Maamulka Al-Shabaab degmada Balad Xaawo ee gobolka Gedo ayaa dadka degmadaasi ku sugan ku amray inay Sakada ay isugu keenaan Xafiis ay Al Shabaab ku leeyihiin degmadaasi iyagoo dhinaca kalana ganacsatada ku amray inay isasoo diiwaan galiyaan.

Amaradaani oo mudo sedax Maalin ah ku eg ayaa waxaa loo qabtay gabi ahaanba ganacsatada gudaha degmada Balad Xaawo kuwaasi oo lagu wargaliyay inay iska soo diiwaan galiyaan Xafiiska Maamulka Al Shabaab uu ku leeyahay degmadaasi Balad Xaawo, waxaana cidii aan isa soo diiwaan galin ay sheegeen Al Shabaab inay raadsaneyso goob ay ku ganacsato.

Maleeshiyada Al Shabaab ayaa magaalada kudhex wareegayay baabur lagu xirey sameecadaha dhaadheer kuwaasi oo ganacsatada lagu amrayay inay isku diiwaan galiyaan, waxaana la sheegay in amarkaani uu ka yimid Maamulka sare ee Al Shabaab.

Sidoo kale Maamulka ayaa dadka kudhaqan degmadaasi waxaa uu ku amray inay sakaatul Fidriga isugu keenaan xafiis gooni ah oo Shabaab ay ku leeyihiin Magaalada Balad Xaawo