Dagaalo beeleedyo geystay qasaarooyin nafeed ayaa maanta Mar kale waxaa ay ka dhaceen deegaanada Bacadweyn iyo Camaara ee gobolka Mudug.

Dagaalkaani oo ahaa mid xoogan islamarkaana maanta barqadii ka dhacay deegaan lagu magacaabo Beylo oo ka tirsan deegaanka Bacadweyn iyo Camaara ayaa yimid kadib markii halkaasi ay isku fara sareen labo maleeshiyo beeleed.

Dagaalka oo ahaa mid xoogan islamarkaana labada dhinac ay isku adeegsadeen hubka nucyadiisa kala duwan ayaa inta la ogyahay waxaa ku dhintay 2 qof halka ay ku dhaawacmeen tiro intaasi ka badan.

Dagaaladaani ka dhacay koofurta gobolka Mudug ayaa waxaa ay imaanayaan xili isbuucyadii ugu dambeysay ay isasootarayeen baaqyada lagu dalbanayo in lagu joojiyo dagaal beeleedyada ka soo cusboonaaday qeybo ka mid ah gobolka Mudug.