Wasaarada Cadaalada oo maanta cafis u fidisay 14 maxaabiis oo ku xirnaa xabsiga dhexe ee Magaalada Muqdisho.

Wasiirka Cadaalada C/raxmaan Janaqow oo la hadlay saxaafada ayaa sheegay in maxaabiista la sii daayey ay ahaayeen dad awalba si qaldan loo soo xiray laguna waayey wax danbi ah.

Wuxuu sheegay in maxaabiistan la xiray xiligi ay Muqdisho ka talineysay dowladi uu madaxda ka ahaa C/llaahi Yusuf Axmed Madaxweynihi hore ee Soomaaliya ilaa iyo hadana ay isaga jireen xabsiga maxkamad la'aan.

"Marki aan imaanay magaalada Muqdisho oo dowladan cusub ay xilka la wareegtay saraakiisha Xabsiga waxay noo soo gudbiyeen 14 maxbuus,dadkaasi waxa ay ahaayeen kuwo si qaldan loo soo xukumay,waxaana lagu soo qabtay is qab qabsigi hore ee ku saleysnaa qilaafki dowladi hore iyo ARS-ta,hada waa sii deynay." ayuu yiri Janaqow.

Wuxuu sheegay in qaarkood si qaldan oo cadaalad darri ah loo xakumay halka qaar kalana ay isaga jireen xabsiga.

"Madaxweynaha ayaan u geynay wuxuuna ogolaaday sii deyntooda,waxaan siinay cadaalad sax ah,kuwa kale ee hada xabsiga ku jirana waan xakunay waliba si cadaalad ah" ayuu intaasi sii raaciyey C/raxmaan Janaqow.

Hey'adaha Garsoorka dowlada KMG ah ayaa hada si caadi ah u shaqeeyso waxaana ay si KMG ah ugu shaqeeyaan Maxkamada Gobolka Banaadir