|
Ciidamada Kenya iyo kuwa Somalida oo si buuxda ula wareegey Jasiirada Kudhaa
Saraakiisha ciidamada dowlada KMG Somalia ee ka dagaalamaya gobolada Jubooyinka ayaa sheegay iyagoo kaashanaya ciidamada Kenya iney si buuxda ula wareegeen Jasiirada Kudhaa oo ah mida ugu weyn jasiirado badan oo ku yaala xeebaha gobolka Jubada hoose.
Waxaa saraakiishan ay intaa ku dareen in jasiirada Kudhaa aysan wax dagaalo ah ka dhicin si amaan ahna kula wareegeen iyagoo xusay in dadka ku dhaqan jasiiradaas ay si weyn u soo dhoweeyeen markii ay tageen, iyagoo xusay markii ay la wareegayeen inaaney joogin wax ciidamo ah oo ka amar qaata Xarakada Al-Shabaab, haatana xaalada Jasiirada kudhaa ay tahay mid degan.
Jasiirada Kudhaa oo 180 km dhinaca koonfur galbeed kaga toosan magaalada Kismaayo, ayaa waxaa la xaqiijiyey in ciidamada Al-shabaab ay habeen hore isaga baxeen jasiiradaas ka dib markii uu culeys kaga yimid ciidamada Kenya oo maalmo ka hor qabsaday Jasiirada Buurgabo oo 30 km u jirta Kudhaa iyo degmada Badhaadhe oo ah halka laga xukumo jasiirada kudhaa
Xafiiska Wararka dankahadal
Bergen Norway
shiine@dankahadal.com
AMA-dankahadalcom@hotmail.com | 
