Madaafiicdan oo ah kuwa BM-ka ayaa waxaa laga tuurayay fariisimaha ay Amisom ku leeyihiin Garoonka Diyaaradaha Aadan Cadde iyo Xarunta Xalane ee degmada Wadajir.

Suuqa Bakaaraha ayaa shalay iyo maantaba si aad ah u camirnaa maadaama xaalada Muqdisho ay daganeyd, waxaana soo camiray dad fara badan oo u badan dumar iyo caruur oo dukaameysi u soo aaday.

Dadka suuqa u dukaameysiga aaday ayaa waxaa ay isu diyaarinayaan maalinta ciida oo lagu wado todobaadka soo aadan, waxaana ay gadanayaan dhar ay ku ciidaan waxyaabaha udgoonka iyo qalabka ay caruurta ku cayaaraan.

Mid ka mid ah ganacsatada suuqa ayaa sheegay in suuqa sida roobki oo kale ugu hoobteen madaafiic tiro badan, waxaana uu tilmaamay in aanu ogeyn sababata loo duqeynayo.