Maamulka Culumaa’udiinka Ahlu Sunna Waljamaca ee gobolka Banaadir ayaa dawlada iyo shacabka Soomaaliyeed ugu baaqay dagaal kadhan ah kooxda shabaabka iyo xisbul islaam oo ay sheegeen in ay yihiin kooxo fitno wadayaal ah isla markaana soo gelinaaya dalka dad ajaanib ah oo diinta islaamka fasahaadinaya.

Sheekh Maxamuud Axmed Shuuriye oo ah afhayeenka culumaa’udiinka ahlu suna Waljamaaca ee gobolka Banaadir oo saxaafada shir jaraa’id u qabtay ayaa waxa uu ugu baaqay dowlada KMG ee Soomaaliya iyo shacabka Soomaaliyeed in ay kala qeyb qaataan dagaalada ay kula jiraan ciidamada shabaab iyo xisbul islaam si meesha looga saaro kooxahaasi iyo ajaanibtooda.

" Waa kaankaro Al-Shabaab waxaan goosma aheyn malaha waana in aan meel uga soo wada jeesanaa sidii aan meesha uga saari laheyn" ayuu yiri Afhayeenka Ahlusuna Waljameeca ee gobolka Banaadir isagoo intaasi raaciyay in ay ku rajo weyn yihiin ciidamda Ahlusuna in ay kala wareegaan kooxoaha uu ugu yeeray Khawaarij ku soo duushay dalka iyo ajaanibtooda goobaha ama fariisimaha ay kaga suganyihiin Magaalada Muqdisho.

Afhayeenka ayaa waxa uu tibaaxay in aanay u dul qaadan karin Culimaa’udiinka Ahlu suna Waljameeca kooxaha ku soo duulay dalka dhibaatada ay ku hayaan Shacabka Soomaaliyeed wuxuuna sheegay in ay ka xureyn doonaan dalka kooxahaasi Khawarijta ah ee uu shegay in ay yihiin cadaw