartaa laakiin marna ha is dhihin kaligaa ayaa wax jecel ee laguma jeclo" ayaan markiiba u raciyay hadalkeeda, intay faraheeda mida ugu dheer daanka iigaga riixday iyadoo qoslaysa ayay igu tiri:- "laga bilaabo caawa waxaa igu balan ah khaliifoow markaad seexanayso in aan kuu gabyo oo aan ku amaano ileyn amaan ayaad iga mudan tahaye, miyaanay ahayn mise dacwo ayaad ka qabtaa" "Maya Abaayo dacwo kama qabo, haduusan iga oohinayn oo uusan laabtayda gedinayn waan iska rabi lahaa in aad I amaanto" ayaan markiiba ugu jawaabay qosol wada jir ah ayaan hal mar dhak dhak ka wada siinay labadeena.

Kaftankii iyo sheekadii yareyd ee na dhex martey aniga iyo Zamzam markii ay noo dhamaatay ayaan ka soo istaagay sariirtii aan ku fadhiyay dharkii aan xirnaa ayaan iska bixiyay ka dibna casho ay miiska iigu sii diyaarisay ayaan labo mar tab taabtay ka dibna inta sariirta dhabar dhabar isugu tuurey ayaan hurdo dheer galay.

sida xaalku noqon doono haddii ay Suleeqo ku adkaysato diidmada ay igu diidan tahay in aan meher qarsoodi ah la sameeyo, anigana aan la shir tago go’aanka adag ee aan isla soo qorsheynay aniga iyo saaxiibkay, Hadaba su’aasha meesha iman karta ayaa waxay tahay ma sidaas ayaan ku kala haraynaa Aniga iyo Suleeqo? Jacaylkii mudada dheer soo jiitamayayna ma sidaasuu ku bur burayaa? Walaahi waa mashaakil culayskiisa leh ilaahoow ii fududeey.

Inkastoo go’aankayga dhabta ah uu ahaa in aan isaga soo hayaamo haddii qorshaha aan wato uu ii hirgeli waayo hadana waxaan laabtayda ku sasabayay in naxariista eebe aan laga quusan oo xaalku sida aan u maleeyo uusan noqon doonin oo ilaah uu faraj ii furi doono, anigoo sidii ruux waalan oo kale isula hadlaya mashquulka ay arintan igu dhalisey awgeed ayaan u soo leexday wadadii ku toosnayd Guriga Suleeqo isla markii aan jiirada soo galey waxay indhahaygu qabteen Suleeqo oo taagan banaanka gurigooda, markii aan indhaha ka qaadey waxaan niyaystay in aan u yeero si aan indhaha ula raaco laafayaheeda marka ay dhankayga u soo talaabo qaado, hase yeeshee anigoo aan u yeerin ayayba kor dheer iga aragtay mar alla markii ay indhaheenu isku dhaceen ayay dhankayga u soo talaabo qaadey iyadoo dadka xaafada la degan ee banaanada fadhiya iska eegaysa, markiiba qalbigaa la ii dhaafey, waan kala bat batey, baqdin aan hore uga baqi jirin Suleeqo ayaa ilaahay igu dhaliyay, waxaan ka baqey inuu socodku iga lumo Maadaama ay ku soo jeeday dhankayga.

　Qalbi is jecel lama kala qarin karo ayaa horey loo yiri waxaadba moodaa in magnat uu isku keen wado marka aad aragto sida uu wadnahaygu u ruxmaayo, qosolkeeda dhoola cadaynta u badan markaan arkay ayaan niyada iska iri:- "alla gabadhu baarisanaa oo hadana boqorsanaa", farxad ayay la qosqoslaysaa anigana wadnaha iyo jirkoo dhan aya I dubaaxinaya waa la kala war la’yahay, suleeqo markii ay ii soo dhawaatey ayay gacanta ii soo taagtay iyadoo I leh:- "ii waran aboowe macaan ma ii fiican tahay" intaan salaantii gacanta ka qaadey ayaan ku iri:- "aad iyo aad ayaa loo wanaagsan yahay ee adiga xaalkaga ka waran" waxay igu tiri:- "hadaan ku arko jirada I hayso oo dhan wey I deysaa" markii ay hadalkaas igu tiri waxaan damcay in aan hab siiyo oo isku duubo labada dhaban ka dhunkado hase yeeshee meesha oo wado ahayd iyo dhinacyadeena oo ay dad marayeen ayaa ii saamixi weyday in aan falkaas sameeyo, balse inta aan gacantii ay igu salaantay soo wareejiyay ayaan talaabada isla soo qaadnay ilaa aan guriga ka soo wada galno ana gacanta ayaan haystay iyadana dhexda ayay I haysatay, gurigii markii aan soo galnay waxaan waayay cid ka shanqreysa waxaan qiyaasey inuu cidlo yahay oo ay Suleeqo kaligeed joogto, markiiba qolkii fadhiga ee caadada ii ahaa in aan ku wada sheekaysano ayaan u sii gudubnay ka dibna si wadajir ah ayaanu isu dhinac fariisanay si sheekadii taxanaha noo ahayd aan halkeeda uga sii ambaqaadno.

Suleeqo habeenkaas maro nooca aliindiga ee hidaha iyo dhaqanka soomaaliya ayay xirneyd mana ku arag waligay intii aan wada soconay iyadoo xiran, inkastoo ay ii sheegtay in ay mar marka qaar xiran jirtey, hadana runta markaan ka hadlo aad aad ayay ugu qurxoonayd xirashada maradaas, waxaan iska jeclaan lahaa in habeenada aan u imanayo ay soo xirato maradaas balse anigaa kala xishoodey in aan codsigayga u soo gudbiyo, Suleeqo xaalkayga kama war qabin habeenkaas aniga ayay igu mashquulsanyd mar wey qoslaysaa mar aniga ayay I soo eegaysaa intaas ay samaynayso ilama hadlayso oo aniga ayay hadal iga sugaysaa anigana meeshii aan hadalka uga bilaabi lahaa ayaaba iga maqneyd oo jawigaygu ma fiicnayn mowjado hirar waaweyn wata ayaa I harqinayay qadar dhowr daqiiqo ah markii aan isku howlay ayaan ugu dambayntii la soo booday:- "Suleeqooy sida aad la socoto aniga iyo adiga waxaa naga dhaxeeya xiriir aad u wanaagsan oo maanta la dhihi karo wuxuu u dhow yahay in uu guul ku dhamaado, inkastoo ay jirtey arin aan beryahanba isku hayney oo aan isla meel dhigi weynay, muddo ku dhow todobo bilood ay soo jiitamaysay haddan caawa danta ugu weyn ee aan u soo baxay ayaa waxay tahay in aan xal kama dambeys ah ka gaarno arintaas hadii laga gaari waayana waxaan qabaa in runta la isku sheego oo aan been dambe la isku maaweelinin ma garatey?" Suleeqo markii ay hadaladaas dhegaheeda ku soo dhaceen waxay hakisey qosolkii, dhaqsana jawaab wey u bixin weyday cabaar ayay indhaha war wareejisay　 sidii ruux wax soo xusuusan raba oo kale, waa yaab ma hadalkayga ayay ka naxday, ma wax kalaa u bidhaamay, ma arintan lagu soo hadal qaadayo ayaysan ogoleyn waan garan waayay runtii, anigoo la yaaban waxa ay la hadli la’dahay ayaan hadana mar kale ku celiyay anigoo leh:-"Maxaad la aamusan tahay maad ila hadashid oo iiga jawaabtid su’aasheyda mise meesha aan kaala hadlaayo ayaad ilowsan tahay oo waxaad rabtaa in aan ku xusuusiyo"　 "Maya aboowe ma ilowsani oo waan la socdaa meesha aad igala hadlayso balse jawaabta aan ka bixin rabo ayaa xoogaa aad iigu adag inkastoo aad dhowr mar igala hadashay arintan hadana weli waxaan u malaynayaa in ay adkaan doonto sida an ka yeeli lahaa" ayay iigu jawaabtay, anigoo hadalkaas ka xanaaqsan ayaan ku iri:- "Gabar weyn oo ilaahey caqli siiyay ayaad tahay oo samaha iyo xumaanta kala taqaan, sidee xal ugu heli la’dahay arintan, ileyn waad kala garan kartaa waxa ay dantu kuugu jirto iyo waxa aanay dantu kuu jirin, hadiise ay lugooyo meesha taalo ama aadan I rabin ii sheeg yuusan waqtigu iga lumine, cid qasab kugu leh ma jirto" Suleeqo su’aalahaas kul kulul markii aan u soo bandhigey waxay dareentay in aan caadi ahayn markaasey intay fadhigii ay ku fadhiday ka soo kacday ayay kursigii iga soo hor jeeday fariisatay, si ay wajiyadeenu si toos ah isugu dhacaan, markii ay I soo hor fariisatay ayay igu tiri:- "Aboowe aniga qalad ayaad iga fahamsan tahay, waad og tahay doodeenu mudo badan in ay soo jiitamaysay oo nin waliba ra’yigiisa uu soo bandhigaayay, ma ahan maanta in aad ii fahamto in aan rakaato wato ama aan adiga ku lugoynayo, amaba aan ku rabin runtii waan ku jeclahay oo kaama maarmo sida aan kuu jeclahayna ilaah ayaa iga marqaati iiga ah, mana ahan khaliifoow in aad isku xirto qorshaha aan isku hayno iyo xiriirkeena, dantayda aniga ayaa og waan ku baryayaa arintan aad igu colaadinayso　 dib iigu dhig ilaa waqti" runtii hadalkaas aad ayaan uga xanaaqey waxaanba u arkey in Suleeqo marnaba aysan raali ka ahayn in aan wada aqal galno oo aan hal meel ku wada noolaano maadaama ay waqti kale oo hor leh ay sii　 qabsanayso, kud ka guur qanjo ka guur ayaan u aqaanaa tan oo kale, ilaah ayaan idinku dhaarshaye intee lagu arkay gabar jacayl sheeganayso hadana wiilkii ay jeclayd in ay la aqal gasho ka meermeerayso.

fileyn Abaayo in aad aqoon u leedahay Farmashiye AL_SHABAAB waxaanba ka baqaayay in Tilmaanta Farmashiyaha aad toosin weydo oo aad ka lunto, waaba kheyr hadiiba farmashiyaha AL_SHABAAB iyo Saaxiibkay Keynaan aad si fiican u taqaano," Suleeqo oo markan fadhiga kursiga hagaagsanayso ayaa igu tiri:- "Keynaan waxaa I bartey Gabar aan saaxiibo nahay oo reer black sea ah oo farmashiga　 Macaamil wanaagsan la leh, maalin aan xaafadeeda joogay ayaan farmashiyaha u soo raacey, maalintaas ayaan bartey Keynaan ka dibna isma arkin" "haddii hal maalin oo kaliya aad la kulantey Keynaan sidee ku garatey inuu yahay wiil bashaash ah oo sheekaalow ah ileyn wax macquul ah ayaa loo baahan yahay, mise aqoonta aad u leedahay intaas wey ka badan tahay oo aniga ayaad iga qarinaysaa" ayaan hadalkeedii u daba dhigey, suleeqo oo iska difaacaysa su’aashii cuslayd ee aan weydiiyay ayaa markiiba la soo boodey:-"Walaahi aqoon dheeri oo intaas dhaafsiisan uma lihi laakiin soo dhaweyntiisii iyo sida uu saaxiibtey ula qosolaayay ulana sheekaysanaayay maalintaas ayaan gartey inuu yahay wiil fur furan oo kaftan badan," markay intaas igu tiri hadal kale uma celinin oo waan isaga aamusey si aysan uga shakin su’aalaha badan ee aan weydiinayo.

ayaan ugu dambayntii ku wada balaney in aan isugu imaano subaxa Isniinta gurigeena ka dibna aan soo wada aadno Farmashiye AL_SHABAAB oo ah halka aan ku balansanahay aniga iyo Suleeqo Siyaad Cumar.

Ma dhamaado waqtigaa ma dhamaado waqtigaa soo dhaweysataaye dheeree dheeraa mudaduye, Sadexdii maalmood ee iga xigtey Maalinta Isniinta laba bilood ayay igala dheeraatey, maalintii usbuuc ayay igala dheereyd, halkii saacna maalin wuu igala dheeraa waa bini’aadam iyo xaalkiisii wuxuu waqtigu is guro sakenba saken uu riixo ayaa habeenkii isniintu　 soo galaysay anigoo jiifa gurigayga baalkaygana ay hurudo Gacalisadayda Zam Zam qalbigayguna uu ku maqan yahay qorshaha beri ii degsan ayuu xanuun kedis ah qabtey Zam Zam, sida aan qiyaasey marka hore waxay isku dayday in ay　 is adkayso oo aysan iga kicin hurdada macaan ee aan ku jiro ilaa uu xanuunka ka soo siyaado, nasiib wanaag aniga Khaliif ah ma hurdin habeenkaas oo niyada ayaan ka soo jeeday waxaan ka shakiyay gal galadkeeda badan, iyo dhaqdhaqaaqeeda, intaan soo fariistey ayaan ku iri:- "Zam zam maxaa kugu dhacay Abaayo" intey iyadana indhaha kala qaadey ayay igu tiri:- "Aboowe xanuun ayaa I haya"　 waxaan ku iri:- "Xanuun saa’id ah miyaa ku haya" Markiiba "Haa" ayay iigu jawaabtey, hadal dambe uma celinin oo sariirtii aan ku jiifey ayaan ka soo boodey si aan hooyo u soo toosiyo markiiba hooyo ayaan albaabkii u garaacey markii ay iga furtey ayaan u sheegay in Zam zam xanuun daran uu hayo "Ilaahoow nagu shar tir" intey tiri ayay I soo hor kacday waxayna soo gashay qolkii ay Zam zam ku jirtey dhowr su’aalood oo ku saabsan xanuunkeeda　 ayay markiiba weydiisay Zam Zamna jawaab fiican wey ka bixin weyday xanuunka hayo darteed balse gacanta ayay ugu ishaartey in aad loo hayo, Hooyadey waa qof waayo arag ahe markiiba waxay amartey in aan　 kaxayno oo aan u geyno Naagtii Maalintii dhaweyd loo geeyay, si haddii ay fool tahay ay u umuliso markiiba aniga iyo hooyadey garbaha ayaan ka soo galney inkastoo guriga Umulisada uusan naga dheerayn haddana jiid jiid badan ka dib waxaan ku guulaysanay in aan keeno gurigii Umulisada.

siiba hooyadey murug saa’id ayaa ka muuqatey waxaan u qaatey iney Zam Zam geeriyootay, intaan aad u naxay ayaan hooyadey weydiiyay waxa soo kordhey, iyadoo codkeedu uu aad u hooseeyo ayay igu Tiri:- "Hooyo Macaan Zam zam weli ma dhalin, oo wey dhiman tahay, balse halis ayay ku jirtaa haddii aan dhaqtar fiican loo helin waxaa laga yaabaa in ay nolosheeda ku weydo," hadalkaas naxdinta leh markii ay dhegahayga ku soo dhaceen waan gariiray oo hadalkii oo dhan ayaa igu xirmey indhihii ayaa I kala tageen, cabaar markii ay hooyadey iga sugtay jawaab oo aan bixin waayay ayay hadana mar kale igu tiri:-"Hooyo Macaan waxba ma ahan siduu ilaahay ka dhigo ayay noqonaysaa ee orod Xasan shufeer soo kici taxsigiisa ha soo qaato Isbitaalka SOS ayaan geynaynaa sida ugu dhaqsiyaha badan, "Waayahay" intaan iri sidii ruux soo nibdadey ayaan gadaal u soo gadoomay.

Sakano ka dib Aniga iyo Xasan Shufeer oo wadano taxsi ayaan dib ugu soo laabanay gurigii Umulisada wax yar ka dibna Zam zam ayaan soo saarney taxsigii waxaan toos u soo aadney Isbitaalka SOS saacadu markaasey waxay tilaamaysay 2:30 Habeenimo (Sideed saac iyo bar habeenimo) jawiga magaaladu wuxuu ahaa mid aad u degan wax shanqar ah oo la maqlaayay ma jirin, mugdi ayay ahayd magaalada oo dhan, mana arag ruux bini’aadam ah intii aan wadada ku sii jirney, hase yeeshee sidii aan u sii soconay ayaan gudaha u galney Isbitaalkii markiiba kuma rafaadin oo Dhakhtarkii heeganka ahaa habeenkaas　 ayaa na qaabiley ka dibna Zam Zam oo ay xaaladeedu aad u liidatey dhiig bax ku yimid darteed ayaa loo gudbiyay Qolka lagu umuliyo Haweenka, aniga iyo xasan shufeer waxaa nalagu amrey in aan banaanka iska joogno ilaa howsha gabadhan ay ka soo dhamaaneyso.

Dhaxan aad u xoogg baddan ayaa habeenkaas dhacaysay anigana runtii adkeysi waan u yeelan waayay oo waxaan is arkey anigoo gariiraya, markiiba darbi u dhawaa meeshii aan taagnaa ayaan iska hoos fariistey si aan uga gabado dhaxanta, ka dibna waxa aan gudo galey fakir anigoo ka fekeraya xaalka Zam zam sida uu noqon doono, Xasan shufeer oo ahaa taksiilihii na soo qaadey markuu arkey in aan maqanahay oo aan fakir iyo isla hadal ku jiro ayuu iga gaabsadey oo iskuma dayin xitaa inuu I dejiyo ii caqli celiyo si aan fikirka isaga yareeyo, ana dan kama gelin hadalkiisa oo waxaa igu furnaa mowjado cul culus oo dabaylo wato oo marba dhan ii hanfinayay.

Ditoorkii markii uu iga tagey qabow ayaan dareemay, laabtaydii oo dhan wey xasishey, culayskii saa’idka ahaa ee madaxa iga saarnaa wuu iga dagey, fudeyd ayaan markiiba dareemay markaasaaan niyada iska iri:- "alla kala wanaagsanaa oo kala baarisanaa dhaqtarka iyo kalkaalisada bal maxaa u diidey in ay sidan oo kale ii qanciso inkaar qabtada ileyn biniaadamku qancis ayuu u baahan yahaye, wax yar ka dib meeshii aan taagnaa ayaan ka soo dhaqaaqey waxaan dib ugu laabtay darbigii aan xalay oo dhan dhaxanka kaga Qoraxdii markii ay soo baxdey oo dhamaan falaaraheedii ay dhulka ku iftiimisay shaqaalihii heegan ku qornaana ay isu diyaariyeen in ay shaqada ka baxaan ayaa waxaa isbitaalka SOS noogu yimid Abtigey iyo Xaaskiisa iyo dad kale oo qaraabada ka mid ah, markiiba dhankoodii ayaan u talaabo qaadey si aan　 u siiyo warbix ku saabsan zam zam, war bixintiimarkii ay iga dhagaysteen welina ay u hamuun qabaan in ay arkaan gabadhooda ayay hooyadey ka soo baxdey qolkii ka dibna anagoo wada jir ah ayaan wada galnay qolkii maadaama na loo fasaxay in aan soo arki karno inta Dhakhtarku maqan yahay.

Runtii subaxaas sida xaalkaygu noqday ma garanaayo waayo lugihii ayaan qaadi waayay markii aan indhaha ka qaadey Zam zam oo uu rafaad xoog leh ka muuqdo in xanuun daran uu hayana aad fahmi karto sida ay indhaha u kala qaad qaadayso iyo sida ay dadka ula hadlayso, markiiba Hooyadey ayaa warbixin guud naga siisay dhibaatadii ay xalay ilaa saakey martay Zam zam iyadoo ugu dambayntii hadalkeedii ku soo xirtey:- "Ninkii Dhakhtar ahaana siduu salaada subax u baxey naguma soo laaban balse warkiisii ugu dambeeyay wuxuu lahaa haddii gabadhan beri laba Saac ilaa Saddex ay dhali weydo waxaa qasab ah in aan qaliin ku samayno si loo kala badbaadiyo iyada cunuga yar ee caloosheeda ku jira" Hooyadey markii ay hadalkaas sheegtay cid ku faraxday ma jirin murug iyo tiiraanyo hor leh ayaan ka qaadney dhamaanteen wixii qolka ku jirey oo dhan qaarkood wajiga ayay hoos u foorariyeen murugo darteed halka qaarna ay faatxada aqrinayeen oo ay ilaahay uga baryayeen inuu u fududeeyo, aniga khaliif ah Qolkii ayaan xamili waayay in aan sii dhex joogo waxaan go’aansadey in aan dibada uga baxo, hase yeeshee Anigoo aan Zam zam la hadlin in aan dibada u baxo ayaan la xishoodey, goobtu ma ahayn meel lagu wada hadli karo oo sidii la rabo wax la isugu sheegi karo dad badan ayaa nala joogay anigoo cagaha jiidaya ayaan u soo talaabo qaadey sariirtii ay Zam zam ku jiiftay, markii aan soo dul istaagay ayaan madaxa gacanta ka saarey anigoo ku leh:- "Abaayo, ii waran sidee Caafimaadkaagu yahay" ZamZam oo laga dareemayo in aysan hadli Karin xanuunka hayo dartiis ayaa intay indhaheeda kor u soo qaadey cod naxuus leh igu tiri:- "Aboowe xanuunkayga aad ayuu u daran yahay, waxaan sheego waa dambi ee ilaahey waxaan ka baryaa inuu ii fududeeyo, ee ii soo ducee aboowe" Hadalkaas qiirada leh markii ay Zam zam igu tiri indhahayga ilimo kulul ayaa ku soo joogsatey waan awoodi waayay xitaa in aan　 dhaqso u jawaabo, intaan diif yar oo ka soo hoorey sankayga iska diifiyay ayaan ku iri:- "Abaayo Macaan Xanuunka ku haya kaama qaadi karo, ee ilaahay waxaan kaaga baryaayaa inuu ku caafiyo oo xanuunka ku hayo kaa qaado" "Aamiin" oo cod laciif ah ayay iigu jiibisay ducadii,　 biniaadanku tabartiisu aad ayay u yar tahay xanuun yar hadii uu qabto awoodii iyo lixaadkii uu ku faani jirey markuu caafimaadka qabey lama arkaayo hadana wax yar ayaa ku cibri qaato oo garta inuusan biniaadanku awood lahayn ee uu ilaahay subxaanuhu watacalaa awooda sare leeyahay.

Suleeqo waxaan noqonayaa nin qeyrul mas’uul ah oo aan dantiis aqoon, ceeb iyo sharaf xumana wey ii sii dheer tahay, Suleeqana kama baaqan karo oo fursada aan maanta u haysto u malayn mayo in aan mar kale ka heli doono, "tallow sideen ka yeelaa tani waa ku qabato iyo qadar alle" ayaan dhowr jeer ku cel celiyay, intii aan isla hadalkaas ku jirey marna damiirkaygu ima siinin in aan Zam zam oo fool ah aan ka tago oo aan aado balanta Suleeqo, haddana sidaas oo ay tahay waxbaa iga tan badinayay oo ii jiidayay dhanka Suleeqo, amarkii ku qabsanayo kun sano ayuu kaa weyn yahay qadarta eebe lama celin karo culeyska iga fuuley arintan in ay kheyr ii tahay ayaan niyada ku qaboojiyay, ka sheekayn ma leh daqiiqadihii yaraa ee aan isla hadalka ku jirey sida xaalkaygu ahaa ee aan ku sugnaa inkastoo uu garan karo oo kaliya qofka arin noocan ah oo kale ay u wada kulmaan.

　　　　　　　　　　　 9:00 (sagaalkii subaxnimio) ama sadex saac qofba siduu u yaqaan markii ay goor sheegtadu isku dul taagtay ayaa Isbitaalka SOS waxaa iigu yimid saaxiibkay Siciid Suleymaan markii aan indhaha sarey ayaan u soo istaagey oo ka hor tagey markiiba salaan ayuu ii soo taagey isagoo waliba I weydiinaya sida ay wax u jiraan wuxuuna Igu yiri:- "Khaliif iiga waran gabadhii Zamzam ahayd sidee xaalkeedu yahay, aniga waxba kama ogayn Sahro ayaa hadeer markaan guriga tagey ii soo sheegtay in aad Isbitaalka SOS u qaadey Zam zam"　 "saaxiib Xalay 7 Saac fooshii　 qabatey ayaa weli haysa mana dhalin, dhakhtarkii howsheeda hayayna wuxuu noo sheegay ilaa manta 3 saac hadii ay dhali weydo in qaliin lagu samayn doono si loo kala badbaadiyo iyada iyo cunuga yar ee caloosha ku jira" ayaan markiiba ugu jawaabay, Saaxiibkay oo wajigiisa laga dareemayo in uu la tiiraanyoodey warbixintii aan ka siiyay Zam zam ayaa mar kale igu yiri: "Walaahi waa mashaakil, ilaahay ha u fududeeyo, anaga bini’aadam ayaan nahay wax aan samayn karno ma jirto" markaasaan anigana ugu jawaabay "Haa waa runtaa wixii ilaahay keeno waa kheyr, sidii ilaahey ka dhigo ayay noqonaysaa" wax yar ka dibna qolkii ay ku jirtey Zam zam ayaan isku daynay in aan gudaha u galno si uu saaxiibkay u soo arko hase yeeshee waa naloo diiday in aan gudaha u gudubno,　 markiiba meel gees ah ayaan iska fariisanay bal si aan uga wada hadalno qorshihii maanta aan ku balansanayn in aan fulino sidii laga yeeli lahaa maadaama ay noo muuqato in aysan suurto geli Karin, intii aanan hadalkaba furin ayuu saaxiibkay Siciid igaga hor marey isagoo igu yiri:- "Saaxiiboow waan kuu jeedaa maanta in howl culus ay kuu taalo Gabadhii Suleeqo ahaydna waad og tahay in aad maanta balansanaydeen sidee wax yeeli rabtaa" anigoo aad uga murugaysan nasiib darida maanta igu habsatey ayaan markiiba ugu jawaabey :

garaacnay.

　　　　　　　　　　　 Ugu dambayntii waxaan hadalkii wad wadno aniga iyo saaxiibkay waxaan isku afgaraney wixii dhacaayaba ha dhaceene in aan Maanta balanta Suleeqo la oofin Karin, balse 　beri ama habeen dambe waqtigii ay noqotaba in aan guriga ugu tago oo wixii aan ku qancin karo oo raganimo ahna aan ku qanciyo, inkastoo saaxiibkay uu aad uga xumaa nasiib darada dhacday hadana qadarta eebe lama celin karo amarkii ku qabsanaayo kun sano ayuu ka weyn yahay ayaa la yiri, saaxiibkey waxaan ku qanciyay in Arinta sidii alle ugu talo galey ay noqotey, balse qancinteeda ay tahay arinta ugu weyn ee u baahan ka fikirid.

　　　　　　　　　　　 Waqti aad u fara badan markii aan aniga iyo saaxiibkay ka wada hadalnay arinta Suleeqo ayaa ugu dambayntii anagoo weli sidii isula taagan ayay hooyadey ka soo baxdey Qolkii ay ku jirtey Zamzam, markii aan indhaha ku dhufanay ayaan hadalkii hakinay aniga iyo saaxiibkay, dhankeedii ayaan u soo talaabo qaadney markii ay naga hor timid ayay noo sheegtay in dhakhtarku uu amrey in Zam zam ay markan u baahan tahay qaliin loona baahan yahay dhiig lagu shubo inta qaliinku socdo, naxdin darteed wadnahaa qac I yiri, maxaa yeelay ma jeclaysan warkaas naxdinta leh inkastuu qaliinku halis yahay dadka badankiisana aysan jeclayn hadana waan ku qasbanaa in aan ogolaado talada Dhaktarku soo jeediyay, markiiba ma sii sugine gudaha ayaan qolkii ay ku jirtey Zamzam u galney aniga iyo saaxiibkey iyo hooydey dhakhtarkii ayaan ka wareystay arintii wuxuuna noo sheegay in la qali doono Zamzam si loo kala badbaadiyo iyada iyo cunuga yar ee caloosha ku jira wuxuuna na amrey in aan diyaarino dhiigii lagu shubi lahaa inta uu qaliinku socdo.

　　　　　　　　　　　 Markiiba dhiig diyaarin iyo baaris ayaan ku dhaqaaqney nasiib wanaag Saaxiibkay Siciid saleymaan ayay isku dhiig noqdeen nooca +A , 500cc ayaa laga miirey ka dibna dhakhtarkii wuxuu isku diyariyay in uu galo qaliin, Anigana wadnaha ayaan farta ku hayay waxaan is lahaa maxaa soo yeeri doono sidee xaal noqon doonaa hase yeeshee nasiib wanaag dhowr daqiiqo iyadoo aysan ka so wareegin ayaan ka war helnay in Zam zam uu ilaahay u fududeeyay intaan la qalin ka hor waxayna dhashay wiil meyd ah, wax waliba waxaa iiga wel wel badnaa caafimaadka Zamzam, hadiiba uu ilaahey kala keenay alxamdu lilaah, ayaan niyada iska iri, wax yar ka dibna meydkii ayaan soo aasney.

Abaarihii afartii galabnimo oo rubi la’ ayaan ka soo dhaqaaney ,,,,,,,,,,,,

Isbitaalka SOS, ka dib markii ay nooga soo dhamaatey howshii aan halkaas u tagnay habeenimadi xalay, Hooyadey iyo abtigeyna waxay isku af garteen in Zamzam la geeyo guriga aabaheed si loogu baxnaaniyo halkaas, markiiba waxaan si toos ah u soo aadney gurigii abtigey daqiiqado ka dibna gurigii abtigey ayaan soo gaarney, Xitaa Hooyadey waxay ii sheegtay in ay gurigaas ku hari doonto, anigana ilaa todobadii iyo barkii habeenimo ayaan la soo joogey ka dibna waxaan soo abaarey gurigii aan ku noolaa, markii aan gurigii soo gaarey nin daalan ayaan ahaaye markiiba qubeys ayaan isku boobey salaadii cishaha ayaan cagajiid ku tukadey ka dibna Zamzam ayaan ilaahey uga baryey inuu caafimaad taam ah siiyo cabaar markii aan saligii ku fadhiyay ayay hurdo I qabatey oo aan is arkay anigoo madaxa rux ruxaayo markiiba saligii ayaan soo laablaabey waxaan soo galey qolkeygii ka dibna sariirtii ayaan madax madax isugu tuurey labadaydii gacmood intaan is gel geliyay ayaan madaxa ka hoos mariyay si aan u helo hurdo macaan.

Naf jacayl hayaa ma hargasho hurdo wey nacdaa ma hiigsatee ninkii ku heesay been kuma heesin, habeenkaas hurdadii aan madaxa la lulaayay salaada cishaha ka dib meel ay ka baxdey ayaan garan waayay,　 waxaan ku mashquuley qaabkii aan isaga maareyn lahaa Suleeqo Siyaad Cumar marka aan u tago kulanka ugu horeeya ee aan la yeelan doono iyo waqtiga munaasibka ah ee aan u tagi karo, Habeenkaas intiisa badan wuxuu waqtigu iigaga dhamaadey xal u helida arintan inkastoo markii dambe aan iska hurdey hadana go’aanka aan ka qaatey wuxuu ahaa in aan habeenka khamiistu soo galayso ugu tago gurigooda inta ka horeysase aanan isku howlin oo aan niyada dejiyo si ay u hesho nasasho ku filan.

iyo qaabka ugu haboon ee aan ku kasban karo mar kale Suleeqo hase yeeshee talaba talo ayay keentaa qorshana qorshe ayuu keenaa anigoo aan weli wax qorshe ah diyaarsan xaaladaydu ay aad u kacsan tahay jawigayguna uusan deganayn ayaan soo hor istaagey albaabka laga galo guriga Suleeqo markiiba garaacis ayaan ku bilaabay wax yar ka dib Suleeqo walaasheed ayaa iga furtey markiiba Salaan ayaan u gudbiyay iyadana si asluubaysan ayay iiga qaadey ka dibna in an hore u soo galo ayay gacanta iigu tilmaantey, anigoo talaabada aayar aayar u qaadaya ayaan u soo dhaadhacay gudaha guriga mar aan u sii dhawahay qolkii fadhiga welina ay I daba socoto Suleeqo walaasheed ayay Suleeqo ka soo baxdey qol ku dheganaa qolkii fadhiga iyadoo ilko cadaynaysa ina leh:- "alla waa Khaliif ii waran aboowe, side tahay caafimaadkaaga ka waran, waan ku waayay maalmahan maxaa kugu dhacay oo aad iigu iman weyday" anigoo wadnuhu I gariirayo kana naxsan sida kediska ah ee ay salaanta iigu dhiibtey ayaan dhankeedii u soo jeestay anigoo ku leh:-"Nabad abaayo, al-xamdu lilaah waan fiicanahay balaayo ma jirto ee adiga ii waran bal"　 "Aniga waan iska caafimaad qabaa wax dhibaato ah ma jiraan al xamdu lilaah" intay iigu jawaabtey gacantana iga qabatey ayay ii hor kacdey qolkii fadhiga anigana iyada ayaan u hogaansamey oo qolkii fadhiga ayaan ka daba galey ka dibna fadhigii kuraasta ayaan wada camiranay waana iska soo hor jeesanay sidii caadada noo ahaan jirtey wax yar ka dibna waxaaba noo bilaabatey sheekooyin iska caadi ah iyadoo aan weli igu soo hadal qaadin balantii naga baaqatey, hadana intii ay sheekadu noo socotey oo dhan waxaan la yaabanaa gabadhii aan ka baqanaayay ee aan is lahaa iyadoo xanaaqsan ayaad u tagaysaa xagee hadalka ugu bilaabaysaa iyo 　sidee dhihi doontaa oo iska faraxsan iska qoslaysa oo waliba dabeecadihii aan ku aqiin aan waxba iska bedelin oo iska sheekaynaysa, arintaasina waxay igu dhalisey kalsooni baqdintii igu jirteyna wayba iga baabi’sey ka dibna waxaan iska go’aansadey in aan marka hore ka raali gareeyo baaqashadii aan ka baaqdey balantii aan lahayn ka hor intaysan wax iga su’aalin sababtii aan uga baaqdey ileyn iima diyaarsanayn qorshe aan ku andacoodo.

aaminayso Habeenii isniintii howshii aan ku mashquuley ayaan galabta ka soo farxashay anigoo aan weli nasan daalkiina uu iga muuqdo ayaan is iri adigoo aan Suleeqo soo arag soona raali gareyn ha seexan sidaas darteed ayaan caawa kuugu imid waadna dareemaysaa in aysan caawa ahayn habeenkii caadada noo aheyd ee aan wada kulmi jirney"　 Suleeqo oo aan wajageeda wax isbedel ah aanan weli ka dareemin oo sidii ay markii hore u faraxsaneyd uun u faraxsan ayaa markiiba iigu jawaabtay:-" Mashaakil ma laha aboowe, wax waliba waqti ayay leeyihiin, hadiiba la caafimaad qabo oo la nool yahay waqtigii alle ugu talo galey ayay qabsoomeysaa waxba ma aha anigana raali ayaan ka ahay ma garatey" anigoo aad ugu faraxsan jawaabta waafiga ah ee ay Suleeqo iga siisey raali gelintaydii ayaan markiiba la soo boodey:-"Abaayo macaan in aan ku raali geliyo waan ku qasbanahay maxaa yeelay ninka balanta kuu dhigay waliba kugu qasbay adigoo aan raali ka ahayn wuxuu ahaa aniga haddana ninka balanta gooyay waa aniga, hadii aad adiga ii goyn lahayd gar bayba ahaan lahayd in aad hadalkan igu tiraahdo laakiin ogow raali gelintu insaanimada ayay ka mid tahay waana kaaga mahad celinayaa sida aad raali gelinta iiga qaadatey" Suleeqo oo markan go’a ay huwaneyd hagaajisanaysa ayaa igu tiri:-"Anigu koley dacwo ma qabo oo kuma lihi maxaad iigu goysay oo aad beenta iigu sheegtay waayo waxaan dareensanahay in aadan ka baaqan lahayn balantaas hadaadan ku mashquulin howsha aad ii sheegtay in aad darted u baaqatey sow sidaas ma aha" intaan ku qoslay ayaan ku iri:- "Walaahi gabar aad u caqli badan ayaad tahay sidan kuuma malaynayn waad ii gabaneyd ee ilaahay ha kuu dhaafo caqligaaga" "dhamaanteenba caqli waan wada leenahay ee Allaha noo wada dhaafo" ayay iyadoo qoslaysa iigu jawaabtay.

　　　　　　　　　　　 Farxadaydii farxad farxad sii dhaaftay ayay noqotey markii ay Suleeqo i dareensiisey in aaney waxba u arkin baaqashadii aan ka baaqdey Maalintii Isniinta waxayna meesha ka saartey arintan shakigii iyo humaagii igaga jirey in aaney Suleeqo diyaar u ahayn in aan is mehersano, waxaan dareemay in Suleeqo ay aad ii jeceshahay oo ay igu kalsoon tahay waxaan kaloo xaqiiqsadey Suleeqo in aysan iga maarmi Karin oo ay aad isugu key dhiibtay wax walba oo aan sameeyana ay ka jeceshahay inuu xiriirkeenu sii socdo, maxaa yeelay gabar　 aan caqli lahayn haddii ay ahaan lahayd goor haraa lagu kala tagi lahaa jacaylkii mudada badan soo jiitamayayna meeshaas ayuu ku burburi lahaa waana wax xaqiiqo ah oo la hubo (labaatan jir intuu geed ka booduu talo ka boodaa).

　　　　　　　　　　　 Kama sheekayn karo Habeenkaas hadalada xadidan ee xikmada iyo caqliga ku dhisan ee marba marka ka dambaysa ka soo burqanayay Suleeqo Siyaad Cumar waana habeenkii iigu horeysay ee aan arimo noocan ah ka wada hadalno mudadii aan xiriirka lahayn, runtii wey ii dhineyd cimrigeyga intii aan gabar soo shukaansanayey gabar la mid ah ama ku caqli ah Suleeqo, wel welkii iyo cabsidii aan guriga ku soo galey ha sheegin waxaan is arkey sidey sheekadu noogu socotey anigoo iska faraxsan oo caadaas maraaya, Suleeqana sidayda oo kale ayay aad u faraxsanayd waaba hadii aysan iga farxad badneyn inkastoo farxadeeda aan ku qiyaasey in ay ahayd anigoo caafimaad qaba oo ay mar kale ila kulantay sida aan hadalkeeda ka dhadhansadey hadana waxay iigu muuqatey in ay iga farxad badnayd habeenkaas.

naso, aniga waan kuu joogaa diyaarna waan kuu ahaye" walaahi markii ay hadalkaas I tiri iskuma dayin xitaa in aan wax ka iraahdo waan gareystay waana isaga aamusey anigoo madaxa ugu muujinaya in aan raali ka ahay.

　　　　　　　　　　　 Aamusnaantaydii intuu shaki ku abuurey ayay igu tiri:-"Khaliif dhib miyaad u aragtaa hadalkayga ii sheeg sida kula quman ee aad raaliga ka tahay waan kuu yeelayaa" xishood ayaaba I galey markay hadana hadalkaas ii sii raacisey waxaaba igu adkaatey in aan sida aan rabo ka hadlo ala jacaylku dhib badanaa mar dambe ayaan ugu jawaabey:-"Maya abaayo sida aad go’aanka u gaartey ayay noo ahaanaysaa aniga deg degsiimo iguma jirto hadiiba aad diyaar ii tahay"　 Suleeqo markii aan jawaabtaas siisey wey aamustey oo in ay i soo eegto ayay howl ka dhigatey indhaheeda quruxda badan ayay si toos ah ugu soo jeedisey wajigaygii iyadoo weliba u diidan libiqsi, cabaar markii ay i deymoonaysay anigana aan shaqo ka dhigtey in aan marna iyada fiiriyo marna hoos fiiriyo ayay ugu dambayntii intay gacanta I soo qabatey oo ay iga dhunkatey ayay igu tiri:- "khaliif sida ay niyadaadu jeceshahay in aan kuu sameeyo ayaan jeclahay ma arkaysaa qadarkii yaraa ee aan indhaha kugu gubaayay waxaan ka fikiraayay in aan kuu sheego maalinta aan jaaniska leeyahay ee aan ka dhigan lahayn qorshaheena hase yeeshee wey ii ahaan weyday in aan hadeer kuu sheego balse waxaan jeclahay habeenkan habeenka xiga ee aan wada kulmi doono in aan kuu sheego insha alaah adigana sidaas iiga qanac aboowe" wax aan ku hadlo ayaan garan waayay oo hadalkii ayaaba afku soo qaban waayay farxad darteed, balse ugu dambayntii intaan anigana ku dayday oo gacanteedii soo qabtey oo dhunkadey ayaan ku iri:- "Abaayo macaan maalmaha ilaahey waa isugu key mid oo ma kala jecli balse waxaan ilaahey ka baryaayaa maalinta kheyrku noogu jiro inuu na waafujiyo" inaatanan hadalkiiba dhamaynin oo aan ka sugaayo in ay Aamiin tiraahdo ayaan arkay labadeedii indhood oo ay ka soo hoorayaan ilin markaasaa anigana inta caloosha la ii dhaafey sideedii oo kale u ilmeeyay.

halaabey maalintii dhaweyd.

　　　　　　　　　　　 Abaarihii 9:00 kii habeenimo ayaan ka soo dhaqaaqey hoygii Suleeqo anigoo aad maqsuud uga ah sida wanaagsan ee aan isula meel dhigney qorshihii naga halaabey iyo sidii mar kale loo sixi lahaa, ka dibna waxaan soo marey Zam zam si aan xaalkeda u soo ogaado maadaama habeen walba aan soo booqan jirey wax yar ka dibna waxaan cagaha soo dhigtey gurigii aan ku noolaa.

aan muuqaalkiisa bartey caawa" gadaal intey u santeecsatey wajigeedana ay si toos ah iigu soo abaartey ayay igu tiri:- "In ay Xaaskiisa tahay ma kuu sheegtay" "Maya" ayaan markiiba ugu jawaabey, markaasey iyadoo hadalka ii sii wada waxay hadana igu tiri:- "In ay kuu sheegto wey kaala xishootey ayaan umalaynayaa" Runtii Hadalkaas waxaan u qaatey in ay igula kaftamayso oo ay og tahay in aniga iyo Suleeqo uu naga dhaxeeyo xiriir saaxiibtinimo, maadaama reerka oo dhan ay wada og yihiin sida ay Suleeqo horey iigu sheegtay, kaftankeeda anigoo aanan waxba ka dhigan hadana teeda u raacaya ayaan ku iri:- "Naag marwo ah waa la yaqaan dadka kuma darsamayso, Suleeqo in la qabo iska daayee waligeed ineysan nin shukaansan aniga ayaa ka marqaati ah maxaa kale" intey hadalka iga soo dhex gashey ayay igu tiri:- "Khaliifoow warkayga kaftan ayaad u malaysaa ee sahrada iga yar ama hooyo ma kuugu yeeraa si aad u xaqiiqsato, walaahi khaliifoow hadaan runta kaaga hadlo labo sano kama yara hadeysan ka badney inta ay xaaskiisa tahay oo ay ku mehersan tahay" Runtii suleeqo walaasheed waxa ay ku hadlayso in aysan kaftan ahayn ayaan markiiba dareemay, inkastoo markii hore uu shaki yar igu jirey haddana waxaa ii xaqiiqowdey warka ay sheegayso in uu run yahay, ileyn wax ay been igaga sasabanayso ayaanba jirin.

Nimaan wax ogeyn ilaahey ma cadaabo ayay soomaalidu tiraahdaa "Markey caawa kuu timaado weydii ayay iska leedahay ma oga ololka laabteyda ku shidan, iyo ciilka aan iyada u qabo," "yaa u sheega in fadhiga aan hadeer dhex fadhiyo gurigooda uu I dhibayo, iyadana waxaan loo joogin ayay isaga hadlaysaa" ayaan niyada iska iri anigoo ciil bastey ah, Inkastoo Suleeqo walaasheed aan ka xaqiiqsadey sir badan oo Suleeqo u qarsaneyd oo ay aniga iga qarinaysay　 si uusan xiriirkeenu u burburin hadana Nasiib wanaag wuxuu Caawa ilaahay iiga gargaarey bohoshii ay igu ridi lahayd ee ay iila damacsanayd mudadii aan xiriirka lahaynmaadaama ay ila saaxiibtey iyadoo nin ooradiis ah oo aan madax bananeyn, alla naagaha qaarkood doqonsanaa, maba ku xisaabtamayaan in la ogaan doono oo sirtooda la heli doono si kastoo lagu helaba.

Bal fiiri qiyaanadeeda Aniga waxay iiga sheekaysay in reerka oo dhan ay wada og yihiin, ayna ka warhayaan Xiriirkeena ana markaan arkey sida qof waliba ii soo dhaweynayo iina ixtiraamayo waxaan u qaatey in arintaas darteed la igu soo dhaweynayo laakiin Suleeqo qiyaano ayay ka ahayd si ay aniga iyo qoyskooda noo kala badbaadiso ayayna u sameysay, balse 　haddii jacaylka aan iyada u qabo uusan daacad iga ahaan lahayn caawa sirteeda faraha iiguma shubteen walaasheed ay isla dhasheen ee ay halka guri kuwada nool yihiin, haddiise uu warku run noqdo ninka la qiyaamey ee beenta lagula saaxiibey waa aniga.

Anigoo sidii u yaaban xaaladeyduna ay aad u kacsan tahay hadalkiina aan yareeyay ayaa albaabka la soo garaacey Markiiba meysan hakanine intey fadhigii ka boodey ayay igu tiri:- "Inay Suleeqo tahay ayaan u maleeyaa ee I sug intaan albaabka ka soo furaayo" markii ay qolkii ka baxdey oo ay aadey albaabka ayaan anigana ka soo istaagey fadhigii aan fadhiyay anigoo uu xanaaq daran iga muuqdo ileyn fadhi iima yaalo oo naag marwo ah oo la qabo ayaan qolka u fadhiyaa anigoo waliba ka damacsan in aan meher masaafo ah la galo, ilaahow iga kori waa danbi iyo indho xumo iyo sharaf ka dhac aan loo dulqadan Karin.

Mar aan la simanahay Barandada guriga ayaan wax yar gadaal u hakadey bal si aan u kala ogaado cida albaabka soo garaacdey ee laga furi rabo, nasiib wanaag gabar kale oo iyaga la dhalatey ayay noqotey, anigana bartii aan taagnaa kama dhaqaaqin ilaa ay Suleeqo walaasheed iigu timaado Barandadii markii ay I aragtey in aan barandada taaganahay bixidna aan diyaar u ahay ayay igu tiri:- "Maxaa kugu dhacey khaliif oo aad u soo baxdey ileyn Suleeqo waqtigan wey soo dhow dahaye, maad wax yar sii sugtid" anigoo qancinaya qiimeynaya sida ay wanaageyga u jeceshaahay ayaan ugu jawaabey:- "Maya abaayo waan sugi lahaaye waxaan soo xusuustey wiil aan xaafada kula balansanaa sidaas darteed hadii Suleeqo aysan weli iman ilaa waqtigan　 waan isaga　 tagayaa, u sheeg habeen dambe ayaan u imanayaa ee ha I sugto" Mar marsiinyihii aan sameystay wax war ah kama keenin oo sidii aan rabey ayay noqotey weyna I fasaxdey intaan gabadhii u mahad celiyay ayaan ka soo degay albaabka gurigooda.

Inkastoo wax aan ku sifeeyo aan garan waayay arintan, hadana ra’yi ahaan waxaa ii soo baxdey 　in aan la kulmo waxna ka su’aalo sababaha ku kalifay in ay sidan samayso balse damiirkeyga wuu I siin waayay in aan mar dambe la kulmo Suleeqo ama aan wax ka su’aalo maadaama ay igu noqotey sheydaamad ileyn sheydaan lama aamino karo.

Qalbigayga marna wey ka go’I weyday sida xun ee ay iila dhaqantey gabadhii aan　 gabdhahoo dhan ka xushey ee aan is lahaa nolosha la qeybso, mar walba oo aan soo xusuusto oo ay qalbigayga ku soo dhacdo meel baa I damqanaysay ileyn jacayl daran ayaan u qabay inkastoo wax lagu sii jeclaado ama uu qalbigayga uu ku damqado aysan ii muuqan haddana mar marka qaarkiis wax aan macquul ahayn oo aan dhici Karin ayay iigula muuqanaysay anigoo iska dhaadhicinaya in warkaasi been yahay maadaama ay tahay gabar aad u yar qiyaanada intaas la’egna aysan ku dhaqaaqi karin, qof aad naftaadii ku aamintey isagana tiisii kugu aaminey hadduu jalaafo aadan ka fileyn kuu dhigo sow dhibaato ma aha, Suleeqo inkastoo aan aad u jeclaa niyadeydii oo dhana aan raaciyay, reerka ay ka dhalateyna aan aad isu baraney oo aan is dhexgalney haddana waxaa ii cuntami wedey in aan iyada darteed reerkooda u gooyo, reerkooda walaaltinimo iyo Soomaalinimo in aan isku xiriirino oo aan guriga ku imaado ayay qabaan anigana waxaan qabaa in Suleeqo xiriirka naga dhaxeeya la og yahay oo la igu qiimeynaayo, haddii aan xiriirkooda gooyo waxaan ka baqayaa in la igu eedeeyo oo la I dhaho nin xun ayaad tahay, Anigana nin la qiyaamey oo jacayl been ah lagu abuurey ayaan ahayn　 shaxda sidaas u culus gabadha samaysay guri ay ku nooshahay waji aan ku tago iima muuqdo labo kala daran kal war la’ ayaa la yiri mana goyn karo mana xiriirin karo.

Waxaan talo gorfeeyaba aakhirkii waxaan hoosta ka xariiqey oo aan go’aan adag ku gaarey in aan Suleeqo iyo reekooda faraha isaga qaado oo aan kala amaan helno aduunku waa balaaran yahay meeshay doonaan ay ka biyo cabaan, laba habeen ka dib Saaxiibkey Siciid Sulaymaan ayaan arintii la socodsiiyay una sheegay qiyaanadii ay igu sameysay Suleeqo, Saaxiibkey isagoo aad ula yaaban kana naxsan burburka ku yimid jacaylkayga ayuu isagana igula taliyay in aan faraha isaga qaado oo aan iska ilaawo, angina waan ku raacey.

Muddo todobo maalmood markii ay ka soo wareegatey oo aan weli war ah ka la’ahay dhankii suleeqo ayaan si fiican u sii xaqiiqsadey in warkii ay ii sheegtay Suleeqo walaasheed uu run yahay, haddiiba todobo maalmood ay Suleeqo maqnaanshahayga ka soo wardooni weyday, oo ay iigu iman weyday Shirkada Xawilaada, nasiib wanaag maalintii sagaalaad subaxnimadeedii anigoo fadhiya goobtii shaqada waxaa muraayada laga qaato lacagaha xawilaada ii soo istaagtey gabar aanan igu cusbeyn muuqaalkeeda hase yeeshee aan garan waayey meesha aan kula kulmey, aad ayay gabadhu u labisleyd waliba si cajiib ah oo aadan indhaha u dhameyn Karin intey si saani ah qoorta hoos u soo dhigatey iskuna soo aadisey meesha muraayadu ka go’an tahay ee ay dadku ka qataan lacagaha ayay igu tiri:- "Kaliif sidee tahay,? ma fiican tahay aboowe" anigoo wajigeeda indhaha la sii raacaya bal si aan u garto ayaan ugu jawaabey:- "Nabad abaayo waa la fiican yahay ee adiga iska waran"　 "aad ayaan u fiicanahay belaayo ma jirto" ayay markiiba iigu jawaabtey, anigoo weli soo qaban la’ meesha aan ku arkey gabadhan ayaan ku iri:- "Haye Abaayo, Maxaan kuu qabtaa?" "Adiga ayaan kuu baahnaa ee wax yar ma ii soo bixi kartaa" ayay si hoose iigu tiri iyadoo malaha u qaadatey in aan gartey, anigoo codsigeeda iska hubinaya ayaan ku iri:- "Aniga khaliif ah miyaad ii baahan tahay Abaayo" "haa" ayay markiiba iigu jawaabtey, "raali iga ahow abaayo, kuraastaas i sii fariiso intaan kaaga imaanayo" intaan ku iri ayaan u yeeray wiil kale oo shaqada ila wadi jirey si uu shaqada ii sii wado inta aan gabadhan la sii hadlaayo.

Markiiba dhankii gabadha ayaan soo aadey kursigii ay ku fadhidey ayaan dhinac kaga fariistey, ka dibna masar jeebka iigu jirey intaan la soo baxey ayaan ku iri:- "Haye Abaayo warka I sii maxaa darnaa" gabadhii oo qoslaysa ayaa igu tiri:- "Maya aboowe wax daran ma jiraan, adiga ayaan dan yar kaa lahaa inkastoo aad I fahmi la’dahay laakiin aniga ayaan ku fahamsan ma garatey" intaan hadalka ka soo dhex galey ayaan ku iri:-"Walaahi anigaba wajigaaga iguma cusba, laakiin meeshii aan kugu arkey ayaan ilaa iyo hada garan la’ahay" intey mar kale igu qososhey ayay hadana igu tiri:- "Aboowe in aad I hilmaantey waan u jeedaaye ee Aniga aan isku kaa sheegayo, magacaygu waa Shukri Siidoow, waxaan ahay Suleeqo saaxiibteed, haddii aad xusuusato maalin aad guriga Suleeqo joogtey ayaa la iskeen barey adigoo funaanad cad iyo surwaal jiinis ah wata"　 "Haa hada ayaan ku gartey ee raali iga ahow, aduunyada xaalkeeda ayaa sidan iska ah, ii waran bal sidee tahay maanta waad soo dheeraatay"ayaan si boobsiis ah ugu iri, markaasaa iyadoo indhaha dhulka ula raaceysa ayaa igu tiri:- "Walaahi khaliifoow waa runta oo maanta waan soo dheeraadey, waxa I keenayna waa dan, dantana la iskuma naco, balse fariin culus oo aan Suleeqo kaaga waday ayaan kuu wadaa, inkastoo ay iiga warantey khaladkii ay kugu sameysay iyo beentii ay kuu sheegtay hadana markaan si hoose isu wareysanay waan gareystay hadalkeeda, dadkuna isku mid ma aha oo waa kala fikrad duwan yihiin, koley aniga fariin　 qoraal ah ayay ii soo dhiibtey adigoo aniga I xushmaynayaa waxaan kaa codsanayaa in aad fariintaas iga gudoonto" Markaan magaca Suleeqo maqley, haddana Markey Shukri Siidow ii sii cadeysay khaladka dhacay inuu sax yahay oo Suleeqo ay xaas tahay, Cirka iyo dhulka ayaa ila wareegay xanaaq dartiis, waxaanba ku sigtey in aan fadhiga uga kaco Shukri oo aan shaqadeydii dib ugu laabto　 hadana in aan Shukri ku xad gudbo ayaan ka xishoodey maadaama ay adeege tahay, anigoo aan jeclayn in ay dareento xanaaqeyga ayaan ugu jawaabey:- "Suleeqo ma ahan qof sharaf badan, oo la aamini karo runtii khaladka ay igu samaysay iyo beentii ay ii sheegtay weli laabteyda kama go’in, inkastoo shirqoolkii ay ila maaganayd uu ilaahey iga badbaadiyay, hadana wax aan isu sheegno meesha maba yaalaan muusaa bi diin ciisaa bi diin, arageedana ma rabo hadalkeedana ma rabo ee ha iga raali ahaato warqadeeda iyada u geey iyada ayay anfacaysaa" Shukri oo aad ula yaabtey hadalkayga ayaa si degan ii tiri:- "Khaliifoow bini’aadamku khalad wuu geli karaa oo muxuu u galay lama dhaho, carab iyo ilko wax isaga dhow ma jiro hadana wey is qaniinaan, Suleeqo qalad ayay sameysay hadana waxay rabtaa in ay kaa raali geliso oo ay kaa qanciso sababtii ay ku dhacdey, anigu kuma lihi Suleeqo qaladkeeda ku raac, ee waxaan rabaa fariinta ay ii soo dhiibtey in aad ila aragto oo aad soo aqriso kana soo fakirto haddii hadalkeedu uu ku qancin waayo cid qasab kugu leh ma jirto, hadiise aad ku qanacdo oo aad ka raali noqoto adinka ayaa wada xiriiraya, ma garatey," Macquul ayuu ila noqdey hadalkii shukri, inkastoo aan markii hore diidanaa hadana waxaan ku fikirey in aan warqada ka qaado oo aan arko waxa ku qoran oo ay igu qancin rabto ka dibna go’aanka anigaa iska leh sidaan doono ayaan ka yeeli karaa mowqifkaygana cid　 bedeli karta ma jirto, anigoo masarkii wajiga isaga titiraya ayaan ku iri:- "Shukriyeey I dhagayso, adiga waxaad tahay qof la soo adeegsadey oo fariin loo soo dhiibtey, mana tihid runtii qof aan xumeyn karo, sida dadka qaarkood aan ula dhaqmi lahaa kuulama dhaqmi karo oo waad igaga duwan tahay oo xagayga sharaf ayaad ka leedahay, Suleeqo fariin ka socoto iska daaye magaceeda xitaa ma maqli karo waqtigan la joogo, adigase waan ku xushmeynaya Suleeqo darteed kuuma xumeyn karo warqada waan kaa qaadayaa oo kuguma celinaayo ma garatey" markiiba Shukri hadal iima celin malaha waxay ka yaabtey xanaaqa aan u qabo Suleeqo, markiiba intey ii mahad celisey ayay boorso yar oo ay wadatey ka soo saartey bashqad aad u qurux badan oo aan ahayn nooca dalka soomaaliya laga Isticmalo, ka dibna faraha ayay iga saartey iyadoo I leh;- "Kaliif waad mahadsan waad I sharaftey alaha ku sharfo, waxaanse kaa codsanayaa in aad ii sheegto goorta aan jawaabta kuugu imaanayo" markiiba bashqadii ayaan ka gudoomey anigoo weli qiimaynaya codsigeeda ayaan ugu jawaabey:- "Shan iyo toban maalmood ka dib ayaad iga soo wardooni kartaa insha alaah," intey kursigii ka soo kacdey ayay igu tiri "Shan iyo toban maalmood ka dib ayaa inoo balan ah iyo halkan haduu alle yiraahdo insha alaah" intaan anigana fadhigii ka soo kacey ayaan ku iri:- "insha alaah sidaas ayaa inoo balan ah’" ka dibna "Waa yahay waan sii baxayaa ee nabadey" intey igu tiri ayay bilowdey in ay u talaabo qaado dhankii uu ka xigey albaabka, si aan u sii sagootiyo ayaan anigana dhowr talaabo la soo qaadey ilaa aan si wadajir uga soo wada baxno albaabka weyn ee Shirkada.

Mar alla markii aan ka soo laabtey sii dhaweyntii Shukri kuma laaban shaqadeydii oo Xafiiskii maamulaha ayaan soo aadey bal si aan u arko fariinta Suleeqo ii soo dirtey markiiba kursi meel gaar ah yaaley ayaan ku fariistey bashqadii ayaan kala furey waxaan ka soo saarey warqad aad u dheer oo ay ku qoran tahay far aad u qurux badan ka dibna intaan lugteyda midig tan bidixda dul saartey ayaan bilaabey in aan aqriyo warqadii Suleeqo waxayna u qorneyd sidan :-

Ujeedo:- Raali gelin Awalan iga gudoon Salaan Macaan oo seedaha jirkoo idil sahal u soo martey salantaas oo aan salguurin kana soo maaxatey maskax caafimaad qabta oo cudur iyo cuqdad laga meyray, aboowe caafimaadkaygu inkastoo uusan wanagsanayn hadana al xamdu lilaah waan iska ladnahay, adigana waxaan ilaahay kaaga baryaayaa sidayda iyo si ka wanaagsan.

Runtii maanta waxaan ku dhex jiraa marxalad aad u adag oo aan ku kala saari Karin maalin iyo habeen waxa la joogo waana dareensanahay meesha la iga haysto in ay tahay qaladkii aan kugu sameeyay iyo khiyaanadii aan nafsadeyda khiyaaney waxaan kaa codsanayaa in aad ilaah dartii igu cafiso marka hore, kun jeer iyo ka badana aad iga raali ahaato.

Ma jeclayn waligey in aad iga xanaaqdo ama aad iga carooto balse maanta ayay dhacdey taas, muragada iyo walbahaarka maanta I haysto ma garan karo meesha ay ku danbayn doonaan haddii aan adiga ku waayo, indhahaygu wey diideen in ay joojiyaan ilmada ka hooreyso, afkeyguna wuu diidey inuu raashinka si saani ah u qaato, ma waalni mana fayoobi mana ka sheekayn karo marxalada aan maanta ku suganahay sida ay tahay, balse adigu ma tihid mid iga rumaysanaya waxa aan sheeganaayo waayo waxaa kuu muuqdo oo weli qalbigaaga ka guuxaya khaladkii aan kugu sameeyay, laakiin aboowe macaan ma is weydiisey Suleeqo oo sidaad ogeyd kuu jeclayd waxa ku kalifey in iyadoo xaas ah oo qabo ay sidan samayso oo ay ku qiyaanto, inkastoo aan dareemayo inuusan warkeygu kugu soconayn haddana waxaan kaa codsanayaa haddii ay ku soo gaarto warqadan in aad I siiso fursad aan ku kulmi karno mar kale aniga iyo adiga si aan kaaga sheekeeyo sababaha igu kalifey anigoo da’daas ah, xaas la qabana ah in aan ku qiyaamo oo aan kula saaxiibo.

Waa iga codsi mar kale aboowe xanaaqa iska yaree aniga weli waan ku jeclahay oo sidaad igu ogeyd iyo waliba si ka daran ayaan kuu jeclahay, ma kula tahay nafsadeyda in aan ku been abuuranaayo oo jacayl aan I hayn iska sheeganaayo runtii waa maya, khaladka aan kaa galey waxaan jeclahay siduu ku dhacey in aan ku fahamsiiyo ee adiga iga ogolow in aan hal mar oo kaliya kulano,　 ka hor inta adan iga qadan go’aan.

Suleeqo Siyad Cumar Tiro sadex jeer ah ayaan ku cel celiyay aqrinta warqada si aan u dhuuxo inkastoo aan fahmi waayay waxa ay ii sheegi doonto marka aan ka ogolaado kulanka ay iga dalbanayso Maadaama ay ii cadeysey in ay xaas tahay oo la qabo hadana waxaan is iri cimri dhamaadey ceeb laguma sagootiyo bal iska arag waxa ay kuu sheegi doonto ileyn wax ay mar marsiiyo ka dhigato meesha maba yaalle.

Waxaan aad uga qoomameeyay nasiib darida iga haleeshay dhanka Suleeqo maadaama aan u qabey jacayl xad dhaaf oo dhuuxa iyo lafaha I dhalaaliyay, runtii isma lahayn Suleeqo ayaa si sahal kugu dhaafi doonto oo aad weyn doontaa.

Aqrintii warqaa markii aan dhameeyay ayaan laalaabey waxaan ku celiyay bashqadii aan markii hore ka soo bixiyay ka dibna talo ayaa igu dhalatey waxaan ka fikirey sidaan ka yeeli lahaa jawaabta la iga sugaayo hase yeeshee go’aan rasmi ah waan ka gaari waayay ugu dambeyntii go’aankeyga waxaan ku xirey saaxiibkey Siciid Suleymaan wixii uu igula taliyo in aan sameeyo ileyn aniga nin jacayl hogaaminaayo ayaan ahay sideedaba ruuxu markuu wax jecel yahay waxba uma muuqdaan talo uu kaligiis goostana meel ma geyso waxaa haboon inuu talada wadaajiyo saaxiibka ay isku sirta yihiin, sidaas darteed ayaan u qaatey go’aanka ah in aan marka hore kala tashto saaxiibkey.

Labo maalmood ka dib ayaan nasiib u yeeshay in aan saaxiibkey ku kulano gurigooda waxayna ahayd galabnimo khamiis qiyaastii 5:00 galabnimo, jawiguna wuxuu ahaa mid aad u kulul, socodka dadkuna uu aad u yar yahay waxaan wada fariisanay aniga iyo saaxiibkey geed weyn oo ku hor yaaley gurigooda markii aan is wareysanay ka dib ayaan uga sheekeeyay sidii ay wax u dhaceen iyo xaalku meeshuu hadda maraayo Siciid oo aad ula yaabey hadalkayga loona maleeyo inuusan rumeysnayn hadalkaas ayaa markiiba la soo boodey :- "wax dhici karo ii sheeg Saaxiib ha igu ciyaarine"　 "Maxaan kugu ciyaarayaa, waxa aan kuu sheegaayo oo dhan waa run, iyada lafteeda ayaa warqada iigu soo qortey oo ii xaqiijisey inuu jiro warkaas," Saaxiibkey intuu indhaha taag taagey isagoo la yaaban hadalkayga ayuu mar kale igu yiri:- "Walaahi waa mucjiso haddiiba Suleeqadii aan ogaa ee aad iiga sheekaysay wanaageeda iyo ixtiraamkeeda ay xaas la qabo tahay sidee gabdhaha yar yar ee soo koraya lagu aaminayaa sow lama dhihi karo aakhiro sabaan ayaa la joogaa gabar da’daas jirto oo la qabo oo hadana wiil kale been kula saaxiibayso, aawey jacaylkii ay sheegan jirtey oo ay kugu beerlaxawsan jirtey, mise wuxuu qorshaheedu ahaa kaliya in ay adiga jacayl kugu beerto" Anigoo hadalka saaxiibkey aad ugu qanacsan una muujinaya sida gabadhaas da’da yar ay　 ii qiyaantey ayaan ku iri:- "Walaahi gabadhii aad ogeyd ee faankeeda iyo amaanteeda aan kaa bad badin jirey sidan ayay samaysay, qofkii iyada aqoon u leh ee looga sheekeeyo waxa ay samaysay siduu ku aamino xitaa wey adag tahay"　 intuusan hadal kale igu dhihin ayaan hadana mar kale hadalkii ka qaatey waxaana ku iri:- "Koley warqadii ay ii soo qortey waxay iiga dalabanaysay in aan hal mar la kulmo si ay iiga qanciso sababta ku kaliftay in ay arintan foosha xun igu samayso, anigana weli go’aan kama gaarin sidii aan ka yeeli lahaa codsigeeda maxaa yeelay maskaxdeyda waxaa weli ku shidan dhaawicii ay ii geysatay"　 Saaxiibkey　 ayaa intuu hadalkayga ku qoslay igu yiri :- "Maxaad u malaynaysaa ama ay kula noqon kartaa in ay kugu qanciso hadii aad la kulanto" intaan iska dhigay qof ka xanaaqey hadalkaas ayaan ku iri:- "Saaxiib naag la qabo oo xaas ah wax ay igu qanciso ama aan hadalkeeda dambe ku aamino iima muuqato mana ka hadli karo balse af joogo looma adeego iyadaan ka sugaynaa waxay ka dhihi doonto"　 saaxiibkey intuu hadana mar kale igu qoslay ayuu igu yiri:- "Saaxiib sir naageed lagama sal gaaro ayaa horey loo yiri, Suleeqo oo gabar yar ah waad aragtaa qiyaanada ay samaysay intey la’eg tahay, aniga waxaan qabaa in aad Suleeqo balan u qabato oo aad la kulanto oo aad soo ogaato sababta ay sidaas u samaysay, hadii warkeedu uu noqdo mid macquul ah oo la qaadan karo waa Ok, balse hadii uu warkeeda kuu cuntami waayo waxba　 yeysan ku raali gelinin xitaa walaaltinimo haday kaa dalbato ha ka ogolaan" anigoo aad ugu faraxsan talada saaxiibkay ayaan ku iri:- "Ok talo fiican waaye, waa igu balan in aan sidaas yeelo wixii soo kordhana dib ayaan kaaga soo sheegi doonaa insha alaah" "koley adiga ayaan kaa war sugayaa xaalku siduu noqdo" ayuu hadalka ii daba dhigay.

Galabtaas aniga iyo saaxiibkay aad ayaan isugu dheeraanay inkastoo qorshaha ugu weyn uu ahaa kulanka Suleeqo lala yeelan doono iyo waxa ka soo baxi doona hadana waxaan isku af garaney in aan culeyska saarno arinta Suleeqo oo marar badan soo noq noqotey sidii　 aan u soo af jari lahayn, ka dibna waxaan ku balaney in wixii qorshe ah ee soo kordha aan ka wada hadalno kulanka Suleeqo ka dib, mar uu soo dhaw yahay Aadaanka Salaada maqrib ayaan ka soo dhaqaaqey gurigii saaxiibkay anigoo aad moodo in culeyskii I saarnaa badankiis uu iga dagey wax yar ka dibna waxaan soo gaarey gurigii abtigey si aan u soo booqdo Zam Zam maadaama ay weli ku sugneyd gurigooda cabaar ayaan la soo joogay oo aan u soo sheekeeyay inkastoo bixideeda ay maalmo uga dhinaayeen hadana waxaan ku qasbanaa in aan cabaar la sii joogo oo aan madadaaliyo si aan u maqsuudiyo maadaama ay xaaskayga　 tahay, abaarihii 8:30 fiidnimo ayaan ka soo dhaqaaqey ka dibna waxaan toos u soo aadey gurigeyga.

Hadalkii shukri afkeeda ka soo yeeray inkastoo uu ahaa ga’aankii aan markii horeba la soo shir tagay hadana waxaan ka jeclaa in aan madaxa ciida ka ilaaliyo oo aan iska dhigo qof aan kulanka Suleeqo diyaar u ahayn oo ay qasab iyo ju-juub ku tahay, si aan Shukri u dareensiiyo in aan iyada wajigeeda qiimaynaayo oo aan iyada darteed Suleeqo ula kulmaayo ayaan ku iri:- "Abaayo runta markaan kaaga hadlo aniga ma jecli marna in aan Suleeqo wajigeeda hor fariisto oo la kulmo balse anigoo adiga ku qiimaynaayo darteed ayaan u ogolaanayaa in aan la kulmo waliba waxaan rabaa in aan ku kulano gurigiina meel kale aniga ma ogoli" Shukri oo intii aan hadalka wadey wajigeeda laga dareemayay is bedel weyn ayaa markiiba la soo boodey:- "Waad mahadsan tahay boqolkiiba boqol waana wax aan kaa filaayay, waxaadba u malaysaa in wixii uurkeyga ku jirey aad la socotey maxaa yeelay aniga iyo saxiibtey waxaan isku af garaney haddii adiga ogolaansho laga helo inuu kulanka ka dhaco gurigeena adigana sidii noo qorsheysnayd ayaad ka dhawaajisey mar labaad ayaan arintan kaaga mahad celinayaa iyo waliba sida aad ii sharaftey oo aad iigu fududeysay dalabkii aan ergada ka ahaa, waxaanse ku weydiiyay goormee ayaan ka dhiganaa balanta" Anigoo raali ahaanshahayga dareensiinaya iyadana qiyaar gelinaya ayaan ku iri:- "Waqtigii aad doonto ayaad ka dhigan kartaa aniga diyaar ayaan kuu ahay" markaasey igu tiri:- "Khamiista soo socoto ka waran" waxaan ugu jawaabey;- "Diyaar waxba kama qabo" waxay hadana igu tiri:- "ka waran hadii aan Khamiista 10:30 subaxnimo kuugu imaado halkan" waxaan ugu jawaabay:- "waxba kama qabo waa ra’yi fiican subaxa khamiista 10:30 iyo meeshan ayaa inoo balan ah"　 Shukri Siidow markii aan Balantaas kala qaadaney hadal kale maba sii gelin oo waxay ii sheegtay in ay magaalada dano kale ka leedahay oo ay u baahan tahay in aan fasaxo iyadoo waliba aad iigu mahad celisey sida aan howsheeda ugu fududeeyay oo aan u soo dhaweeyay qorshihii adkaa ee ay u socotey dhowr daqiiqo ka dibna fadhigii ayaan ka wada istaagnay waxaan toos iskula saan qaadnay dhankii uu naga xigey albaabka laga baxo dhowr talaabo ayaan la sii qaadey si aan u sii sagootiyo, markii aan ka soo laabtey sagootintii Shukri Siidow waxaan gudo galey shaqo maalmeedkii caadiga ii ahaa ee aan ka qaban jirey shirkada.

Laba maalmood ka dibna waxaa la gaarey waqtigii balanta, iyadoo uusan wax shaki ah iiga iigaga jirin kulanka maanta waxa uu noqon doono ayaan subaxnimo hore ka soo dhaqaaqey gurigii aan ku noolaa goobtii shaqada markii aan imid ragii ila shaqeynay ayaan ku wargeliyay in aan maanta dan weyn leeyahay oo ay iga tashtaan kheyr alaha siiye iyagiina wey iga ogolaaden codsigaygii, ka dibna kursigii aan maalintii hore ku wada sheekeysanay ayniga iyo Shukri Siidow ayaan iska fariistey si aan ugu sii sugo inta ay ka imaanayso.

Abaarihii 10:20 daqiiqo ayay shukri Siidow oo sida ay u labisan tahay aad la tacajabayso ka soo gashey iridka weyn ee laga soo galo Shirkadda markiiba intey indhaha igu dhufatay ayay u soo dhaqaaqdey dhankii aan ka xigey anigana ma sugine markiiba kursigii aan ku fadhiyay ayaan ka soo istaagey si aan uga hor tago, markiiba salaan ayay ii soo gudbisay anigana waan ka qaadey ka dibna in aan diyaar ahay ayaan u sheegay iyadana sidoo kale ayay ii sheegtay in ay diyaar tahay iyadoo waliba igu leh:- "Raali iga ahow haddii aan kugu soo daahey" "Maxaa daahid ah maba la gaarin waqtigii balanta" ayaan si qancin ah ugu iri, wax yar ka dibna gaari yar oo ay wadatey ayaan ku soo dhacney anagoo ku wajahan hoyga ay ku nooshahay Shukri Siidow.

Intii aan gaariga saarneyn oo dhan waxay Shukri Siidow iga wareysnaysay sida aan u arko kulanka maanta iyo in aan saadaal ka bixiyo waxa uu ku dhamaan doono, inkastoo aanan jeclaysan in aan taas ka hadlo hadana Shukri oo gabar fiican ahayd waxaan u sheegay in ay ku xiran tahay hadba waxa ay la soo shir tagto saaxiibteed Suleeqo anigoo waliba iyada u sheegay in ay garsoore noo tahay oo aysan noo kala eexan, Shukri waxay kaloo ii sheegtay in culeyska ugu weyn ee ka harey uu ahaa ogolaanshihii aan ka ogolaadey in aan Suleeqo la kulmo, 90% ay ku rajo weyn yihiin in ay iga guuleysan doonaan, war jiraaba cakaaru iman waan wadi arki doonaa hadii alle idmo ayaan hadalkii oodhan ugu koobey.

Qadar shan iyo toban daqiiqo ah markuu gaarigu na soo wadey, ayaan ugu dambeyntii soo gaarney gurigii Shukri ay degenayd, gaarigii ayaan ka soo wada deganay ka dibna gudaha guriga ayaan wada galney iyadoo ay I hor kacayso Shukri Siidoow, qolkii fadhiga ee martida loogu talo galey oo uu yaalo fadhi carbeed aad u qurux badan ayaan soo galney, darbiyada qolka fadhiga oo dhan waxaa ku dheganaa sawiro farshaxan oo muujinaya kheyraadka dabiiciga ee dalkeena ilaahay ku manaystay, intaan indhaha la raacey ayaan meel koone ah kaga fariistey mid ka mid ah kuraastii fadhi carbeedka ahayd,　 Shukrina meel aan iga fogeyn ayay fariisatey iyadoo I leh:- "Khaliif barasho wanaagsan gurigan waa gurigeena waa markii kuugu horeysay ee aad timaado insha alaah waxaan jeclahay maanta wixii ka dambeeya inuu noqdo guri aad leedahay oo kale oo aadan marti ka noqon, gacmo furan ayaan kugu soo dhaweynayaa soo dhawow mar labaad ayaan ku leeyahay" anigoo aad ugu faraxsan sida xushmada leh ee ay Shukri iigu soo dhaweysay gurigooda ayaan ugu jawaabey:- "Waad ku mahadsan tahay sida wanaagsan ee aad iigu soo dhaweysay gurigiina, inkastoo ay ii tahay markii iigu horeysay hadana waxaan balan qaadayaa maanta wixii ka dambeeya in aanan marti ka ahaan doonin oo aan ka dhigan doono mid ka mid ah guryaha aan Muqdisho ku leeyahay oo kale" Shukri Siidoow oo qosol isku celinaysa ayaa igu tiri:- "ha lagu arko booto looma baahno" qosolkeeda mid la mid ah anigoo u muujinaya ayaan ugu jawaabey:- "Ha isugi waayin, adaa I nici doonee" hal mar ayaan wada qosolnay, intii aan wada hadalkaas ku jirney ayaa la keenay cabitaan iyo raashin aan ku qiyaasey in loo diyaariyay kulanka aan yeelanayno aniga iyo Suleeqo, raashinkii ayaa meel gees ah la dhigey gabadhii raashinka keentay markii ay laabatay ayay Shukri ii sheegtay in quraac iyo qadaba aan guriga ku leeyahay oo aan la ogolayn in aan baxo inta laga gaarayo shanta galabnimo, anigoo aad u yaaban oo is leh maanta shirqool miyaa lagula maagan yahay maxay tahay sida wax loo qorsheeyay ayay Suleeqo oo xiran xijaab aanan ku baran waligay kuna arag intii aan xiriirka wada lahayn ay noogu soo gashay Qolkii, runtii indhaha uma dhamaystirin oo markii aan arkey in ay iyada tahay ayaan isaga jeestay, qolkii markii ay soo gashay sidey u soo socotay ayay soo ag fariisatey Saaxiibteed Shukri waxayna igu tiri:- "Waan ku salaamey Khaliif"　　 "Waan kaa qaadey" ayaan markiiba uga jawaabey, "Caafimaadkaaga ka waran" ayay mar kale I su’aashey, markaasaan ugu jawaabey:- "Al xamdu lilaah waan caafimaad qabaa 100%, ee adiga iska waran" "anigana sidoo kale ayaan u caafimaad qabaa" ayay iigu jawaabtey, ka dibna waan kala aamusney oo su’aal kale ima weydiin ana ma weydiin.

Shukri Siidoow oo intii aan hadalada is weydaarsanaynay oo dhan naga aamusnayd ayaa hadalkii qaadatey maadaama ay ahayd qofkii ka soo shaqeeyay in aan mar kale isa soo hor fariisano aniga iyo Suleeqo oo dambigii aan ogaa iga gashay waxayna hadalkii ku bilowday:-" Maanta waxaa ii farxad ah in aan gurigan ku kulano anagoo nabad ah oo caafimaad qabna taasna ilaah ayaa mahadiisa iska leh isaga ayaan ku mahadinaynaa kuna shukrinaynaa ka sokow waxaan jeclahay maanta oo khamiis ah in ay noqoto maalin xusuus gaar ah idinku reebi doonto marka aad ka wada hadashaan qaladkii dhacay ee keenay inuu bur buro xiriirkii idinka dhaxeeyay, waxaan rajaynayaa in kulankan uu noqdo mid aad isku af-garataan waxna iska fahamsiisaan qaladkii dhacay anigoo qiyaasayaa in qof waliba uu ku faraxsan yahay aragtida midka kale,　 hadana guul iyo is faham ayaan idiin rajaynayaa wixii hadal ah ee dhimana adinka ayaa dhamaysan doono aniga waan ka baxey" Shukri Siidow intaas oo hadal ah markii ay isku daba taxdey ayay fadhigii ka istaagtey iyadoo noo muujisey in uu hadalku noo furan yahay, Quraacdii na loogu talo galey ayay na soo ag dhigtey wax yar ka dibna qolkii ayay isaga baxdey.

Indho shareerkii u xirnaa intey　 iska qaadey fadhigii ay fadhideyna hagaajisatay ayay hadalkii ku bilowdey sidan:-

Dagaaladii Sokeeye markii ay dalka ka bilawdeen waxaan degenayn agagaarka dugsiga sare ee 15 may Aabahay Siyaad Cumar iyo laba wiil oo ila dhashay igana weynaa dagaaladii sokeeyey ayay ku dhinteen kama warqabin geeridooda oo degmada qoryooley ayaan u qaxney labaatan maalmood iyagoo aasan ayaan ka war helnay baroor iyo oohin waxba ma tartee waxaa wax waliba noogu darnaa nolosha xun ee soo wajahday qoyskeena gurigii aan lahayn wuu burburey oo madfacii diley aabahay iyo walaalahay ayaa burburiyay, rajo kama lahayn in aan muqdisho ku soo laabano oo aan mar kale nolosheenii dib u soo ceshano waayo dhaqaale noogama dhiman aabahay qof xogtiisa ama sirtiisa haysayna ma jirin sidaasey nolosheenii mugdi u gashay, mudo laba sano ayay nolosheenii ciriiri ku jirtey oo maalin qad maalin wax hel ahayd ilaa markii dambe uu naga war helay abtigey oo ku noolaa dalka ingiriiska isaga ayaa nasoo gacan qabtey ilaa waqtigan aan kula hadlaayana gacanta nagu haya.

Magaalada Muqdisho oo aan ka maqnayn muddo labo sano iyo ka badan ayaan hadana dib ugu soo laabanay, guri kiro ah ayaan ilaa mudoo sadex sano ah aan degenayn ka dibna abtigey ayaa noo iibiyay guriga aan hadeer deganahay wuxuuna hooyadey u balan qaadey inuu ilmaha la korin doono inta uu nool yahay oo aysan wax murug ah is gelin dhamaan walaahay oo aan aniga u weynahay iskool ayaan wada bilownay isaga ayaana lacagta naga bixin jirey biilkeenana isaga ayaa kafaala qaadey, dhowr sano markii ay ka soo wareegatay ayaa waxaa Magaalada Muqdisho booqasho noogu yimid wiil ka mid ah wiilasha uu dhalay abtigey oo lagu magacaabo Mustafa waligeen isma arkin oo anagoo aan aad u yar yar ayay reerkooda muqdisho ka guureen una guureen dalka ingiriiska wiilkii si fiican ayaan ugu soo dhaweynay Muqdisho lix bilood ayuu nala joogey wuxuuna ku dhamaystay farxad iyo damaashaad ka dibna dalka ingiriiska ayuu dib ugu laabtey.

Runtii hadaladaas uurkutaallada leh intii ay hooyadey ii wadey oo dhan indhaheeda waxaa ka hoorayay ilin, intaan ilintii hooyadey ka da’aysay u adkeysan waayay ayaan bilaabay in aan gacantayda kaga tirtiro, wax yar ka dibna waxaan u sheegay in aan ka ogolaaday diyaarna aan u ahay wax walba oo ay igula taliso in aan u sameeyo, hooyadey go’aankii aan qaatey ayay aad ugu riyaaqdey, weyna ku faraxdey, waxayna iigu ducaysay inuusan ilaahey I tusin wax I dhiba inta aan noolahay, bil ka dibna waxaa gurigeena ka dhacdey xafladii meherka ee aniga iyo Mustafa ma jirin cid I jujuubtey ama igu qasabtey anigoo raali ah ayaan meherkii galay mana jirin xiligaas xiriir aan cid kale la lahaa noocuu dono ha ahaadee waayo maba la gaarin waqtigeedii oo waxaan ahaa gabar yar.

Wixii maalintaas ka danbeeyay waxaan noqdey naag xaas ah oo la qabo, rajana ka leh in ay Mustaqbalka in ay dalka ingiriiska kula aqal gasho walaalkeed Mustafa, hase yeeshee meeshii aan malabka ka sugaayay dacar qaraar ayaa iiga timid, wiilkii mustaf ahaa sidii aan filaayay ama aan ku rajo weynaa ma noqon, waayo wuu I hanan waayay, wuu ila soo xiriiri waayay, iskuma dayin xitaa inuu hal mar si toos ah iila soo xiriiro si aan uga wada hadalno mustaqbalkeena, haduu telefoon soo diro oo aan ka qabto inta I salaamo ayuu igu dhihi jirey hooyo iigu dhiib, anigana hadal kuma darsan jirin oo hooyadey ayaan ugu dhiibi jirey telefoonka si ay u wada hadlaan, hooyadey waxay mooda in aan kala sheeko boganay aniga iyo mustaf oo uu iyada salaami rabo, balse xaal allaa og, inkastoo aan xaaskiisa ahaa hadana markaad fiiriso siduu iila dhaqmaayo waxaad moodaa inuusan dan iyo muraadba iga lahayn ma hooyadey ayuu qabaa mise aniga ayuu I qabaa bal muu aniga ii sheekeeyo oo uu I quruxsado intuu hooyadey u sheekeyn lahaa, alla raga qaarkii marka la qiimeeyo oo la sharfo oo madaxa la saarto maxay belaayo isaga dhigaan, runtii aniga waxaan jeclaa inuu ii sheekeeyo oo aan iska wareysano wixii xaal ah ee soo kordhay ka diba arin meesha ay mareyso aan isla socodsiino,　 ha sheegin war inuu I qabo oo aan xaaskiisa ahay iyo in kale shaki ayaba iga galey, dhowr mar ayaan go’aansadey in aan hooyadey uga dacwoodo hadal la’aanta iyo sida uusan ii qimeynayn wiilkan maadaama aanan dabeecadiisa dhabta ah aqoonin, hase yeeshee markaan u tag is iraahdo waxaan soo xusuustaa sheekadii dheereyd ee ay hooyadey iiga sheekeysay iyo ilintii faraha badneyd ee maalintaas ka soo qubatey indhaha hooyadey ayaan iska dhaafi jirey oo aan iska aamusi jirey.

Muddo dhowr bilood ah markuu xaalkeygu sidaas ahaa welina aysan waxba iska bedelin ayaan kaligey iska dhaadhiciyay inuu wiilku gaalo raac yahay ama uu yahay dadka qamriga caba ee aan dantaba ka gelin xaaskooda iyo caruurtooda, ileyn qof caadi ah oo miyir qaba sidan ma sameeyeen, waxaan talo ku goostey in aan fadhiga ka kaco oo aan arintaas baaritaan ku sameeyo inta goori goor tahay, haddii aan baaritaankayga ku guuleysto oo aan wax soo ogaado gaado in aan hooyo iyo abtiba faraha ka saaro oo aanan waxba ka qarin kana dalbado in la iga furo wiilkaas, arintii ayaan ku dhaqaaqey gabar aan saaxiibo ahayn oo walaasheed deganeyd dalka ingiriiska ayaan arintii la socodsiiyay waxaana ka codsadey in ay wax igala qabato weyna iga ogolaatey, gabadhii walaasheed ayaan si wadajir ah telefoon ugala hadalney iyadoo joogta dalka Ingiriiska markaan is baraney ka dib ayaan dhibaatada I haysato oo dhan uga sheekeeyay anigoo waliba u xusey saameynta uu qoyskeena ku yeelanayo arintan hadii si toos ah looga hor tago iyadoo aan cadeymo la haysanin, ka dibna waxaan ka dalbadey in ay wax igala qabato oo ay baaritaan dhab ah ku samayso wiilkaas sida uu xaalkiisu yahay magaciisa oo sadexan iyo telefoonka laga helo ayaan u qorey, gabadhii iyadoo aad uga xun culeyska I saaran ayay iga ogolaatey codsigayga waxayna ii sheegtay inay sida ugu dhaqsiyaha badan uga howl geli doonto.

Iyadoo uu xaalku meeshaas maraayo welina aan wiilkii warkiisii la’ahay ayaan aniga iyo adiga isku baraney Shirakada Xawilaada ee aad u shaqeyso inkastoo barashadeenu ay markaas ahayd mid walaaltinimo hadadana runtii maalintii ugu horeysay ee aan shirkada kuugu imid ee aad lacagta igu dhibtey oo aad markii dambe i maslaxeysay ayaad qalbiga ii dhaaftey, inkastoo aan xaas ahaa hadana wixii waqtigaas ka dambeeyay xaaladeydu ma fiicnayn, maxaa yeelay jacaylka la sheego dhegta ayaan ka maqli jirey ka hor inta aanan ku baran balse markaan ku bartey oo aan dhowr mar kulanay ayaan runtiisii arkey, ma fileyn runtii in nin rag ah uu ilaa xad sidaas u hanan karo qalbigayga anigoo waliba xaas ah, adigana igama liidanine talaabadii ay laabteydu qaadey mid la mid ah ayaad qaadey oo anigoo ku jecel ayuu adigana jacayl kuu dhuuntey, waan dareensanaa in jaceylka I haya mid ka daran uu ku hayo hadana ma heyn awood aan keyga ku soo bandhigto ileyn naag la qabo ayaan ahaa, habeen walba markaan salaada cishaha tukado waxaan ilaahey ka baryi jirey inuu arinta mustaf meel iga saaro salaatul istiqaara ayaan dhowr mar u tukadey xitaa si uu ilaahey arintiisa meel iiga saaro.

Anigoo ku laba labaynaya hadii jacayka aad ii qabto aad ii soo bandhigato oo aad iga dalbato in aan xiriir wada yeelano ka hor inta aysan arintan iga dhamaan sida aan ka yeeli lahaa, go’aankii aan qaatana aanan ku dhiiranayn ayaan markii dambe ku fekeray in aan runta kuu sheego oo aan waxba kaa qarinin hadii aad iga dalbato in aan xiriir yeelano, haddana waan ku dhiiran waayay oo waxaan is iri hadii aad u sheegto in aad xaas tahay, waxaa la arkaa in aad sidaa isku weysaan oo aad dib dambe isku arki weydaan, sidaas darteed waxaan go’aansadey in aan waxba kuu sheegin oo aan kaa qariyo sirteyda ilaa iyo inta aan ka guul helaayo arinta Mustaf, anigoo taladaas ku afar fareystay　 ayaad maalin maalmaha ka mid iila soo shir tagtey jacaylkii aan mudada dheer tabaabushaha ugu jirey oo aan u oomanaa in mar uun la ii daah furo, nasiibku hadduu kuu hiiliyo cid kaa celin karto ma jirto, waxaad ii sheegtay in aad I jeceshahay oo aad iga rabto in aad xiriir ila　 yeelato, kaama diidin oo waan kaa ogolaadey in aan xiriir wada yeelano anigoo og in aan xaas la qabo ahay, maxaa yeelay waxaan ku xisaabtamayay in aan xaas la qabo sii ahaan doonin oo aan noqon doono gabar madax banaan oo aayaheeda ka tashan karta bilooyinka soo socda marka uu ii dhamaado baaritaanka ii socdo, hadana niyadeyda awood uma lahayn in ay diido dalabka aad iila timid ileyn mar hore ayaan kuu arkey in aad tahay ruuxa kaliya ee　 kasban kara nolosheyda ina hanan kara.

Sidaas darteed ayaan balan iyo axdi aan maqsuud ka wada nahay kuwada galnay labadeena, dadku qalad ayay u arki karaan arintaas laakiin aniga waxay ii ahayd badbaadin aan nafsadeyda ku badbaadinaayo maadaama ilaahey uu qalbigayga kugu abuurey, runtii wax weyn uma arkin qabista uu mustaf I qabey in ay wax u dhimi karto balanta iyo axdiga aan wada　 galnay, maadaama aan qalbiga ka goostey oo aanan rabin in aan ooridiisa saxda ah sii ahaado, waxaan ku haminayay oo aan niyada ku hayay goortey ahaataba in aan madaxeyga ka qaadan doono marka uu ii soo dhamaado baaritaanka la iigu maqan yahay, inta ka horeysana uu xiriirkeena si caadi noogu sii socda, waxaan aad isaga ilaalin jirey in aad mar uun ogaato ama aad maqasho in aan　 xaas la qabo ahay ka hor inta aan ka helaayo madax banaani buuxda.

Waan ogaa in aysan labaatan maalmood waxba ahayn oo la sugi karo hadana waxaan sidaas u lahaa intaad arimahaaga ka gun gaareyso sirtaadu yeysan kashifmin, maxaa yeelay wax waliba waxaa iiga sha’ni badnaa arinta Mustaf oo meel iiga dhacdo, ilaahey ma kuu gargaaraa mise gafuur gafuur ayuu kuu ridaa nasiib daro mudadii labaatanka maalmood iyadoo aysan ii dhamaanin ayaad khaliifoow iila timid in aan is meher qarsano waliba waxaad ii sheegtay in aad deg deg u rabto iyadoo aysan jirin culeys aan ogahay oo nagu qasbaayay labadeena in aan si deg deg isku mehersano, waliba waxaad ii cadaysay in aan sii joogi doono oo aanan wada aqal geli doonin haddii aan ismehersano xitaa, markii aan ku weydiiyay sababta ku kalifaysa in aan meher deg deg ah samayno haddiiba aanan hore ka aqal galeynin, waxaad iigu jawaabtay inuu yahay go’aan aad adiga kaligaa soo gaartey wax kasta oo la sheegana aadan ka laaban doonin, nin aan labadeyda indhood ka jeclahay ayaad tahay hadalkiisana aanan diidi Karin haddana dhibaatada aan ku dhex jiro aan ka warheynin kaliya ay u cadahay in loo fuliyo go’aankii uu soo gaarey, anigana runtii sirteyda in aan kashifo ama aan kugu raaco go’aankaaga　 wax dan ah iiguma jirin xiligaas, maxaa yeelay hadaan sirteyda kuu kashifo oo sida ay wax u jiraan kuu sheego waxaan ka baqey in aad iga cararto iguna cidleyso jacaylka ba’an ee aad igu beertay, haddii aan go’aankaaga kugu raaco oo aan meher qarsoodi ah samayno waxaan ka baqey in aan noqdo laba ninley aan aduun iyo aakhiro waxba u oolin, anigoo aan garanayn sida aan wax ka yeeli laha ayaan aakhirkii dambe go’aan ku gaarey in ku meer meeriyo inta xaalkeygu wax iska bedelayo, waad la socotaa in aan marar badan kaa codsadey in aad dib noogu dhigto meherka balse aad igu diidey adigoo ku adkeysanaayo go’aankii aad horey u gaartey runtii dib u dhigida aan kaa dalbdey igama ahayn nacayb ama diidmo aan ku diidanahay meherka aad iga dalbatey ee daruufo iyo dhibaato aniga shaqsiyan I haystay darteed ayaan u lahaa　 dib noogu dhig adigase waad garan weyday oo waxaad igu noqotey malakul mowd.

Kulan kasta oo aan yeelano arintaas ayaad bilow uga dhigi jirtey adigoo waliba igu cadaadinaya in aan mar uun kaa ogolaado balse nasiib wanaag muddo shan bilood iyo ka badan ayaan ku meer meerinaayay oo aan kuu diidanaa in aad iga hesho go’aan rasmi ah, inkastoo go’aankaagii adkaa aan kaa dabcin waayay haddana adigoo qanacsan oo aan dood iyo dacwo qabin ayaad habeen walba iga tagi jirtey.

Rajadii mustaqbalkayga ee ku xirneyd Gabadhii safarka u aadey Switzerland dhaqso wey u soo laaban weyday wax warkeeda haayana waan waayay xitaa waalidkii dhalay war kama haynin, dantii aan ka lahaana cirka ayay isku shareertay adigiina waad ii dabcin weyday,

mar haddii xaalku uu is bedeli waayay waxaan isu arkey in aan ahay gabar nasiib xun oo aan khaliif madoobe calfan doonin, mar hadii aan haleeli waayay dantii aan ka laha aduunka, balse xaal ilaah ayaa og anigoo weli ku wareersan sidii aan ku maareyn lahaa jacaylkayga adigana aan isaga kaa badbaadin lahaa ayaad habeenkii dambe soo jeedisay in aan ugu danbayn go’an kaa siiyo in aan meherka diyaar u ahay iyo in kale ama aan ku kala tagayno jacaylkii iyo xiriirkii mudada badan naga dhaxeeyay, waxaad igu canaanatey in jacaylka aan sheeganaayo uu been yahay adigoo waliba dhahaya intee lagu arkey naag jacayl sheeganayso hadana ruuxii jeclaa guurkiisa diidayso, aniga maxaan diidi karaa maxaanse ogolaan karaa, hadiise aanan ku jeclayn jilbahaga kuma ooyeen habeenkii aad fadhiga inta iiga kacdey ee aad I tiri isma naqaan hadaad meherkii diidey.

Walaahi khaliifoow habeenkaas sidaan u ooyay waligay uma ooyin intaan aduunka soo joogay, ilintii　 faraha badneyd　 ee dhabarkaaga qoysay　 habeenkaas xitaa waad ku qanci weyday oo jixinjix kaama gelin waxaadna ku adkeysatay inuu jacaylkayga been yahay waligayna aadan I aamini doonin haddii aanan kaa ogolaanin meherka, nin go’aankiisu cad yahay gadaalna aan loo loodin Karin,　 hadana ololka maskaxda iyo laabta igaga shidan aan la socon, maxay oohin aan ooyo iyo calaacal aan calaacalo ay ka dabcin kartaa mowqifkiisa waa maya.

Suleeqo Markey intaas mareyso ayay ooydey oo ay joojisey in ay sheekda sii wado markey isku daydaba in ay sii wado hadalka hadana wey ooydaa oo iska aamustaa……….. markaan arkey in asyan hadli Karin ayaan ku iri:- "Suleeqo hadii dhibka aad sheeganayso uu jirey maxaad marka hore iigu sheegi weyday intaad adigoo xaas la qabo ah aad meher kale geli lahayd, oo dambi aad u weyn aad xambaarsan lahayd," iyadoo cunuhu xiran yahay ayay la soo boodey :- "Sideen kuugu sheegi karaa oo aan kuu dhihi karaa xaas ayaan ahay, hadiise aan ku sheego in aan xaas ahay jacaylkayga ma ii hirgeli lahaa oo wax ma iigala qaban lahayd mise waad iga ordi lahayd"　 anigoo iyada qancinaya ayaan ku iri:- "Adiga midaas ogolaanshaha ayaad ka hadlaysaa ka waran maalintii aan ku balaney Farmashiye Shabaab haddii aan aniga kuu goyn lahayn maxaad samayn lahayd sow foolxumo ma dhici lahayn in adigoo xaas la qabo ah aad angina meher kale ila gasho waliba danbi aan shaqo ku lahayn qoorta ii geliso" Suleeqo oo iska ooynaysa ayaa igu tiri:- "Walaahi khaliifoow ma jeclayn in aan ku balamiyo oo aan kaa ogolaado in aan meher isku raacno hadii jacaylka aan kuu qabo aadan ku tilmaami lahayn mid aan jirin ama aadan fadhiga iiga kici lahayn maalintii aan jilbahaaga ku oynaayay, adiga ima dareensanayn laakiin aniga maslaxad ayay ii ahayd ogolaanshaha aan kaa ogolaadey in aan meherka kuu raaco maxaa yeelay ku talo galkeygu wuxuu ahaa in aan kuu gooyo oo aan kuu imaanin hadiiba aad adiga ku qancayso oo xiriirkeenana uusan ku burbureyn, maalintii aan ku wada balaney in aan isugu imaano farmashiye al shabaab sida ilaahey og yahay ma tagin, mana jirin waji aan ku tago maadaama ay horey iigu qorsheysnayd in aan gooyo" Suleeqo markay ii cadeysay anigana aan ogaadey in maalintii balanta ahayd aysan imaanin farmshiye Al-Shabaab yaab iyo amakaag ayaa ilaahey igu dhaliyay, madaxa ayaan hoos u foorariyay waxaan soo xusuustay maalintii aan ka maslaxaynaya baaqashadii aan ka baaqdey balantii aan u dhigay iyo sidey isaga key dhigtey ruux tagey farmashiye Al-shabaab, iyo waliba sida ay raali gelinta iiga qaadatey iyadoo aan ii muujinin wax xanaaq ah, maasha la yiri sir naageed lagama sal gaaro, alla sir badanaa naagaha qaarkood bal fiiri sida ay u da’ yar tahay iyo shaxda aan la loodin Karin ee ay dhigayso walaahi wax aan ku hadlo ayaan garan waayay markaan anigana dib u soo xusuustey wixii aan ku maqnaa maalintaas, aniga ayuu　 ahaa ninka meherka rabey ee dadka qasbaayay ee laga harsan waayay hadana aniga ayuu ahaa ninka gooyay oo beenta sheegay,　 waxaan gareystay inay maslaxad noo ahayd labadeenaba oo xag alle laga diidanaa in aan ku kulano farmashiye Al-shabaab.

Cabaar ayaan isaga aamusnaa oo aan iyada ka sugaayay inta ay ka oohin boganayso. Ileyn ruux oynaya ilintuna ay ka hooreyso waxba looma sheegi karo, inkastoo sheekadii dheereyd ee ay iiga sheekeysay iyo oohintii　 badneyd ay wax weyn ka bedeshay mowqifkii aan markii hore ka taagnaa Suleeqo hadana waxaan suurto gal ahayn in aan la sii joogo gabar xaas ah oo la qabo, anigoo garan la’ wax aan u sheego iyo si aan u qanciyaba ayaan ugu danbayntii ku iri:- "Suleeqo warkaaga waan gartey, in aad xaas tahayna waan gartey, hadaan hadalkaaga ku qanco oo aan ku aamino iskana ilaawo qaladkii iyo qiyaanadii aad igu samaysay, maxaad ii qaban kartaa anigase maxaan kuu qaban karaa, waad og tahay isma guursan karno, xiriirkeenana ma socon karo, sidaas darteed sow ma haboona in aan is nabad gelino oo aan is　 masaamaxno?" Suleeqo oo dhaqdhaqaaqeyga iyo hadalkayga aad ula socotey ayaa markii aan codsigaas u soo jeediyay iska oydey, runtii waan aamusin waayay si kasta oo aan ula hadley, anigoo aad u yaxyaxsan kana yaaban oohinteeda badan ayay igu tiri:- "Khaliifoow waan ogahay in aan is guursan Karin xiriirkeenana uusan socon Karin, balse waxaan la oynayaa jacaylka xad dhaafka ah ee aan kuu qabo ee aad igu cidlaynayso iyo fogaanshaha uu iga fogaanayo muuqaalkaaga iyo waliba nacaybka aad ii qaadi doonto" markii ay intaas oo erey ah ay igu tiri ayaa anigoo iyada maslaxaya waxaan ku iri:- "waa khasab in aan kala fogaano oo anan isugu imaanin wax sheeko ah mar kale maxaa yeelay nin ooridiis ayaad tahay oo ay xuduudeedu xiran tahay, waxaaba qalad ah joogista aan hadeer kula joogo ma garatey, sheekadii aad iiga sheekeysay ee murugada badneydna waan fahmey abaayo adiga ayaaba dhiban oo u baahan in laguu garaabo, waxaan ku leeyahay ilaahay ha kuu fududeeyo, oo dhibka aad ku jirto ilaahay ha kaa saaro, aniga kula hadlaya ee khaliif ahna waxaan kuu cadaynayaa in aanan waxba kuu qabin, khaladkii aad igu samaysayna adigaaba iga qanciyay sida uu u dhacay waana ku qanacsanahay boqolkiiba boqol oo dacwad kama qabo balse waxaan ku leeyahay wax waliba calaf ayay leeyihiin ilaahey ma qorin in aan aniga iyo adiga is calfano ama uu xiriirkeena sii jiro iska sabar niyadana kheyr u sheeg waxaa la arkaa inuu Mustaf kuu kheyr roon yahay, wixii saacadan ka danbeeya walaaltinimadii aan isku baraney ha inoo ahaato wixii intaas ka dheeri ah anigu ma ogoli" Suleeqo markii ay hadaladaas dhegaheeda ku dhaceen runtii wey hakatey oo sida aan qiyaasey hadal ay igu dhihi lahayd ayay dib ula noqotay, sidii ruux nabar bogsoodey uu damqadey intay wajiga u kaduudey ayay dhabarka ku santeecisey kuraastii fadhi carbeedka ka dibna waxay bilowday in ay wajiga iska masaxdo iyadoo marna aniga I fiirinayso marna fiirinayso albaabka laga soo galo qolka aan ku wada jirno.

　　　　　　　　　　　　　　 Qiyaastii sadex daqiiqo mar ay ka soo wareegatay intii aan kala aamusnayn ayay mar kaliya gacanta kor u taagtay sidii ruux ka jawaabaya su’aal la weydiiyay, intaan madaxa u ruxey ayaan ku iri:- "Haye soo hadal"　 Suleeqo oo laga dareemayo inuu wax u dhimay go’aankii aan u soo bandhigay ayaa cod nuxuus ah igu tiri:- "marka hore waxaan kaaga mahad celinayaa sida aad ii sharaftey oo aad waqtigaaga qaaliga ah iigu　 hurtey in aad iga dhagaysato sheekadii dheereyd ee aan saakey kaaga sheekeeyay inkastoo Hadal gar ah oo aan jirin meel looga baxsado aad igula hadashay hadana khaliifoow waan ku qasbanahay in aan ku qanco hadalkaaga oo aan raali ka noqdo balse hal arin ayaa jirta oo aan rabo in aad iga ogolaato" anigoo codsiga ay iga codsanayso aan garan Karin waxa uu yahay ayaan markiiba la soo boodey :- "Muxuu yahay arinka jira ee aad iga dalbanayso", Suleeqo oo aan indhaha ii dhamayn Karin xishood dartii ayaa igu tiri:- "Khaliif waad u jeedaa xaal meeshuu maraayo iyo nasiibkaygu siduu noqdey waa ceelna iima qodna cidna iima maqna, mustaf nin iima noqdo oo xaalkiisu waa bariga dhexe, adigii niyada ku lamaanaa ee qalbigayga iftiimin jireyna waad iga tagaysaa jacaylkii aan mudada badan soo dhiseynay maanta ayuu gabalkisii dumayaa oo maalin kale lagama yaabo in aan isugu nimaadno, waxaa ii muuqda maanta in ay tahay maalintii ugu dambaysay ee aan sheeko isu soo hor fariisano, Suleeqo ahaan arinkaas aad ayaan u dhibsanayaa xanuunka aan ka qaadi doonana waxaan u maleeyaa in aanan ka caafimaadi doonin hadii codsiga aan wato aad igu diido, Aboowe waxaan kaa codsanayaa oo aan kaa baryaayaa　 in aad iga war sugto intaa aan Mustaf ka soo xoroobayo oo ay arimahayga iiga soo dhamaanayaan, si hadhow aan meeshii uga sii wadano xiriirkeena intaas oo kaliya ayaan kaa baryaayaa in aad balan iiga qaado, hadii aan soo guuleysto in aan xiriirkeena halkiisa ka sii wadano hadiise aan ku fashilmo oo aan Mustaf ka soo xoroobi waayo fasax ayaad tahay" Markaan ogaadey codsiga ay iga codsanayso in uu yahay in aan sii sugo inta ay howlaheeda ka soo dhamaanayaan ayaan markiiba la soo boodey :- "Abaayo Macan waxba ha is ciil ciilin anigaba jacaylka ku haya mid ka daran ayaa I haya, inkastoo aanan si sahal ah kugu ilaabi karin hadana waxaan ku qasbanahay in aan kaa fogaado oo aanan kuu soo dhawaanin inta aad xaas la qabo tahay, ileyn wax kale oo ii banaan oo aan samayn karo ayaan jirin" Suleeqo markii ay hadalkaas maqashay wey iska quusatey, waxayna bilowday in ay iska aamusto oo ay hadalka iga goosato,　 wax yar hadii la sii joogay oo aan weli is hor fadhino waxaa indhaheedii ka soo hoorey ilin aad u fara badan oo aan joogsi lahayn, intii ay ilintaas ka socotey marna iskuma dayin in aan kala hadlo oohinteeda inkastoo ay ku wanaagsanayd in ay iska masaxdo oo ay iska tirtirto si aysan Shukri Siidow noogu soo gelin Qolka hadana taas ma dhicin.

Shukri Siidow in ay tahay gabar waayo arag oo xil kas ah maalintaas ayaan xaqiiqsadey maxaa yeelay iyadoo aan wax iga su’aalin sida ay wax u dhaceen ayay saaxiibteed kala kor dhacdey in ay sabar siiso oo ay ku qanciso in wixii alle xagiis ka qoran aan oohin iyo cabaad waxba looga qaadeyn, aad baan ula dhacay sida wanaagsan ee ay runta u taabsiisay wallow aan ka sii jeclaa in ay ku tiraahdo adiga iyo khaliif isma calfanaysaan oo naag la qabo ayaa tahay hadiiba uu kaa ogolaaday inuu kaa cafiyo qiyaanadii aad ku samaysay ma ahan in aad isu oohiso, walaahi waxaad moodaa waanadii Shukri Siidow u soo jeedisay Suleeqo in ay aad ugu qanacdey maxaa yeelay waxay markiiba joojisay oohintii badneyd, waxay iska bi’isay madluunimadii ka muuqatey wajigeeda, waxay iska dhigtey qof xayi ah oo ku qanacsan in waxa dhacay ay ku dhaceen amarka eebe gadaalna aan loo celin Karin oo siduu ilaahey ugu talo galay ay u dhaceen.

Markaan arkey jawigu siduu yahay oo aan qiimeeyay waxaa ii soo baxdey in aanan sii joogi Karin meeshan oo aan isaga dhaqaaqo intaan fadhigii ka soo kacey ayaan Shukri Siidow ku iri:- "Shukri Siidow abaayo waa waqti dambe waxaan codsanayaa in la I fasaxo, aniga iyo Suleeqo sheekadii naga dhaxaysay way noo dhamaatey waana is af garaney hadii nasiib daro calafkeenii uu is diidey waxaan u sheegi lahaa walaashey Suleeqo in fakir badan iyo oohin badan aysan waxba tarayn, Adigana waxaan kaa codsanayaa intaad dajin karto bal deji oo sabar sii aniga waan sii baxayaa waxaan idin rajaynaya kheyr iyo is arag dambe oo xiiso leh" markii aan intaas oo hadal ah is daba dhigay ayay Shukri Siidow intey kor u soo istaagtey iigu jawaab celisey:- "Aboowe aad ayaad u mahadsan tahay walaal jira alaha kaa dhigo maxaa yeelay inta aad noo samaysay dadka qaarkii lagama helo, insha alaah aniga iyo saaxiibtey markey ahaataba waan kuu abaal gudi doonaa, "　 "adigaa mudan" intaan ku iri ayaan u dhaqaaqey dhankii albaabka.

Suleeqo markii ay aragtey in aan dhaqaaqi rabo ayay fadhigii ka soo istaagtey iyadoo aad iiga mahadcelinayso wanaagii iyo sharaftii aan kula dhaqmi jirey intii aan saaxibada ahayn iyo sida aan daacada uga ahaa jacaylka naga dhaxeeyay iyadoo waliba iga codsatey in aan mar kale iska cafiyo danbiga ay iga gashay, anigoo aan jawaab ka bixin taas ayay hadana mar kale hadalkii qaadatey oo waxay wax　 iga weydiisay codisigii ay iga codsatey waxa aan ka qabo in aan u sheego ka hor inta aanan bixin, anigoo qosol yar u muujinaya ayaan markiiba ugu jawaabey;- "waqtigeeda marka la gaaro ha inoo ahaato laakiin hadda kama hadli karo" "Ma sidaas ayaad iila garatey" ayay igu tiri iyadoo garabka iga dharbaaxeyso, "Xal kale inuusan meesha oolin waad u jeedaa ee iska sabar" ayaan markiiba ugu jawaabey ka dibna wey igu qososhay wax yar ka dibna banaanka ayaan u soo baxey iyadoo ay ila socdaan Suleeqo iyo Shukri.

Abaarihii shantii iyo barkii galabnimo ayaan ka soo dhaqaaqay guriga Shukri waxaan la igu soo qaadey gaarigii yaraa ee markii hore la igu keenay guriga, darawalka gaariga waxay Shukri ku amartey inuu I geeyo gurigeyga, anigoo sida la ii qiimeeyay sharafteeda dhowraya ayaan darawalkii si hoose ugu sheegay kaliya inuu I geeyo goobteydii shaqada ee uu markii horeba iga soo qaadey wuuna iga ogolaadey.

Markii aan aan soo gaarey Shirkada darawalkii gaariga ayaan iska fasaxey, maadaama uu soo dhawaa waqtigii salaada maqrib kuma sii hakanin Shirkada markiiba waxaan uga sii gudbay Gurigayga, waxay ii ahayd habeenkii iigu jawiga fiicnaa tan iyo markii aan Suleeqo xiriirka la yeeshay inkastoo uu iga bur burey jacaylkaygii, buur dheerna ay iga fuushay gabadhii aan mustaqbalka u saadaalinaayay in ay ooridayda noqoto hadana waxaa jawigayga farxad u bedelay sida fudud ee ilaahay iiga badbaadiyay sirteeda iyo qiyaanadeeda, salaadii maqrib markii aan tukadey meelna uma dhaqaaqin ilaa laga gaarey salaadii cishaha, markii aan salaadii cishaha tukadey ayaan bilaabey in aan dib xusuusteyda ugu celiyo sheekadii xanuunka badneyd ee ay Suleeqo iiga sheekaysay maanta waxaan aad ula yaabey caqilgeeda inta uu la‘eg yahay iyo sida ay ii sirtey iyo waliba sida aan u fahmi waayay in ay xaas la qabo tahay Mudadii aan xiriirka lahayn ee aan gurigooda tagi jirey, waxaan kaloo aad ula yaabey sida ay adkeysiga ugu yeelatay dhibaatada xanuunka badan ee la soo deristay inkastoo qalad aad u weyn ay gashay hadana marka aad si dhab ah ugu fiirsato sida ay wax ugu dhaceen Suleeqo iyo sida ay wax fashay waad ku qancaysaa mana u malaynaayo in gabdhaha qaarkood sidan yeeli lahaayeen.

Habeenkaas qalbigayga wax aan Suleeqo iyo sheekadii maanta ahayn wey ku soo dhici weyday, markaan iska yaabay ayaan bilaabay　 in aan tasbiixsado oo aan ilaahey ka baryo inuu niyadeyda ka saaro jacaylkii aan u qabey Suleeqo, iyadana uu ka qaado dhibaatada ay ku dhex jirto, ilaahay baryadii waa iga aqbalay niyadeydiina wey xasishay ka dibna hurdo macaan ayaan habeenkaas ku waabariistey.

Laba maalmood markii aan sii joogey Xusuustii Suleeqana aan sii ilaabayo ayaan habeen sadexaadkii booqasho ugu tagey saaxiibkay siciid si aan ula socdosiiyo meesha uu xaal maraayo ileyn saaxiib kale ma lahayn oo ila taliya, saaxiibkey siciid sulaymaan markii aan la kulmay wixii dhacay oo dhan ayaan uga sheekeeyay, anigoo min bilow ilaa dhamaad uga sheekeeyay qisadii dheereyd iyo qiyaanadii ay igu samaysay intii aan xiriirka lahayn ee ay ii kashiftay maalintaas, markii aan u dhameeyay saaxiibkey arintii　 maskaxdiisii wey kala weynaatay oo meel uu u jiheeyo ayuu garan waayay ilaa markii dambe aan sheekadii ugu soo gunaanudey wixii aan ku soo kala tagney aniga iyo Suleeqo wuxuu aad uga naxay Xaalada xun ee Suleeqo la soo gudboonaatey wuxuuna ilaahey uga baryay inuu u fududeeyo, aniga khaliif ahna wuxuu ilaahay iiga baryay inuu quluubtayda ka masaxo jacaylkii aan Suleeqo　 u qabey ee ku xidideystay dhamaan waayaha jirkeyga, saaxiibkey wuxuu sidaas iigu ducaynayo wax kale ma ahayn wuxuu ahaa saaxiibka kaliya ee ka war qabey jacaylkayga isagoo waliba ogaa in aan xaas leeyahay, aniga iyo saaxiibkey markii aan kala sheeko boganay ayaanu kala tagney anagoo ku balaney in la iska ilaawo Suleeqo.

Sadex usbuuc ka dibna waxaan gurigeyga dib ugu soo celiyay Xaaskeyga Zam zam oo muddo fara badan baxnaanin ugu maqneyd guriga aabaheed, soo noqoshadeedii waxaan u gowracey laba neef oo ari ah si aan u saaro qur’aan maadaama bilicdii iyo quruxdii ay lahayd ay aad isu soo bedeshay, qur’aan saarid ka dib nolol ku lamaanan farxad iyo rey reyn damaashaad iyo qosol, kaftan iyo ciyaar 　oo ay hormuud ka tahay Xaaskeyga qaaliga ah ee Zam zam ayaa mar kale dib iigu bilaabatey iyadoo bishii ugu horeysay uu ilaahay noogu bedelay kheyr iyo bishaaro oo ay uur lagu farxo ku qaadey, farxadii iyo damashaadkii waxaa nala wadaagtey Hooyadey maadaama aan ku wargelinay.

　　　　　　　　　　　 Xaaskeyga Zam zam baarinimada ka sakow ma ahayn naagaha nimankooda kala dagaalama in ay isbedel ku sameyaan noloshooda dhan kasta, waxay ahayd fariid aan wax la siistaa jirin, in ay fikrad iga maqan igu kordhiso mooyee waligeed kama hor iman qorshe aan anigu wato ha ahaado mid aan markaas ku dhaqaaqi rabo ama mid mustaqbalka aan rajaynayo, Habeenada qaar marka aan guur iyo wax la mid ah aan isku soo hadal qaadno, waxay ii cadayn jirtey in aysan jirin cid iga hortaagan in aan guursado, baarinimadaas iyo hadaladaas kalsoonida ku dhisan marka ay Zam zam igu tiraahdo gabadhii Suleeqo ahayd ee qiyaanada igula saaxiibtey ayaa qalbigayga ku soo dhici jirtey, markaasaan iska dareemi jirey inuu weli igu dambeeyo Jacaylkii Suleeqo ee aan u haystay inuu mar hore ka ba’ay qalbigayga, inkastoo aanan jeclayn inuu mar kale qalbigayga ka shanqaro jacaylkii Suleeqo hadana mar marka aan aniga iyo Xaaskayga isku soo hadal qaadno arimo guur niyada ayay ku soo dhici jirtey.

　 　　　　　Diidmada aan diidanaa inuu mar kale dib u soo laabto jacaylka Suleeqo waxaa ugu wacnaa qiyaanadii ay igu samaysay intii aan xiriirka lahayn, hadana qalbigayga kama faaruqeyn mar marka qaar wey igu soo dhici jirtey, si aan isaga baabi’iyo heer waxaan gaarey aan ka baqo oo aan ka dhuunto marka aan arko ruux iyada u eg xitaa maalmaha aan shaqada joogo aad ayaan isaga ilaalin jirey in aan ku kulano shaqada iyadoo raadinayso lacagtii loogu soo xawili jirey shirkada, bilihii ugu horeeyay waxaa shirkada iman jirtey walaasheed waa gabadhii ii kashiftey sirtii Suleeqo, iyada lafteeda waan iska ilaalin jirey in aan wada kulano waayo waxaan aad uga baqi jirey in ay wax iga su’aasho sababaha aan u iman waayay gurigooda maadaama ay iigu dambaysay habeenkii ay ii sheegtay in walaasheed ay xaas tahay, sideedaba hadalka haduu bato waxaa khasab ah in ay kashifaayo sir kale oo aan la ogayn oo ah xiriirkii qarsoodiga ahaa ee naga dhaxeyn jirey aniga iyo Suleeqo ee aan ka warqabin reerkooda, dadaal kasta oo aan sameeyayna marna qalbigayga waan ka goyn waayay jacaylkii ay Suleeqo ku beertay.

Muddo sideed bilood ah markii ay ka soo wareegatay ayaa maalin maalmaha ka mid ah anigoo ku dhex jira shaqadeyda waxaa Shirkada Xawilaada ee aan ka shaqeeyo soo caga dhigatey Suleeqo siyaad Cumar oo aysan ka muuqan bilicdii iyo quruxdii ay raga ku soo jiidan jirtey kuna indho sarcaadin jirtey marka ay hortooda ku soo laafyooto labis aad u qurux badana isku soo taagto, qofkii hore u aqooni jirey markuu arko maalintaas waxaa hubanti ah inuu shaki ka geli lahaa iney iyada tahay iyo in kale siduu anigaba shakiga iiga galey markii hore oo aan garan waayay in ay Suleeqo tahay iyo in kale inkastoo aan muddo badan moogaa hadana ruux aad jacayl wadaag ahaydeen sinaba kuma ilaabi kartid, Sidaas darteed markaan arkey Suleeqo oo talaabada u soo qaadeysa xagayga meel aan garanayn ayaa I gariirtey xitaa warqadii lacag bixinta ee aan markaas gacanta ku hayay ma xusuusto in aan saxiixay iyo in kale naxdin aan aragtideeda ka naxay darteed.

Suleeqo sidey u soo socotey ayay soo dhinac istaagtey daaqada laga qaato lacagaha xawilaada, goobta waxaa taagnaa oo aan lacag siinayay laba gabdhood oo walaalo ah oo macaamil la leh shirkada markii aan u dhameeyay gabdhihii howl kale anigoo aan gelin ayaan saaxiibkey u yeeray si uu howsha u sii wado wax yar ka dibna waxaan u soo wareegay dhankii kale ee ay taagneyd Suleeqo markiiba intaan Salaamay ayaan ugu baaqey in aan wada fariisano kuraastii fadhiga, Suleeqo oo ay farxad ka muuqato ayaa intey Salaantiii iga qaadey jawaab qumana iga siisay su’aalihii gaab gaabnaa ee aan weydiiyay ayaa u soo talaabo qaadey dhankii kuraasta.

Suleeqo oo aad moodo markan inay cabsidii ka ba’ayso sida ay hadalada iigu tuur tuureyso ayaa ugu danbayntii igu tiri:- "Khaliif waad la socotaa maalintii aan ku kulanay guriga Shukri in hadal noo madlanaa, waadna xusuustaa xaalkeygu siduu ahaa maalinkaas, al xamdu lilaah horta ilaahey waa ii gargaarey oo maanta culeyskii I saarnaa maalintaas ima saarno, hooyadey ayaan arintii u bandhigay waliba jilbaheeda ayaan ku ooyay si aan u dareensiiyo dhibaatadeyda, hooyo waa iska taqaan wey calool jilcan tahay markiiba waxay ka damqatey dhibaatdeyda waxayna arintii u bandhigtey abtigay, falaqeyn ka dibna waxay isku af garteen in inta laga ogaanayo　 xaqiiqada la sugo oo aan lagu deg degin furiin.

Jawi ka bedelan kii aan kaligay maalmahan　 ku dhex jirey ayaan guda galney aniga iyo Suleeqo saacadihii yaraa ee aan wada joognay waxaan heshiis buuxa kuwada gaarney in aan mar kale dib u soo nooleyno oo aan halkiisa ka sii ambaqaadno xiriirkii iyo jacaylkii naga dhaxayn jirney ee sanad ka hor bur burey, markii aan heshiiskaas isku afgaranay ayaan hadana isku soo qaadney in kulanka ugu horeeya uu ka dhaco guriga Suleeqo habeenka Talaadada ee nagu soo fool leh　 si aanu isula meel dhigno qorshaha cusub ee aan mar kale dib boorka uga jafeyno xiriirkii hore, Suleeqo heshiiskaas maqsuud ayay ka ahayd oo waxayba ka jeclayd in aan isla caawaba ka dhigano kulanka ugu horeeya balse aniga ayaa ka diidey.

Cabaar markii ay sheekadu noo socotey oo aan isku afgaraney goorta iyo meesha uu ka dhacayo kulanka ugu horeeya ee aan yeelan doono, ayaa waxaa na soo dhinac istaagtey islaan xaafada nala degenayd oo wiilasheeda badankood ay dibadaha jiraan oo ay aragtideeda iigu dambaysay dhowr sano ka hor, intaanan salaamin ka hor ayay aniga iyo Suleeqo nawada salaantey Salaantii markii aan ka qaadnay aniga iyo suleeqo ayay islaantii bilowdey in ay iga wareysato hooyadey iyo walaalahay iyo dhamaan caruurtii abtigey uu dhalay oo dhan xaaladooda iyo meesha ay ku sugan yihiin dhamaantood, markiiba in reerku nabad qabo oo ay weli ku sugan yihiin xaafadii ay nagu ogayd ayaan u sheegay, ka dibna waxay I weydiisay gabadha ila fadhida in ay tahay gabadhii uu abtigay dhalay ee la ii guurin jirey waxay ula jeedaa Zam zam, anigoo aan waxba ka dhigan fashilaada ay igu samaysay islaanta ayaan ugu jawaabey:- "Maya eedo, gabadhan waa gabar kale" markaasey igu tiri:-" anigu ma garnaayo iyadii ayaan moodey, ee wax ma kuu dhashay Eedo" "haa laakiin wuu iga saqiirey" ayaan ugu jawaabey anigoo dhibsanaya su’aalaheeda badan, hadana mar kale ayay duqdii igu tiri:-"Eedo Hadda wax siyaado ah ma leedahay"　 "Haa, hadii alle yiraahdo mar dhow waxaa laga yaabaa in ay dhasho" ayaan ugu gaabiyay duqdii, "Ilaahay ha kuu dhaafo, oo ha kuu barakeeyo," intey igu tiri ayay ii sheegtay in ay soo doonatey lacag loogu soo xawiley shirkada ka dibna lagu xujeeyay damiin, markiiba wiilkii shaqada hayay ayaan u sheegay inuu duqda lacagteeda siiyo, "Haye , eedo macaan kheyr alaha ku siiyo igu salaan hooyo iyo abti iyo dhamaan caruurta oo dhan" intey igu tiri ayay horey u aadey meesha lacagta laga qaato.

Anigoo sacabada isku garaacaya una muujinaya sida aan ugu faraxsanahay go’aanka cad ee aay ii soo gudbisay ayaan anigana si ay u qanacdo ugu jawaabay "Maxaa ii diidaya in aan ku hanto oo aad oorideyda labaad noqoto mar hadiiba jacaylka aan kuu qabo mid la mid ah aad ii qabto walibana aad raali iiga tahay Xaaska aan leeyahay", Suleeqo oo ii muujinaysa qosol yar oo xishood ku laran ayaa intey gacanta ii soo taagatey ayay igu tiri:- "hadii jacaylka aan isu qabno uu sidan u weyn yahay maxaa sababey in aan labadeenaba isa sirno oo aan been isu sheegno" anigoo aan jawaab ka bixin ayaan gacantii ay ii soo taagtey ka qabtey ka dibna inta indhaha ku gubay ayaan ku iri:- "Wixii hore u dhacay waxba gadaal ha noogu celinin aniga waxaa ila quman in aan ka wada hadalno waxa hada na hor yaalo ee na sugaayo ma garatey abaayo" Suleeqo oo hadalkaas ku qanacsan ayaa markiiba iigu jawaabtey :- "Sideedaba aniga baahideyda waa adiga, hadiiba aad ila joogto diyaarna aad ii tahay dacwo ma qabo" ka dibna qosol ayay guda gashay.

Sheekadii maalintaas na dhex martey aniga iyo Suleeqo waxaan ku gaarney waqtigii salaada duhur iyadoo aan si wadajir ah isugu af garaney in aan dib u bilowno xiriirkii hore nooga dhaxayn jirney anago ku wada balanay in habeenka talaadada ee nagu soo fool leh aan isugu nimaadno guriga Suleeqo, salaadii duhur markii aan soo tukadey ka dibna Suleeqo ayaan banaanka ula soo baxey si aan u sii sagootiyo.

Markii aan ka soo laabtey sagootintii Suleeqo ee aan Shirkada gudaha u soo galey waxaa markiiba qalbiga iiga soo dhacdey sida uu noqon doono xiriirka cusub ee aan dib u bilaabi rabno aniga iyo Suleeqo inuu sidii hore ahaan doono iyo in kale, maadaama kalsooni daro aad u weyn ay na soo dhex gashay inkastoo taas laga heshiiyay hadana waxaan aaminsanaa in ay ku xiran tahay sida qof walba uu muujiyo kalsooni iyo daacadnimo mar kale.

Isla habeenimadii ayaan u dhaqaaqey guriga saaxiibkey Siciid Suleymaan si aan ula socodsiiyo go’aankii aan wada qaadaney aniga iyo Suleeqo, nasiib wanaag isagoo ay la joogto Saaxiibtiis Muslimo ayaan ugu tagey guriga, waqtiga oo igu yaraa darteed saaxiibkey intaan hadalkii oo dhan u guud marey ayaan u sheegay meesha uu xaal maraayo saaxiibkey isagoo aad ugu faraxsan go’aanka aan qaatey ayaa iigu hambalyeeyay sida raganimada leh ee aan u qaatey go’aanka isagoo waliba igula kaftamaya jacaylka dhabta ah ee aan u qabey Suleeqo ayuu igu yiri:- "Wax badan Suleeqo waad ii amaantey dabeecadeeda iyo quruxdeeda, hadana waan ogaa inaad jeceshahay oo ay qalbiga kaaga taalo, hadii ay diyaar kuu tahay ha daahinin ayaan ku leeyahay" saaxiibkey aad ayuu uga war qabey jacaylka aan u qabo iyo sida ay iiga go’neyd in ay oorideyda noqoto, inkastoo xumaan yar ay na soo kala dhex gashay hadana xogta rasmiga ee jacaylkeyga ayuu ka warqabey, Saaxibkey waxaan kula balamay wixii soo kordha in aan u soo sheegi doono hadii alle yiraahdo ka dibna gurigaygii ayaan dib isaga so laabtey.

Galabnimadii Isniinta ayaan ku baraarugay in habeenimada caawa ah aan la balansanahay Suleeqo, isla daqiiqadihiiba waxaan guda galay in aan isku diyaariyo kulankaas qaaliga ah, abaarihii 6:45 daqiiqo ayaan ka soo dhaqaaqey gurigii aan ku noolaa anigoo ku jiheysan guriga Suleeqo, jawigu wuxuu ahaa mid aad u degan waxaa dhacayay dabaylo aad u qabow dadka qaarna ay ku dhaxmoonayeen, wadada dheer ayaan isku taagey anigoo ay masaxdaeydu ka guuxeyso kulanka caawa maadaama ku dhawaad sanad aanan tagin hoyga Suleeqo, jawigayga habeenkaas wuxuu u dhaxeeyay farxad iyo naxdin inkastoo qabow daran uu jirey hadana aniga wajigayga dhidid ayaa ka socdey, oo maba dareensanayn qabowga dhaxanta badan ee habeenkaas dhacayay.

Waxaan soo luudaba aakhirkii waxaan isa soo taagey albaabka laga galo guriga Suleeqo intaas gees u istaagay ayaan garaacey albaabkii, cid ila hadashay ma jirin hadana mar kale ayaan garaacey markiiba cod aan u maleeyay inuu ahaa Codkii Suleeqo ayaan maqley, markaasaan garaacii ku celiyay mar kale, isla markiiba albaabkii ayaa la furey iyadoo la leeyahay "waa kuma" mise waa Suleeqo Siyaad Cumar, intaanan u jawaabin ayaa waxaa isku dhacay labadeena waji intay aad ugu faraxdey aragtideydii ayay markiiba ii soo gudbisay salaan, si diiran ayaan salaantii uga qaadey ka dibna in aan gudaha u si galno ayay iigu baaqdey.

Anigoo aad ugu qanacsan raali gelintii ay hooyo Ambiyo ii soo jeedisay kuna faraxsan sida kalsoonida la ii siiyay wixii caawa ka danbeeyo inuu gurigu yahay gurigayga oo kale ayaan hooyo ambiyo u mahad celiayay una muujiyay sida aan raaliga uga ahay waanadii iyo raali gelintii ay ii soo jeedisay, waxaan kaloo horteeda ka cadeeyay in Suleeqo qaladkii ay iga gashay aan u cafiyay oo aan waxba u qabin, Hooyo Ambiyo oo wajigeeda laga dareemayo in ay ku qanacdey hadalkayga ayaa intey fadhigii ka istaagtey nagu tiri:- "iska sii sheekeysta aniga waan sii baxayaa, kheyr ayaan idiin rajaynayaa" "haye hooyo macaan" ayaan si wadajir ah ugu dhawaaqney ka dibna qolkii ayay dibada uga baxdey waxaana qolkii isugu soo harey aniga khaliif ah iyo Suleeqo Siyaad Cumar.

Habeenkaas waxay ii ahayd habeen farxadeed oo aan sina u ilaabi doonin waligey maadaama Suleeqo hooyadeed ay horteena ka cadeysay in ay aad u jeceshahay wadajirkeena iyo iska warqabkeena sida laga dhadhansan karo hadaladeeda, habeenkaas aniga iyo Suleeqo waxaa na dhex martey sheeko aad u xiiso badan oo aad u dheer inkastoo sheekadeenu ay u badneyd sidii aan mar kale uga ilaalin lahayn inuu kala dhantaalmo xiriirkeena ama uu burburo ku yimaado sidii markii horeba dhacdey markaas ka diba u yimaado kala tag, waxaan diirada isla saarney habeenkaas oo aan isku af garaney in wixii horey u dhacay aan mar kale la isku soo hadal qaadin kaliya lagu dadaalo sidii horey loogu socon lahaa inta laga gaarayo yoolka aan mustaqbalka tiigsanayno, si fiican oo is afgarad leh ayay sheekadu noogu dhamaatey inkastoo aan waqti dambe ku gaarey hadana waxba uma arkeyn oo wax waliba waxaa iiga farxad badnaa Suleeqo oo aan mar kale gacanta ku soo dhigey, Aniga iyo Suleeqo waxaan isku af garaney in kulamadeena aan ka dhigano habeenka talaadada halkii markii hore uu ka ahaa habeenka jimcaha.

Jawi aad u wanaagsan oo is afgarad leh ayuu nogu dhamaadey kulankii u horeeyay labadeena Anigoo maqsuud iska ah ayaanu kala tagney, runtii habeenkaas ma jirin wax wel wel ah oo aan isu muujinay intii aan wada hadalka ku jirney wax waliba sidii la rabey ayay noogu dhamaadeen ka dibna anigoo aad u faraxsan ayaan ka soo dhaqaaqey gurigii suleeqo.

Laba habeen ka dib wixii dhacay iyo isbedelka soo kordhey ee farxada leh waxaan ku wargeliayay saaxiibkey Siciid Suleymaanisagana sidaan aniga ugu farxey ayuu isagana ugu farxey wuxuuna igula dardaarmey in aan dedejiyo guurka aan ka damacsanahay Suleeqo inta aan isu xiiso qabno maadaama la yiri geeso lo’aad kuleylka ayaa lagu gooyaa, taladii saaxiibkey aad ayaan ugu qancey waana uga mahad celiyay ka dibna wixii maalintaas ka dambeeyay waxaan bilaabay in aan u diyaar garoobo aql galka Suleeqo siyaad Cumar waxaan arintii la socodsiiyay hooyadey iyo xaaskayga Zam zam weyna soo dhaweeyeen qorshaha aan wato waxayna ii balan qaadeen in ay hiil iyo hooba ay ila garab taagnaan doonaa mar walba.

Muddo sadex bilood iyo maalmo ayay igu qaadtey in aan wax walba oo tashiilaad ah oo loo baahan yahay aan ku diyaarsado anigoo aan waxba la socodsiin Suleeqo, markii aan howlahaygii wada dhamaystityey kaliya ay iga dhiman tahay Suleeqo ayaan habeen habeenada ka mid aan ku wargeliyay qorshaha aan wato iyo waliba sida dhaqsaha leh ee aan u rabo in aan arinta ku soo afjaro, Suleeqo markiiba wey iga ogolaatey ka dibna waxaan hadalkii ula tagney anagoo wada jirna hooyo Ambiyo Sheekh iyadana wey nagu raacdey oo wax war ah nama gelin hadiiba anagoo heshiis ah aan u tagney, hooyo ambiyo markii ay nagu raacdey go’aankii aan ula tagney ayay bilowdey in ay noo duceyso waxay ilaahey nooga baridey in aan noqono kuwii isku waara abidkood ubad kheyr qabana kala hela aniga iyo suleeqo oo gacmaha kor u taagena ayaan AAMIIN ugu jawabney.

Wixii habeenkaas ka dambeeyay waxaan gudo galey in aan la xiriiro qoyska ay ka dhalatey Suleeqo si maalinta kama dambeysta ee xaflada arooskeena loo iclaamiyo nasiib wanaag habeenimo isniin ah ayay arintii soo dhamaatey waxaana la isku af gartey in laba Usbuuc ka dib laga dhigo xaflada Arooska.

Laba Usbuuc ka dib waxaa xaafada aan ku dhashay laga dhigay xaflad Aroos oo aad u heer sareysa waxaana ka soo qeyb galay dhamaan wixii asxaab aan laha oo dhan iyo dhamaan shaqaalihii aan shirkada xawilaada iskala shaqeyn jirney iyo marti shafaraf kale oo aad u fara badan habeen ay jimco soo galeyso ayaan nasiib u yelanay aniga iyo Suleeqo ilaahayna uu nagu garab galey in aan si wadajir ah ugu aqal galno magaalada Muqdisho gaar ahaan gurigii aan markii hore la deganaa Xaaskeyga ZamZam.

Zamzam raali ayay ka ahayd in aan Suleeqo la aqal galo kulana aqal galo qol aan ka fogeyn qolka ay degan tahay micnaha hal guri in aan wada dejiyo ayay raali iiga ahayd, Zamzam marna wax isbedel ah iima muuujin intii aan todobada ku jirey waxay ahayd horseedihii igu dhiiro geliyay in aan iyada iyo Suleeqo iyo Hooyadey hal guri isugu keento waxaa hubaal ah haddii aan iyada ogolaansho ka heli lahayn in aysan ii suurto geli lahayn arintan aan ku dhaqaaqey kheyr alaha siiyee Zamzam waxay taariikh aan la iloobayn ku reebtay laabteyda ka dib markii ay u dulqaadatey in ay hooyo ka noqoto guriga mas’uuliyada labada qoysna ay gacanta ku dhigto Suleeqo lafteeda raali ayay ka ahayd sida aan ula dhaqmey iyo xaaska labaad ee aan la soo dejiyay inkastoo dumarka qaarkii aan laga helayn arintan hadana Suleeqo markii ay ku soo biirtey qoyskeena waxay la soo baxdey baarinimo aanan horey uga baran, howshii guriga ayay la qabsatey iyada iyo zamzamna aad ayay isku fahmeen is fahamkoodana wuxuu farxad aad u weyn ku dhaliyay hoyadey oo heshay labo gabdhood oo baari ah oo habeen iyo maalin kor taagan, hooyadey habeen iyo maalin gacmaheeda kor ayay u taagnaayeen iyadoo dhamaanteen noogu duceyn jirtey inuu ilaahay na barakeeyo.

Baarinimada Zamzam iyo Suleeqo wuxuu muran aan dhamaaneyn ka dhex abuurey bulshadii aan la nooleyn qaasatan dadka deriska nala ahaa kuwaasoo mar walba muran ka dhigan jirey in ay isku qab qabsadaan waa la isla qabaa iyo la islama qabo waa Zamzam iyo Suleeqo bal maxaa ka galey.

Wixii waqtigaas ka dambeeyay nolol raaxo leh oo barwaaqo ah oo aan waligay ilaahay ka baryi jirey ayaan dhex galay ilaahayna waa ii nimceeyay mar walba oo aan indhaha ku dhufto Zamzam iyo Suleeqo oo adeeg isu diranaya howsha gurigana si hagar la’aan isula qabanaya iyagoo aan is fiireyn is ficleyn sankana aan isku taageyn intaan aad ugu farxo ayaan ilaahay u mahad naqi jirey kuna shukri jirey nimcooyinkiisa.

W/Q:- Abuukar Max’ed Jimcaale (Abmoji yare)

NASABKII RASUULKA SCW

DUULLAANKII ABRAHA UU KU SOO QAADAY KACBADA

QODIDDII SAMSAMKA IYO NADARKII ABDI MUDHALIB

DHALASHADII & BARBAARINTII RASUULKA SCW

QISADII BAXIIRA

GUURKII KHADIIJA

DHISITAANKII KACBADA

SOO DIRITAANKII RASUULKA SCW

DADKII DIINTA UGU SOO HORREEYEY

MUUJINTII DIINTA & DIGITAANKII RASUULKA SCW