Xeerbeegtida dalka Mareykanka ayaa sheegay in nin Mareykanku ay ku eedaynayaan in uu gacan siiyay Al Shabaab maalintii Sabtida laga duuliyay dalka Naajeeriya isagoo loo qaaday dalka Mareykanka si halkaasi loogu maxkamadeenayo.

Maxamed Ibraahim Axmed oo laga soo xiray dalka Naajeeriya islamarkaana ah nin u dhashay dalka Eritrea oo haysta dhalashada dalka Swedan ayaa la sheegay in la soo taagay Maxkamad ku taala magaalada New York ee dalka Mareykanka isagoo xiran dareeska Maxaabiista, waxaana eedaymaha loo haysto kamid ah in taageero dhaqaale uu siiyay Al Shabaab oo dowladda Mareykanku ay horay u sheegtay in ay ku dartay liiska argagaxisada.

Ninkani u dhashay dalka Eritrea ayaa eedeymaha kale ee loo haysto waxaa kamid ah in magaalada Kismaayo ee xarunta gobolka Jubadda hoose sanadii 2009-ka lagu siiyay tababar la xiriira Jihaadka iyo sidoo kale sameynta Bambooyinka.

Maxamed Ibraahim Axmed ayaa hadii lagu helo eedeymaha loo haysto waxaa la sheegay in uu mutaysan doono Xabsi gaaraya ilaa iyo 45-sano.