Diyaaradaha wax basaasa ee AC-130 oo xalay gaaf wareegayay magaalada Muqdisho

Diyaaradaha wax basaasa ee AC-130 iyo kuwa guuxooda sareeyo ayaa xalay oo idil gaaf wareegayay magaalada Muqdisho, iyadoo diyaaradahan ay ahaayeen kuwo mararka qaar soo dhowaanayay,

Diyaaradahan ayaa ahaa kuwo guuxooda soo bilowday xalay fiidkii, waxaana dadka reer Muqdisho ka seexan waayeen guuxeeda, waxaana saqafka guryaha qaar ay ahaayeen kuwo gariirayay marka ay dul mareyso.

Inkastoo Magaalada Muqdisho ay caadi ka noqotay sanadihii u dambeeyay diyaaradaha wax basaasa, ayaa hadana waxay arrintan sii weyneysaa qorshayaasha ku aadan duulaanka ay qorsheyneyso Dowladda KMG, kaas oo ay gacan ka geysaneyso Dowladda Mareykanka.

Saraakiil Mareykanka ah ayaa sheegay in ay suura gal tahay in Howl gal duqeyn ah ama Howl gaar ah oo ku dhufasho ah ay sameeyaan, iyadoo Dowladda KMG lagu taageerayo qorshaheeda dagaal ee ka dhanka ah Mucaaradka.

Dadka odorasa siyaasada ayaa hadal haya duulaanka Ballaaran ee ay qorsheyneyso Dowladda KMG, hase ahaatee lama oga halka ugu dambeyn saldhigan doono, laakiin qorshahan ayaa ah mid aad uga duwan kuwii hore,