Waxyaabo qarxa oo saaka lagu arkay degmada Wadajir ee gobolka Banaadir

Subaxnimadii hore ee saaka ayaa waxaa la sheegay in kabar jaad lagu iibiyo oo ku yaalla nawaaxiga Suuqa weyn ee degmada Wadajir ee gobolka Banaadir lagu arkay waxyaabo qarxa oo bac lagu soo qariyey.

Dadka deegaanka oo arkay miinadaasi ayaa waxa ay ku wargaliyaan ciidamada dowladda KMG Soomaaliya ee degmada kuwaasi oo haatan goobta ku sugan islamarkaana isku dayaya in ay qarxiyaan waxyaabahaasi oo la sheegay in miinooyin ay ka mid yihiin.

Isku socodka dadka, ganacsiga iyo gaadiidka degmada Wadajir ee gobolka Banaadir ayaa waxaa hakad galiyey ciidamada dowladda KMG Soomaaliya oo dadka uga digaya in ay u dhawaadaan waxyaabahaasi, iyadoo wararka qaar ay sheegayaan in ciidamada AMISOM lagu wargaliyey arintaasi oo ay suura gal tahay in ay miinada meesha ka saaraan ama ay qarxiyaan.

Maalmihii u dambeeyay magaalada Muqdisho waxaa lagu arkayey waxyaabo qarxa oo qaarkood dhulka lagu aasay iyadoo ciidamada dowladda dhowr jeer oo hore ay ku guulaysteen in ay soo saaraan miinooyin lagu aasay xaafadaha magaalada Muqdisho