Maxkamad ku taala dalka maraykanka oo 15 sano xabsi ku xukuntay muwaadin soomaaliyeed

Wiilkan soomaaliyeed oo lagu magacaabo Ahmed Hussein Mahamud ayaa maxkamadda waxay ku eedaysay in uu u soo socdaalay magaalada minisota islamarkaana masaajidyada mgaaladaasi uu ka bilaabay uruurinta lacago uu ku taageerayo xarakada Al shabab oo uu u soo marsiin jiray shaqsiyaad ka tirsan xarakada Al shabab oo Somalia jooga laakin ka yimid dalka maraykanka .

Ahmed Hussein Mahamud ayaa maxkamadda sidoo kale waxa ay ku eedaysay inuu tashkiilinayay dhalinyaro maraykanka ku sugan islamarkaana uu ku dhiirigelinayay inay aadaan dalka Somalia oo ay ka qaybqaataan dagaalka Al shabab ay kula jirto ciidamada AMISOM iyo kuwa dowladda KMG ah.

Ahmed ayaa sida maxkamaddu ay ka dhawaajisay waxa uu lacag gaaraysa $1500 uu u diray xarakada Al shabab ee Somalia ka dagaalanta waxana bishii june ee saanadkii tagay soo qabtay waaxda sirdoonka u qaabilsan maraykanka ee CIA oo ku soo xertay maxkamad ku taala magaalada minisota.

Qaadiga maxkamadda ayaa ku dhawaaqay inuu wiilkan soomaaliyeed uu wajahayo xabsi gaaraya 15 sano oo maanta u bilaabandoonto