Madaxweynaha soomaaliya Sheekh Shariif Sheekh Axmed oo magaalada London ku sugan ayaa xalay waxa uu la kulmay madax katirsan dowladda Britain oo uu kamid yahay Ra’iisal wasaaraha Wadankaasi Golden Brown.

Madaxweynaha ayaa kulanka uu la qaatay Mr. Brown waxa ay kaga wada hadleen arrimo dhinaca Ammaanka uu ugu horeeyo, waxaana Madaxweyne Shariif uu codsaday in wax waliba oo looga baahan yahay dalka Soomaaliya lagu qaban karo marka la helo nabad.

Nabadda ayuu xusay in ay tahay mid laga doonayo dhalinteeda Beesha Caalamka in ay gacan ka geysato isla markaasina ay kala qeyb qaataan sidii Soomaaliya ay u heli laheyd ciidan qalabeysan oo agabkooda oo dhan u dhameystiran yahay isla markaasina dagaal geli kara dhaqaalena lagu taageero.

Sidoo kale waxa ay kawada hadleen arrimaha Burcad badeedka Soomaalida ee sii kordheysa, waxaana ay dowladda Soomaaliya sheegtay in wax laga qaban karo burcad badeedka marka bariga lagala soo dagaalamo oo ah mar waliba halka ay geeyaan maraakiibta ay afduubtaan dadka saaran.

Arrimaha kale ee muhimka ah ee ay ka hadleen ayaa waxaa kamid ah labada ruux ee u dhashay wadanka Britain ee lagu heysto
Soomaaliya iyadoo Madaxweyne Sheekh Shariif lagu cadaadiyay in uu si aad ah uga shaqeeyo dadkaasi sidii loosiideyn lahaa iyaga oo bad qaba isla markaasina ay dalkooda dib ugu soo laaban lahaayeen.

Wasiirka Arrimaha dibadda Cali Axmed Jaamac (Jangali) ayaa waxa uu sheegay in wada hadalka labadaasi mas’uul uu si wanaagsan kusoo gaba gaboobay isla markaasina natiijo wanaagsan ay kala gaareen isaga oo rajeeyay in waxyaabaha ay kawada hadleen laga mira dhalin doono.